Forum

Post Reply
Forum Home > Mipuite zawhna hrang hrang > maaser chung chang

khnamte
Member
Posts: 1

kan nupa hian hna kan thok ve ve a, kan hlawh a tang hian maaser kan pe hrang ve ve don mi? tin maaser hi kan note awm na man ah hian kan hmang thei em? fa te tan ahman theih an ti sia,  hming thup.


October 29, 2010 at 6:09 AM Flag Quote & Reply

hakhokhma
Site Owner
Posts: 40

khnamte at October 29, 2010 at 6:09 AM

kan nupa hian hna kan thok ve ve a, kan hlawh a tang hian maaser kan pe hrang ve ve don mi? tin maaser hi kan note awm na man ah hian kan hmang thei em? fa te tan ahman theih an ti sia,  hming thup.


  Tuna i sawi hi, Maaser Ksafim (Pawisa a sawma pakhat pek ) chungchang ani a,  he thu hi a khova lova, mahse, in pek theih chuan thil tha a ni a, malsawmna in dawn phah ang. hei ahnuaia  mi hi www.halakhot.fav.co.il  website ami ani a, han chhiar chiang chhin ve teh.   

 

    Toda.

HAKHOKHMA Editor

Moshe Ilan.

 

 

                                        Maaser Ksafim Moshe Ilan

                    (Sawma pakhat Pawisa atanga lak chungchang)

    Maaser Ksafim chu Judate tih thin dan (Minhag) a niin, an Sum hawng atanga a sawma pakhat Tsedaka atana an pek thin chu a ni.

    He Minhag hi Bereshit bu ah Avrahama'n Shalem Lal Malki Tsedek-a Rallak sum atanga sawma pakhat a pek thu kan hmu a, tin, a tupa Yakova'n (Bereshit 28;22) 'I mi pek tur zawng zawngah chuan sawma pakhat chu ka pe ngei ngei ang che,' ti a thu a tiamna atangin kan zirchhuak thei bawk a.

He dan thu hi 'Masekhet Taanit 'ah Rabi Yokhanan-a chuan 'I lo hausak nan sawma pakhat pe rawh ' tiin a hrilhfiah a, tin 'Tosfot' hrilhfiahna chu 'Sifri' lehkhabu ah heti hian hrilhfiah ani leh a, 'Sawma pakhat pek ngei ngei ngaihna chu Thlai lampang chi atang chauhvin niin, amaherawh chu, Devarim-14;22 'Kum tin in lova thlai haw zawng zawng sawma pakhat in tihrang ngei ngei tur ani,' tih a 'zawng zawng' tih hian thil dang (sum lam) pawh a kawk ani,' tiin . He hrilhfiahna atanga Halakha bu ziak tute leh 'Shulkhan Arukh' a an ziah chhawn lehnaah chuan 'Mekhaiev' tih ngei ngei tur Mitsvah ani lo an ti bawk ani.

Tin, 'Akhronim' hote chuan he dan (Maaser Ksafim) hi Halakha dana tih ngei ngei tur dan ani lova, 'Minhag Khasidut' mai chauh ani an ti bawk. Amaherawh chu, 'Baal Turei Zahav' ve thung chuan 'Maaser Ani' ang niin tih ngei ngei tur Mitsvah ani ati vethung.

     Chutiangin 'Taz' ngaihdan angin he dan hi Torah dan a tih ngei ngei tur ani atih chu, midangte chuan tih ngei ngei tur 'Khiuv' hi chu 'Derabanan' mai chauh atangin ani an ti ve bawk.

Tin, tunlai kan Rabi liante zingah 'Harav Ovadia Yesef' chuan a lehkhabu 'Yakhve Dea' ah chuan Maaser Ksafim chu Mitsvah ani a ti a, tin, 'Harav Shalom Eliyashiv' chuan a lehkhabu 'Sheelot utshuvot Kovets' ah Maaser Ksafim chu 'Khova' tih ngei ngei tur ati bawk a, tin, 'Harav Dov Lior' chuan Maaser Ksafim chu 'Khova' tih ngei ngei tur anih loh avangin a zat tur ang 1/10 kher chu pek chhuah angai lova, Tsedaka angin theih ang zah pek mai tur ani a ti bawk.

    He Maaser Ksafim chung changah hian ngaihdan tam tak a awm a, a tlangpuiin Rabi tam zawkte hi chuan pek ngei ngei ngai 'Khiuv' a ni lo an ti a, amaherawh chu, tuman pek loh tur tih erawh an sawi lo thung a ni, chuvangin 'I hausak nan sawma pakhat pe rawh' tih anih avangin he dan hian Malsawmna chu a keng tih a chiang a, he danah hian dan dang ang lovin Lalpa P-thian pawh fiah thianna dan a ni a, chuvangin Tsedaka kan pek pah ten Maaser Ksafim atangin ka pe e, ti chunga 'Kavana' siam chunga pek chu a sual lo ani. Tin, Maaser Ksafim kan pek chuan Tsedaka nihna a keng tel a, amaherawh chu, Tsedaka chauh chuan Maaser Ksafim a huam lo thung, chuti anih avang chuan, kan Tsedaka pek reng reng chu Maaser Ksafim atangin ka pe ani ti chunga kan pek chuan kan nihlawh viau dawn tihna anih chu.

October 30, 2010 at 6:43 PM Flag Quote & Reply

You must login to post.