Forum

Post Reply
Forum Home > Mipuite zawhna hrang hrang > Chapchar kut hi Halacha in engtin nge a thlir?

hakhokhma
Site Owner
Posts: 40

Zawhna: Shalom Rav,Hei keini Israel ram a awm tawh Bnei Menashe te hian Mizoram a tih thin ang deuh in ‘Chapchar kut’ kan hmang thin a,hemi chung chang hi Halacha kalh leh Judaism sakhua rinna dodalna a awm thei angem ? Leviticus 18:3 ah “In awm tawhna Aigupta ram mite tih ang kha ti suh ula,ka hruai luhna tur che u Kanaan ram mite tih ang pawh ti suh ang che u;an dan pawh zawm bawk hek suh u” tiin a in ziak si a,chuvang in Chapchar kut hi Jentile te tih dan a ngaih theih ani angem ? khawngaih in kimchang leh felfai tak a min hrilhfiah theih chuan ka lawm hle ang.


 

 

Rav Gurion Sela: Shalom, I zawhna chu zawhna tha tak mai ani a,tunlai khawvel ah keini Israel fate zing a mitam tak in P-thian hnamthlan kannihna theihnghilh in khawvel mite ang a awm a khawsak ve chak tam tak kan awm a.Pathian hnamthlan,hnam chung chuang kan ni a, khawvel mite ang in kan awm ve hi a thiang lo tih hi kan hriat nawn leh a tan a tha em em a.Keini Israel fate,Pathian hnamthlan te chu kan thlarau a chungnunga a sang ang tho in kan tisa khawsak na pawh a dang tur ani a, kan ei leh in a dang a, kan silhfen in bel leh kan tawngkam leh khawsak zia pawh khawvel mite ai chuan a mawi in a tha zawk tur ani.

 

 

    Kan Torah in ramdang mite tihdan a khap hi chiangtak a sawifiahna a nei lo a, Aigupta ram mite tihdan, Kanaan ram mite tihdan leh an dan zawm te min khap sak ani mai a,engdan nge erawh chu tarlan ani lo ani. Kan Torah mithiam ten an hrilhfiahna, Ramba”m leh Shulkhan Aruch te leh dang dang en chuan khawvel mite thil tih dan zawng zawng Torah in min khap sak lo a,thil engemawbik chauh Torah in min khapsat hian a huam tih chu chiang tak in a hmuh theih ani. Rash”i (Torah hrilhfiahtu) chuan helai a kan Torah chang in min khap sak te chu,Milem biakna hmun sak a,milembiakna hma ah chuan a fakna hla sak te. Fiamthuthawh a uanthuanna hmun din te entir nan Bawng leh ransa chhaihkawlh a in umtirna te hi ani tiin a hrilh fiah a.Ramba”n chuan Uirena chungchang sawina ani tiin a hrilhfiah thung.

 

 

     Tin,Shulkhan Aruch Yoreh Deah chapter 178:1 en chuan tihian ziak ani: “Jentile awmdan in kan awm ve tur ani lo a, an silhfen bik te in bel ve tur ani lo a (entirnan Roman father kawrfual leh,Budism puithiam ho thawmhnaw etc te ).An sam mehdan in kan met ve tur ani lo a,Beksam an metkawlh a chhip an zuah a,leh sam zuah sei te.

 

 

     Milembiakna hmun ang Hall te din lo tur ani a” tiin a ziak a.Tin,Ram”a chuan a belh chhahna ah Milembiakna bak ah Hmeichhiat mipatna lam a khawlohna chungchang kaihhnawih thei thil,entirnan Thawmhnaw sen vut te hak a thiang lo a,tin awmzia nei lo thil an tih te khap ani a, nimahsela Doctor ho form in bel te chu awmze nei, annihna te tarlang tu ani avang in khap ani lo tiin a ziak.

 

 

     Ramba”m Hilchot Avodat kochavim chapter 11:1 ah chuan tihian ziak ani :”Jentile te tihdan in kan ti tur ani lova, anmahni angin an silhfen te kan in bel tur ani lo a,an sam mehdan ten kan mek ve tur ani lo.Kan silhfel leh khawsak zia ah te chuan keini chu kan danglam tur ani”tiin.

 

 

    Tun a kan han tarlan atang te hian Torah in min khapsak ho hi khawvel mite thil tih dan zawng zawng anilo tih a chiang hle a,khawvel mite tihdan zawng zawng min khapsak ni seng chuan he khawvel ah awm theih ani dawn si lo a,Jentile ten chaw an ei a,chumi avang chuan chaw ei chu Jentile te tihdan kan tih a kan ei loh mai zawng in rei kan dam hauh lo ang le.Tin,Jentile ten Computer an hmu chhuak in an hmang a,chuvang in Jentile tihdan ti ta ila,tunge chutiang tello chuan tunlai khawvel ah awm thei ang ?Chuvang in kan Torah in min khapsak thil te chu Milembiakna leh khawvel nawmsakbawlna lam a kawk a,nimahsela chutiang thil nen a in kaihhnawihna awm lo thil te chu khap ani lo ani.Tin,Chapchar kut hi Jentile te tih dan ani em ? Tu hmuhchhuah leh tu bultan nge tih pawh hi chhut tham ani in ka hria.Kan pi leh pute kha kan rinna ah chuan Menashe hnam in kan ngai a,jentile nilovin Israel hnam sawm bo zing a hnam pakhat kha kan ni tih chu kan rinna ani a,chumi chu zion a kan hawng leh chhan chu ani reng ani.Jentile hulhual, Torah nen a in zawmna leh in kungkaihna nei miah lo Juda sakhua a in let a saphun lek ah kan in ngai lo a,Keini chu hnambo,kum sanghnih leh zasarih chuang ramdang a vakvai a, kan vahvaihna lak ata leh kan bona lak ata chu harhchhuak in Ramthianghlim ah kan hawng leh mai ah kan in ngai zawk ani.Nimahsela kan bo na a rei tawh in Torah te kan theihnghilh in kan zawm lohna te a rei tawh si a,chuvang in a chian leh zual nan Giur le’Khumra kan ti ani maia, Jentile Giur ang lek in tumah kan in ngai lo ani.

 

 

   Chuvang in kan pi leh pute kha khawvel a vakvai a an awm lai a,Ram ngai em em leh Torah tuihal em em a an awm lai leh khawvel sakhua dang in a chiahpiah hma deih tawh khan Chapchar kut hi an lo hmang tawh thin a,thenkhat phei chuan Kut pui Pathum Pesach,Shavuot leh Sukkot ang zulzui khan keini mizo pipu te khan Chapchar kut, Mit kut leh pawl kut te kha an lo hmang thin a,Heihi Israel hnam bo kan nihzia tarlang tu ani an ti hial ani. Chuvangin Chapchar kut hman hi Jentile te tih dan leh Sakhua dang te tihdan nilovin,minthlahtu kan pi leh pu te tihdan,Khawvel sakhua dang chim ral leh chiah boral lo a min humhim tu leh Torah a min hruai kir tu ani zawk ani. Chuvangin hemi ni hi mawihnai tak leh felfaitak,hmeichhia leh mipa lam ho loh te,hlimhlawp bawlna te nilova kan in lungrual leh kan in suihkhawm theihna tur a thil tih anih chuan Halacha leh Judaism rinna kalh thil a awm in ka hre lo ani.


Source: Shavei Bulletin 31,2012/Shevat,5772-Vol.6-No.5


---------------------------------------------------------------------------------------------------------------------

Cheraw kan chung changa Rav Gurion Sela hnena Kiriat Arba mipui en zawhna an zawh

Mizo lam hi, abikin Cheraw kan hi Juda kan nih tawh hnuah hian ala thiang em?


 

 

Rav Gurion Sela (2.3.2009 K.Arba)=> Mizoram lama kan lo tih thin ni mahse , kan tih thin lai kha Judaisma kan la in GIUR hma thil a ni a, tunah chuan JUDA mi dik tak kan lo nih tawh hnu ah chuan, CHERAW KAN hi mizoram lama kan tih dan ang khan Asur (thiang lo) a ni. (Mipa chuan an kan thei a, Hmeichhia pawhin hmeichhe hlang awmna ah chuan an kan thei , tin, Naupang Bar mitsvah/Bat Mitsvah la tling lo kum Gil khinukh (kum 7/8 ) vel pawhin an kan thei a ,) amaherawh chu , a kan dan pangai, hmeichhia in kana , mipa in khawn ang kha chu juda tih dan tur a nih loh avang in , Thiang lo (ASUR) ani .


* A shiur tluana ngaihthlakna -> click here


-----------------------------------------------------------------------------------------------------

 

Jevulun David (Admin Bnei Menashe Chanchinthar bawm) 19/4/2013

Rav Sela Gurion-a hnenah Chapchar Kut chungchang zawhna!!!!


Rav Shalom!!! B'nei Menashe Chanchinthar Bawm Admin ka nihna angin zawhna Chapchar Kut chung chang ka nei a,Chapchar Kut chung chang hi kan sawi/khel rei tawh a, mimal emaw chhungkua,Khua khua tihin kan in hnial/Sawi sel rei tawh a, Mipui te hian thu dik hi kan hre duh a,Khawngaih takin ka zawhna te min chhan thei chuan ka lawm ngawt ang.


 

1)Israel Mi tu mah in he kut hun chhung hian Kut dang a lo hman hnan tur a ni lo,Hnam leh Sakhaw dan khalh tih hi Torah/Halakha ziak in a awm em?


 

2)Chapchar kut hi a hun tak a hman hian harsatna a awm em? a hun taka lo hmang tah ila mipui hian kan hlutin kan in lungrual phah i ring em?


 

3)Banner a in ziak angin "Menashe Day" tih hian kan unau Manipur te a huam tel veh em? Menashe Day hmang tur hian a hran pahin sawmna an dawng em?


 

Rav Gurion Sela Chhanna:

Nau duhtak Zevulun, chapchar kut chung chang I zawhna chu tihian kan chhang ange:


 

1.chapchar kut chungchang hi nia kan khel rei tawh a,mahse zawhna la nei fo leh la hre thiam lo te chu shiur ah an kal tha tawk lo tih na ani Mai ah ka ngai. Vawitam chiang tawk tak in Phal anih Dan kan sawi tawh a, tin, chutiang bawk in harsatna leh buaina a awm theih chungchang pawh kan sawi a,mahseng chutiang kan sawi ngaihthla mang si lo a a thar bawk a sawiselna lo zawng leh thinte an awm hi pawi ka ti tak meuh meuh ani.


 

2. Kut hun chhung a kut dang hman: shulkhan Aruch; Orach Chaim ;chapter 547:1 chuan tihian a ziak " kut lai in nupui neih loh tur ani tiin". Hrilhfiah tuten a chhan an hrilhfiah ah chuan , hlimna chu hlimna dang belh chhah anih loh nan, kut lai a hlim tur a thupek kanni a, kan nupui ah te hlim tur nilovin, miin nupui lo nei seng kut hlimna thenghil in a nupui ah a hlim na a pe palh ang, Torah in " ve'samachta be'chageikha" a tih lai a nupui te a lo hlim chu a thiang lo ve an ti ani. Chuvang in mimal hlimna khap ani a. Nimahselang kut hlimna ti belh chhah tu tur leh ti so sang tur chuan hlimna hrang2 a thiang a, chuvang chuan minthlahtute thlan " machpela" ah pawh kum tin chol hamoed pessach lai in concert a awm ziah reng ani. Tin, sukkot chol hamoed ah pawh "simkhat Beit hashoeva" te.


   Tin, hemi Chung Chang ah hian shulkhan Aruch a in ziak chu duh khawp lovin, Gadol hador,Rav Dov Lior Shlit"a ka zawt a,ani pawh in Halacha Kalhna a awm loh thu chiang tak in min hrilh bawk ani. Chuvang in Gadol hador hial hnial thei leh hnial Phak ka Ni em ? Tih I in en chiang lawk ang chu !!. Tlem a inngaihtlawmna leh inphah hniamna kan va mamawh em ?!!.


 

3.A Hun tak a hman: A huai hawttuten mipui hman Hun leh remchang an zawng a, mi zawng2 in holiday an neih Hun anih a vang in hemi Ni ah hian an ruat ani Mai a,a ai a Hun tha zawk a awm anih chuan duh thu Sam ani ang chu.


 

4. Menashe day: hemi Ni hian bnei Menashe mi zawng zawng sawm anni a, kan unau Manipur lam te pawh kum tin an rawn tel ve ziah a, thusawi tu ah te leh lam ah te pawh an rawn tel ve thin ani.


 

5. Sawisel tute: He Mi Ni sawiseltu thenkhat te hian dikna leh P-thian thu an duh tak tak vang a sawisel nilovin,itsikna leh inthikna a avang a sawisel anni. Torah chu kawr ah hmang in Torah hmang in kan er zawng leh thikte kan sawisel in kan chawk buai thin ani, Heihi keini bnei Menashe te zing ah hian thil thar ani lova, vawinni thleng a kan buaina kan neih chhan pawh ani reng ani.


 

6. Israel Independence Day 65 na kan hmang zo chiah a,hemi Ni hi kan lawm in P-thian hnen ah lawmthu sawi nan kan hmang a,amaherawh chu he Ni hi mi zawng zawng in kan lawm lo, kan lawm lo Mai pawh nilovin thenkhat Phei chuan Israel flag halna Ni ah hmang keimahni Israel fate zing ah ngei pawh kan awm,anni ngaih Dan chuan hemi Ni hi lawm tlak loh Mai pawh nilo, P - thian leh Torah bawhchhiatna ah an ngai ani. Chuvang in eng ang a thil tha pawh ti mah i Lang do tu leh sawisel tu an awm dawn tho tho, kan thil tih a that poh leh thlemtu pawh a Lian tial tial tiin kan Torah Mithiam ten minzirtir ang in.chuvang in Rilru zau tak Pu Chung in thil tih kan tum zel tur ani .


 

    Thu chah: unau bnei Menashe te u, hawh u i harhchhuak ang u ! . Mi Thil tha tihsa tihchhiat tum a hmalakna neih ai chuan eng tin nge thil tha ka Hnam tan ka hmuhchhuah in ka tih ve ang ? Tiin Rilru Pu ila, ngaihtuah na atthlak tak hi I hnawl bo ang u. Ngaihtuah na atthlak tak hi kan hmasawnna tur a min dang tu ani si a


March 30, 2012 at 9:03 AM Flag Quote & Reply

You must login to post.