HAKHOKHMA Post Post New Entry

Sukot Sport chungchang tlem..

Posted by hakhokhma on September 27, 2010 at 6:55 PM

   Awle, nimin khan Israel rama Menashe fate inkhelhsiak ropui chu tan ani ta a, a hawn hun kha dar 3:00 tih ni mahse, hmun hla tak tak atanga lo kal khawm te an nih vangin, darkar khat vel lai khan tlai a ni a, amaherawh chu , tan hun an han siam meuh chuan mipuite an phur hlawm bawk a, a nuam kan ti tlang hle mai a, tin, a tanna Opening Ceremony ah hian Divrei Bracha sawi turin Israel rama Rabi lian berte zing ami Harav Dov Lior שליט"א kha sawm ani a, amaherawhchu, rokhawlhna avangin a lo tel thei ta lova, a hun hawn nan intihsiakna siam tupa Rav Gurion Sela chuan hun hawnna thu sawiin inkhelh dan turte leh thuchah tha tak takte sawina a nei a, tin , he Sport Sponsor tute zinga mi mi pakhat leh a inkhelhmual siamna a bul tumtu (a unaupa Arab misual ten an kah hlum hminga Fild siam unau pa) chuan thu tawte sawina a nei bawk a, tin, Kiriat Arba atangin zaithiam Pu Menashe Ralte chuan ama hlaphuah emawni mawi zet maiin a rawn thlawh bawk a, tichuan engemaw thu sawina neuh neuh neih zawh chuan inkhelh pui chu tan ani ta a ni.

    Hetia inkhelh an han tan hian khelh hmasa ber atan Sport hmasa a Champion nihna lo la tu Zo-Zion tem te leh Manmasi Team hote chuan Football chu an han pet tan a, a rothapin an inkhel chuan mit a titlei kher mai. Tin, hetia mipa football an khelh pah hian a sir lamah Hmeichhe Volley ball chu an lo khel ve bawk a, mipui ten nuam an tiin an hlimin  an mit a tlei doh doh hlom khop mai a, tichuan, Sport tina dinhmun sang tak tak han chelh thin tu Afula thalai team te chu rinloh tak maiin an khelh puite hneh tumah nei lovin a tla hmasa berah an tang a, Afula atang hian Team hnih an rawn chhuak a, amaherawhchu, an tum loh tak maiin an khelhpui Team dangte chu an lo inla tha ta phiangsen em maia , an hlahkhem ta niin a lang.

    Inkhelhn ahi zawh ala ni lova, vawiin hian dar thum a tangin tan ani leh a nga, tichuan Kiriat Arba Khawpui Stadium chu Benei Menashe mipui ten zan rei thlengin an mawi leh dawn ani, Team dang zawngte hi an la dam kim vek a, tichuan tunah hian , kimchangin thu kan la rawn ziak thei lova, amaherawhchu, theih anga rawn tihchhuah kan tum thin ang, tin, Facebook lamah te pawh an inkhel lai thlalak hi dah luh a ni a, lo thlir ula han comment hlom teh u.

   Tin, Volley ball hi hmun hrang hrang atangin Team 4 an rawn chhuak a, chutah chuan Kiriat Arba Team 'A' ho chuan an khelhpuite hneh an la nei lova, tin Nitsan Team te nen vawiin hian khelh khatnaah 3na an zawng dawn a ni, tin a hnu lamah Kharsina Volleyball Club leh Kiriat Arba Team 'B' ten FINAL an khel dawn a, an hmuhnawm leh pem pem ngei dawn e.

 

*** Engpawh nise, tithleng hi tun tum atana kan ziah theih rih chu nise, mi a duh duh khan thu in ziakin, inkhel in hmuh dan te kha engmah in sumna tel miah lovin han ziak ve bawrh bawrh teh ukhai.

Categories: Sport, Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments