Forum

Post Reply
Forum Home > Mipuite zawhna hrang hrang > Minyan a tawngtai

hakhokhma
Site Owner
Posts: 40

Q : Shalom Rav, Minyan a tawngtai hi a ngai ngei ngei nge mahni pawhin In lamah a tawngtai ve theih tho em? Tin, Minyan a tawngtai hlutna tlem a zawng min hrilh theih chuan ka lawm hle ang.


 

Rav Gurion Sela: I zawhna chhan hma in ‘Minyan’ tih awmzia leh khawi atanga zirchhuah nge tih i han sawifiah hmasa teh ang. Minyan chu Juda mipa puitling sawm (kum 13 leh nikhat a upa chunglam) tawngtai tur leh P-thian rawngbawl tura kalkhawmte sawina a ni. Naupang kum 13 hnuailam leh hmeichhia te chu chhiar tel an ni lo.Tin, zurui, Lota ang maia engmah hre lova rui let tawp te chu Minyan-ah chhiar tel theih an ni lo bawk, tul tawp a nih loh chuan muhil lai pawh Minyan a chhiartel theih an ni lo bawk.

 

    “Israel fate zingah tihthianghlimin Ka awm tur a ni” (Lev. 22:32) tiin kan hmu a. Israel fate zingah tih chu mi 10 sawina a ni a, a aia tlemah chuan P-thian hming tih thianghlimna chu a awm thei lo a ni. Heta Israel fate zingah tih hi mipa puitling 10 a ni tih a lanna chu “Israela fate chu mi kalho zingah chuan buh lei turin an kal ve a” (Gen. 42:5) tih a ni a. Aigupta rama buh lei tura Jakoba fapa kal thlate kha an vain 10 an ni a, chuvangin Israel fate zingah tih chuan Juda mipa puitling sawm sawina a ni.

 

     Shulkhan Arukh chuan, “Juda mipa puitling tawh phawt chuan englai pawhin nitin tawngtaina pathum te chu Beit Kneset-ah Minyan awmna ngeiah tawngtai a tum reng tur a ni a, Minyan a tawngtai lohna hmunah chuan P-thian a thinrim hle thin tiin a ziak a. Rilru pe taka tawngtai theihna hmun chu Beit Kneset ngei a ni a, tin, ngaituahna pe lova tawngtai palh anih pawhin Hashemin mipui tawngtaina chu a hnawl ngailo a ni. Tin, tawngtaina chu Beit Kneset a mi Tzadik ber tawngtai rualin Vanah Pthian hnenah a chho ve tho a, chuvangin chu mi Tzadik avang chuan tawngtaina te chu chhanin a awm phah thin, tiin kan Torah mithiamte chuan an sawi. Juda mipa puitling sawm tawngtai tura an kalkhawmna hmunah chuan P-thian Sikeina in a awmpui thin a.

 

    A hming tih ropuina chungchuang bik - Kadish leh Kedusha leh Barkhu kan sawite hi thil ropui tak hrilfiah phak loh a ni. Heng thuchham avangte hian P-thianin Israel fate a hmangaihna a ti sosang lehzual a, kan saltànna te min hriatpui rengin rang takin min tlan thin a ni tiin kan Torah mithiamte’n an sawi.

 

   Minyan lo a tawngtai chuan, A hming tihthianghlimna pawimawh êm êm pathum te chu a chân dawn tihna a ni, hengte hi Minyan lo chuan sawi theih ani si lova. Kan Torah mithiam te chuan Kadish hi rilru pe taka lo chhangtu a piangte chuan chunga chhiatna lo thleng mai tur zawng zawng lakah a chhanhim thin an ti hial a, chuvangin Minyan a tawngtai hi a pawimawhin a hlu a, a ropui êm êm bawk a ni. Mahni in chhungah rilru pe tak leh ngaihtuahna ding taka tawngtai theih pawh nise, Beit Kneset-ah Minyan a tawngtaina a tha zawk a, rilru kalding lo zawk pawh nise Beit Kneset a tawngtaina chu a ropui zawk tih a ni.

 

      Chuvangin rawlkhawlhna leh harsatnate a awm anih loh chuan Juda mipa chuan englai pawhin Beit Kneset-ah tawngtai turin a ke a pen chhuak thin tur a ni.

September 12, 2011 at 9:47 AM Flag Quote & Reply

You must login to post.