HAKHOKHMA Post Post New Entry

Kiriat Arba naupangte tana School chawlh huna Ruahmanna

Posted by hakhokhma on May 30, 2011 at 6:20 PM

18 May 2011 יום רביעי י"ד אייר תשע"א

Nu leh Pa duhtak te

Shalom u le.

 

    Tun atanga thlaleh vel lawkah khian Khofesh Hagadol chu kan lo tan leh dawn tawh a, tichuan, naupang ho chuan ninawm an lo ti tan leh hle dawn ani. Khakhamim te chuan tihian an lo sawi a; "Awm mai mai hian ninawm tihna a thlen a, chuchuan thil sual tihna a thlen thin a ni" tiin.

    Tunlai hian kan tana hnathawk tunu, Gan ah leh School velah te kal kualin, naupang tinte chu a titi pui hlawm a, tin, an hotu te pawh a be hlawm a, chutiangin, in tinah te pawh ala rawn kal kual zel dawn bawk a. A thil tum chu naupang tinte chu an zirlaiah leh an thian kawm dan chungchang vela eng ang dinhmun nge an nih a, a eng angah te nge an an chak/that zual a, engtia hma lak pui tur nge, tin, a engah te nge an chak loh zual a, engtia thanpui tur nge ni ang tih vel chungchang hre turin ani a.

    A thil hmuhchhuah dan azir chuan P-thian zarah Khofesh Hagadol laiin chawhnu lamah thiltihpui dan tur ruahmanna siam kan tum a, hetia thil kan tihpui darkarah hian naupang te chu an phak tawk dan ang zir zel chuan lehkha zirpui ani dawn a, chuchuan P-thian puihna azarah a kum leh atan inpeih zawkin an kalna tur tur a thlen tir dawn a ni.

 

Mahse zing lamah enge an tih anga????????

 

Kaitanot mawle !!!!!!

 

    Kiria chhungah hian Kaitanot enge maw zat a awm a, tin, hei hi ka hrilh duh che u a ni, in ziaklut hlawm ngei tur a ni. (An kal duh em ? tih zawh a ngai lo.) in a awm ninawm an tih loh nan.

    Chuti anih chuan, tihian zawt rawh u: "A to ropui si a, khawi atangin nge pawisa a awm ang???? Tiin.

 

Chuti anih chuan, hei a chhanna thenkhat te chu:

1. Naupangin, ina a awm ninawm atih chuan, nakinah thil chhia leh harsatna tam tak ala thlen zawk dawn a, chuchuan, nu leh pa te tan chawi tur tam tak ala thlen zawk thei ani- a kum akum telin- chu chu aman ala tam zawk ngei dawn ani !!! fiah sa.

2. Kar li chhung atana Kaitana man chu Shekel 500 ani a, chumi awmzia chu ni khat atan Shekel 25 tihna ani a, chuchuan zing chaw a huam tel a, hei hi Sum tam tham lo tak a ni !!!

3. P-thian thu tiam sa, heng a pawisa senso te hi a rul leh ngei dawn ani, tih a awm a – Gmara chuan Masekhet Beitsa (טז, א) ah tihian a sawi a : "Mi zawng zawng, mimal tinin a chaw (Mezonot) dawn tur zat chu Rosh Hashana atanga Rosh Hashana leh thlengin ruat lawk sak a ni a, Shabat leh Kut ni te leh, a fate Torah zirna tur atana a senso tiam lohvin, a tih tlem vaih chuan- tih tlem sak ve thin a ni a, tin, a belhchhah zawk erawh chuan- an tihbelh sak zawk ve bawk thin ani." Tiin, chuti anih avangin, thil reng rengah "fate tana an Torah zirna tur anih chuan" chungte chu chhut tel ve loh tur a ni.

4. He chawhnu lama ruahmanna kan siamah hian zing lama Katanot a kal te chauh kan dawng thei ani.

 

 

Chuvangin hawh u, naupangte tan Kaitanot ah i ziaklut ve vat vat ang u khai, in ah ninawm an tih loh nan.

     Tu emaw harsatna tak nei in awm chuan ka hnenah lo kal ula, lo puih dan tur che u ka lo zawn sak dawn che u nia. Sum lam harsatna avanga naupang Kaitana a kal lova ina awm thawm ka hre duh lo a nia.

 

               In ta,

         Yoni Nakhum

Rakaz Kehilat Benei Menashe

  Moatsa Mekomit Kiriat Arba.

Categories: Kehila, Community, News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments