HAKHOKHMA Post Post New Entry

'HAKHOKHMA' Woman of the year 2010 chanchin

Posted by hakhokhma on January 26, 2011 at 5:15 PM

    Pi Reut Thomte hi kum 1980 khan Bairabi khua Mizoramah Pu Eli-a leh Pi Mazal-i te fa pali zinga a naupang ber dawt ni turin a lo piang a, tunah hian a nu leh pa leh a nau pakhat te chu Ramthianghlim an lola kal ve lova, tunah hian amah leh a u , Pu Yoni Rokhum leh Pi Margalit Pachuau tuna Ramat Mamre khua a khawsa mek te nen chauh chuan Ramthianghlimah an la pem hrih a.

    Pi Reut-i hi kum 2000 February thla khan Ramthianghlimah a rawn pem lut a, tichuan, Yeshivat Nakhalat Tsvi , Harav Shimon Yakov שליט"א Yeshiva Jerusalem ah kum khat vel a zir a, heta a zir lai hian Giur te pawh atiin, Ulpan ah te pawh a zir bawk a, tin, hetih lai vek hian Israel sipai ah involunteer in 'Sarel' ah thla khat vel a kal bawk ani.

 

   Tichuan, Israel a a pem hnu kum khat velah chuan Kiriat Arba lamah awmhmun khuar tannin, kum 2002 / November thla khan a duhtak Pu Yosi Thomte nen chuan 'Moshe leh Israel te dan thianghlim' chuan kumkhua a inthen leh tawh lo turin an lo innei ta a, tunah hian fa pathum an nei mek a, tin, Pu Yosi-a hian tunah hian Thiamna lam Lehkha zir pahin an awmna khua Security ah hna a thawk bawk a, tin , ani Pi Reut , a mizo hminga hriat lar Pi Parteii hian Beit Khagai khua a School pakhatah hna a thawk mek bawk a ni.

 

    An nupa hi khawtlang thiltihna reng rengah mi inhmang dun mi tak an ni reng fova, hetia an chhangchhiat hnu thleng te hian thalai thil tihna Sport , hnatlang leh thil tihna reng rengah mi inhmang leh mi zuan zang tak an ni reng thin bawkin, khawtlang hrim hrim chhiat ni that ni ah, an mawng a zangin, an nupa hian an vir vat vat zel a, tin, ani Pi Reut-i pawh hi tun tuma 'HAKHOKHMA' Woman of the year 2010 atana kan han thlan nachhan ber pawh hi, kan hriat theuh angin nikum chhung khan abikin Kiriat Arba khua chuan kan Community mi leh sa mi engemaw zat Chawlh hahdamna ram nuam Gan Eden a chawl turin kan lo vui liam tawh a, khang chhiattawh hun lai reng reng khan, ani Pi Reut-i hian Lusun chhung leh fahrahte tan an harsatna phuhruk tur leh an mamawh tin renga chhawmdawl turin an rawngte a bawl sakin, Khawtlang mipuite hnenah tanpuinate khawn khawm sakin Bazar ngai leh mamawh thil reng reng ah tu hrilhchawp leh rawtchhuah sak ngai lovin amah hian zo takin ati zung zung a, hetianga a thil tih dan hi Rampawna kan awm lai pawh a, kan hnam ro lung "Tlawmngaihna" kan tih kha a ni a, hetiang a thil atihte hi a ropui kan tiin chawimawi leh entawn tlak kan ti a, tin, heng a thil tihte atang hian Benei Menashe mipui te hian zirchhuah tur tha tak kan nei ani tih kan ringin chu chu a hlawhtlin ngei pawh kan beisei tlat a, tichuan, Pi Parteii hi a thiltihna kawng engkimah hlawhtlinna nei zel tur leh heng a Mitsvah thil tih ropui takte avang hian Malsawmna dawng teuh turin kan duhsakin kan Mazal tov e.

 

***Hetah hian an chanchin han chhiar teh-- click here

Categories: Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments