HAKHOKHMA Post Post New Entry

Sefer Torah leh Lehkhabu thianghlim chungchang dan

Posted by hakhokhma on July 7, 2011 at 10:23 PM

הלכות ספר תורה ושאר ספרי קדש     

1.Sefer Torah mahnia ziah ngei chu Tihtur thupek ani a, amaherawhchu, kan Khakhamim te chuan Torah a hla awmte ho chauh ziah pawh a tawk, an lo ti a, 'Veata kitvu lakhem et hashira hazot' tih ziak anih angin. A ziak thiam hnena ziah tir emaw, a lei emaw anih chuan, ama ziah anga ngaih a ni, tin, Sefer Torah chu hralh thiang ani lova, engemaw vanga hralh angai anih chuan Rav te a zawt hmasa zet tur a ni.


2.Chutiangin, Sifrei Kodesh (Lehkhabu thianghlim) Gmara, Mishna, Halakhot bu angte pawh chu, zir tura lei chu Mitsvah ani a, tin, Sefer Torah leh Sifrei Kodesh leina tur nei zo lo tan chuan, a zir tur ang chi zawk chu neih theih hmasak tur a ni.


3.Sefer Torah laka zahna pek chu kan tih ngei tur a ni a, tin, a dahna hmun pawh chu a bik siamin, chu pawh chu kan zah tur niin, thil dangte aiin kan ti mawi bik tur a ni.


4.Lehkhabu thianghlim angte pawh chu tlema  zahna  pein ,  thuthlenga  dah   anih pawh in, chu thuthlengah chuan kan thu tur ani lova, kan thut theih nan chuan a lo berah sum khat aia sang, thil chungah a awm tur a ni.


5.Sefer Torah lam hawi chuan chil pawh kan chhak tur ani lova, chutiangin, puan emaw chhan lovin kan khawih tur ani lo bawk, Sefer Torah miin an keng lai kan hmuh chuan a bawma dahluh emaw, kan mit atanga a liam thleng chuan din tur a ni a, tin, Beit Kneset a Sefer Torah chu lakchhuah emaw, dahluh emaw anih laiin a hmaa lan leh a dahna hmun tur a dah anih thleng chuan zui ve chu Mitsvah ani a, chutiangin, a lek kang tu leh a zial tu chuan an zui ve ngei bawk tur a ni.


6.Lehkhabu thianghlim te chu leia nghah thiang ani lova, tin, thingthit hnan leh kiu leh ban te chu nghah hnan thiang ani lo bawk .


7.Torah (Khumash) bu chu zawlnei te bu leh ziak thianghlim te chunga dah tur ani a, tin, ziak thianghlim leh zawlnei te bu chu a khawimaw zawk zawk chu, a khawimaw zawk  chungah chuan a dah theih a, amaherawhchu, Torah (Khumash) bu chu chungte hnuaiah chuan dah a thiang lo.

 

8.Sefer Torah Kasher tawh lo Gniza a dah tawh emaw, lehkhabu thianghlim dang emaw, ziak thianghlim leh Mitsvah thil ang chi te chu hal thiang ani lo ani. Tin, a letling zawnga dah tur ani lova, chutianga kan hmuh chuan, dah that tur a ni.

שע"ה סימן כח

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments