Forum

Post Reply
Forum Home > Mipuite zawhna hrang hrang > Arba Kosot kan in nachhan enge?

hakhokhma
Site Owner
Posts: 40

Eng vangin nge 'Leil Seder' ah hian 'Arba Kosot' (wine no 4) kher hi an in thin, hei hi Torah ah pawh kan hmu si lo a?


 

Chhanna: 'Arba Kosot' hi 'Takanat Khakhamim' (Rabi te dan siam) a ni a, hei hi Pesach zan (ליל ט"ו בניסן) ah Seder naa in tel thin a ni a, he mitsvah(thupek) hi 'Masekhet Psakhim' Mishna (י"א) ah a inziak hmasa ber a, he thupek hi Torah thupek ani lo a, 'Mitsvah Derabanan' (Rabi te thupek) a ni. Mahse, hei hi a pawimawhin, mirethei pawhin a ti ve ngei tur a ni a, a leina tur pawisa a neih loh pawhin a thawmhnaw te hralhin 'Arba Kosot' tur wine chu a lei ang, tih hial a pawimawh a ni.

 

   Tin, chumai ni lovin, he thupek hi a pawihmawh hle a, mi chu wine a in avanga amahah hrisel lohna emaw, lu natna emaw  athlen dawn pawhin a in tho tur ani tih hial a ni a, tin, Gmara 'Masekhet Nedarim' (מט, ב) ah tihian a in ziak a, "Rabi Yehuda chu Arba Kosot a in hnu hian a lu anat avangin Pesakh atanga Atseret thlengin a lu a hreng thin" tiin a inziak a, hei hi a hnu kar sarih theng tihna a ani.   

 

   He Arba Kosot hian entir a neih chu Mitsraim atanga chhuah anih khan 'Nes' thilmak thleng chi li te avang ani a. (tawngkam li te).

 

  Kos Rishona (no 1 na): Hei hi Kidush na no  ani a, hei hi Khakhamim te thupek angin kut leh ni thianghlim dang zawng te ang thoin Yom Tov (Ni thianghlim) te chu Wine no hmanga 'Mekadesh' tur anih angin.

 

  Kos Shnia (no 2 na) : Hei hi 'Magid' (thu hrilhna) huna in tur a ni a, he wine kan in hian naupang te chu anlo phur ta ang a, tichuan, zanin kan hman nachhan te zawhna an rawn zawh theih nana tih a ni.

 

  Kos Shlishit (no 3 na): Hei hi Birkat Hamazon sawi hnua in tur a ni a, ni danga Birkar Hamazon kan sawi pawh hian in tel thin tho a ni a, mahse, tun tumah hi chuan 'Khova' in ngei ngei tur tih a ni.

 

  Kos Reviit (no 4 na): Mishna chuan Kos Reviit hmang hian Halel chu sawi zawh tur a ti .

 

 Tin heng Arba Kosot ho in lai hian 'Benei Khorin' Zalen fate kan nih entirnan vei lam panga thle awn chunga in tur a ni.

 

  Tin, heng bakah hian 'Kos Khamishit' tih a awm leh a, mahse hi hi 'Khova' (tih ngei ngei ngai) ni lovin, 'Reshut' (a duh apiang te tan) chauh anih tawh avangin, wine kan in leh duh chuan kan in leh thei a, mahse hemi kan in chuan 'Halel Gadol' kan sawi a ngai thunga  ni. Hei hi 'Masekhet Psakhim' קיח, א ah te a in ziak a, tin, Rambam pawhin (הלכות חמץ ומצה ח, י) a ziak bawk a ni.

 

April 4, 2012 at 5:20 PM Flag Quote & Reply

You must login to post.