HAKHOKHMA Post Post New Entry

Erev Kehila kan hmang a...

Posted by hakhokhma on November 18, 2011 at 4:10 AM

   Yom Khamishi (17/11) zan khan 'Erev Kehila' chu nuam takin Nitsan khuaah hman ani a, an khaw hruaitu ten ropui tak leh ram pawn lam atang pawha hmuh zahpuiawm lo fahranin an buatsaih thei kha an fakawm hle a, tin, a Mankhe tu Pu Davida'n hnehsawh tak maia a han host kual vel te kha hmuhnawm a tling em em a ni.


 

   Tin, khami zan khan Nitsan nuho te leh an khaw Moatsa lam te hmalaknain Benei Menashe te ei leh in siam dan bu an puahchah mek chu Israel ram puma thehlar tur leh zawrhchhuah anih vat tur thu an han puang te kha hmasawnna leh rahbi thar kaina ani hliah hliah a ni.


 

   Tin, chu mai ni lovin, an khuaa Benei Menashe te kan bona rama kan thil hluite pholanna leh entirna hmun tur 'Merkaz Mevakrim' an sak tum mek lai entirna an han neite kha a ropuiin, hmuh thuai thaui a, tlawh ve vat vat chak awm zek zek tawh a, tin, khual khua atanga mikhual thahnem tak chaw tui tak nena min han hraipuar te kha a ropuiin a lawm awm em em a ni.


 

    Sawi tur tam viauvin a thlir letna ang zawnga kan sawi chuan phek engemaw zat a duh dawn avangin, a tak ngeia chhim tuten a ropui zia leh a nawmzia chu ha hipin kan sawi thei theuh awm e.


 

   Engpawh nise, ka ngaihdan mawl te, a hmuna kan awmlai leh kan haw kawnga ka rilru kap teuh tu thil pakhat   vei rilruk deuh mai ka nei a, chu chu rawtna ang kia hetia a hlimchhawn lai hian, nakin zela titi ti tam tu tur anih hmain sawichhuah hram ka duh a, mitin ngaihdan ani vek kher lo maithei a, mahse, hun hmalam ah pawh ka hre zauh zauh tawh thin a, chu chu hei hi a ni.


 

   Hetianga a Benei Menashe hnam pum huapa hming chawi tir sia thil tih a awm thin hian, kan hotute lam atangin, kan tawng fimkhur loh vang nge? "Mizo nun mawi, Mizo tlawmngaihna, Mizo pipu nundan tha  etc'.." tihvel hi a ri fo mai a, thil nihna leh thil dik chu ni mahse, kan kianga awm, kan unau, kan inchhalna hming ang pu leh chhiat ni that ni a, kan inlawm tawn pui loh theih lohte beng ri hriatah nuam lo tih theihna chen a awmin ka hria a, tin, hmun dang hun dang leh, a hmunah ngei inpumkhatna leh tanrualna thu kan sawi dum dum fo thin tithuanawp tu leh, hetiang zawnga ke pentir tak tak theilo tu hi ani thei ang em aw? ka ti rilru thin, a ruk te tea kan chhungril feeling la titlangau ngam a, huaisar taka inremlohna point atan nakinah an la chang dah mai ang, tih hi ka hlau hlel lo a ni.


 

   Menashe hnam inchhuanpui leh a tha zawnga kan chapo pui dawn anih chuan, "Pipu nun dan tha, pipu te tlawmngaihna, pipu nun mawi tiin emaw, Menashe hnam nun mawi tiin emaw etc'.." thlak hlauh thei ta zawk ila chuan, mitin kan lung a dam tlangin, inpumkhatna leh inlungrualna thu sawi ho pawh a nawm phah ngeiin ka ring a, chuvang a lawm, Israel hnam tin te pawhin inlungrual nan Juda-a hnam hming tawm tlangin kan zaa Yehudim tia kan inkoh ni.   

 

Categories: Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments