Forum

Post Reply
Forum Home > Mipuite zawhna hrang hrang > Chinai hi dawidim ani em? Omer hi Hmeichhe tan chhiar a ngei em?

hakhokhma
Site Owner
Posts: 40

Esther Fanai : Mizo ram ah chuan zuk leh hmuam ti dauh vek kan ni a, Chinai hi thenkhat chuan 'khametz' (Dawidim) ti  an awm a, chiag zawk in min hrilh thei ang em? Hmeiche tan Omer hi chhiar ngei ngei angai em? Khawngaih in min chhan theih chuan ka lawm hle ang.


HAKHOKHMA: Zuk leh hmuam chungchang thu ah chuan, Meizial (Cigarates) hi a lehkha an charna hi 'Milan' Wheat tuihnang anih avangin 'Khamets' (Dawidim) chiang bal ani a, chuvangin, Cigrates zial sa ang hi Pesakh laiin zuk thiang lo tiin, kum 2006 khan tunlaia Rabbi thiam ber Harav Yosef Shalom Elyiashiv שליט"א chuan a sawi tawh a.


    Tin, Chinai chungchang thu hi 'Kashrut' kan zirlaiin kan Rav ka zawt tawh a, dawidim ani lovin, Pesach laiin ei thiang a ti. Tin, chutiangin, nikum lam khan HK_Channel ah mipui ten Rav Shlomo Gangte zawhna an zawhnaah pawh Chinai hi dawidim ani lo a ti... Eng pawh nise, Chinai chu amah ngau ngau chu dawidim ani lova, mahse, chinai an siamna (tui an chiahna) bur emaw an chawhna emaw kha dawidim awmna anih palh a hlauhawm a, chuvangin, pesach laia kan ei duh anih chuan, a chinai lung lei a, tichuan, mahniin, fimkhur taka lo buatsaih lawk a tha in, a him ber ang.


    Tin, Omer chhiar chungchang thua Hmeichhe tan chungchang ah chuan.... Shulkhan Arukh ( תפט א ג' - "ומצווה על כל אחד לספור לעצמו ) "Mi tinin mahni tan theuh an chhiar chu thupek ani" tih inziak hi... Mishna Brura chuan hrilhfiahin, "He thupek hi Hmeichhia te leh Chhiahhlawh te chuan an tih ve kher a ngai lova, achhanchu 'Mitsvat ase shehazman grama' hunbi neia tihtur thupek, anih avangin, an tih ve kher a ngai lo a ni,tiin.

    Tin, Hamagen Avraham chuan heti hian a ziak bawk a, "He mi atang hian hmeichhia te chungah pawh he thupek hi intluktlangin a innghat a ni" tiin, a sawi a, mahse, kan ram Israel ah te hi chuan hmeichhia ten an chhiar ve kher lo a ni.

    Tin, 'Shulkhan Shlomo' lehkhabua a inziah danah chuan, "Hmeichhia te chuan an sawi ve duh a nih chuan a Brakha tel lovin an chhiar ve thei ang, a chhanchu, nitina Beit Kneset ah te kal ziah an nih loh avangin, vawi khat tal chhiar loh zan an neih ngei dawn avangin, an tluk palh loh nan a Brakha chu an sawi tur a ni lo" tiin a ziak a ni. Hei hi, mipa te pawhin zan khat emaw an lo chhiar loh palh chuan, a hnuah a Brakha nen an sawi chhunzawm thiang tawh lo a ni.




March 14, 2012 at 6:04 PM Flag Quote & Reply

You must login to post.