Forum

Post Reply
Forum Home > Mipuite zawhna hrang hrang > Israel ram pawna zin chhuah

hakhokhma
Site Owner
Posts: 40

Zawhna: Shalom Rav, Ram pawn (Entirnan Mizoram ah) zin khawthawng tur in kal ka tuma, mi dang ka atang a ka lo hriat dan in Israel ram atangin ram pawn ah chhuah phalh ani lo tih ani a, chutiang anih chuan Ram pawn zin chu a thiang lo em ni ? Mizoram zin chu phal ani dawn nge dawn lo min hrilhfiah theih chuan ka lawm hle ang ?

 

Rav Gurion Sela: Midrash ah chuan hetiang hian ziak ani: Vawikhat hi Rabbi Eliazer ben Shamua leh Rabbi Yochanan Hasandler te hi Rabbi Yochanan Ben Betira (Babulon a awm) hnen ah Torah zir tur in kal an tuma, Israel hmar tawp ramri an thleng chuan Israel ram chhuahsan tur chu an ngai ngam lo a, an mittui a tla ta zawih zawih mai a,an kawr an pawtthler a,Torah a in ziak " chu ram chu in ro chun anga, in cheng tur ani " tih kha a ngaihtuah a,Israel ram chhung a awm chuan Mitzva dang zawng zawng a hen ani lo em ni ? chuvangin ram dang ah Torah zir tur in kan chhuak tur ani hlai nem tiin an khua lam ah chuan an kir leh ta ani tiin. Tin, Talmud chuan Israel ram atang a ram pawn chhuak te chu Milem bia ang a ngaih anni a, ram pawn a chengte chu P-thian nei lo ang anni tiin a ziak bawk ani.

 

    Zohar bu chuan Ram pawn a chengte chu Milem bia ang leh P-thian neilo ang a ngaih anni tih awmzia chu hetihian a hrilhfiah: Israel ram chu P-thian enkawlna hnuai a awm bik ani a, a chhung a awm leh thil thleng zawng zawng te hi a ma tih vek anni a.Ram pawh chu an mahni ram theuh enkawl tur in an ram bik vantirkoh a ruat a, chung vantirkoh hmang chuan chutiang ram ah chuan thil a thleng in a lo awm thin ani. Khawvel hnam sawmsarih te hian anmahni aiawhtheuh Van ah Vantirhkoh an nei a,chung vantirhkoh te chu an ram enkawl tu te an ni .Chuvang in Ram pawn a tawngtaina te chu an tawngtaina Van ah Pathian hnen ah direct in lawn lo in chung vantirkoh te hnen ah chuan a thleng phawt a,chung vantirhkoh te chuan P-thian hnen ah an thlen chauh thin a, chutiang a lo nih avang chuan Milem bia ang a ngaih anni tihna ani. Israel ram chhung a tawngtai te chu an tawngtaina P-thian hnen ah ngiltak in a kalchho nghal thin ani.

 

    Ramba"m chuan Torah thiam leh Rabbi lian tak tak te pawh in Israel ram lei lung te chu duh tak in an fawp ngawih ngawih in a ram an hlutzia lantirnan a vaivut ah te chuan an tal thin tiin a sawi a. Tin, Israel ram a chengte chu an sual ngaihdam thin ani a, Israel ram a in phum te chu Maicham hmun a in phum ang anni a chuvang in an sual pawh ngaihdam anni thin tiin a ziak.

Ramba"m, atang a kan hmuh dan leh Talmud leh Midrash atang te a kan hmuh ah chuan Israel ram atang a rampawh chhuahdan kawng pali chauh a awm a,Chungte chu: Nupui nei tur in,Sum dawng tur in,Torah zirtir tur in,leh Nunna chhan himna tur in tih te anni. Nimahsela ram pawh ah chuan awm hlen tur a chhuah chu athiang lo a, heng a thiandan pali te pawh hi Ramthianghlima hawng leh tur a kal chhuah anih chauh in a thiang a ni. Ram pawh a awm te chu sual lian tak ti te anni a,an dinhmum lak ata paihthlak an la ni ang tih ani.

 

    Chuvang in I zawhna :Ram pawn ah zinkhawthawng tur a chhuah a thiang em i tih chhanna chu:Zin mai mai tur in I kal dawn anih chuan a thiang lo anga,a phaldan pali kan ziah tak te zing a mi pakhat tal i hlen dawn lo anih chuan Ramthianghlim chhuah san a thiang lo ani.

September 12, 2011 at 10:05 AM Flag Quote & Reply

You must login to post.