HAKHOKHMA Post Post New Entry

Maaser pek dan (Bait Sheni hun laiin)

Posted by Moshe Ilan on October 25, 2011 at 9:25 AM

Bung 2 

MAASER PEK DAN (Temple hun laiin)

איך להפריש תרומות ומעשרות בזמן בית המקדש


1. Truma (thil pek) leh Maaser (sawma pakhat) pek hi sawi tawh angin Israel ram chhung ah chauh tih ani a, tin, a ti tu chuan a thil tiha chu a awmzia a hre tur a niin, awmzia a neih tir tur a ni, a pek zat bituk te, a dahna hmun tur te , a pekna chhan te chu a hre thiamin a hre vek tur ani a, chuvangin Naupang emaw, Mipangailo (Mi a) leh ziak leh chhiar thiamlo leh Shabat serh lo mi leh, ruih theih thil rui chuan a pe thiang lova, chutiang mi chuan a lo pe a nih pawh in a thil tih ve chuan awmzia a neih loh avangin rin tlak a ni lova,  a Kasher lo a ni.   

  

2. A pek tur lakhran dan chi hrang hrang te chu 'Trumot leh Maasrot' tih an ni a, 'Trumot' (thil pek) te chu ṭhen hnihin ṭhen a ni a, chungte chu:- 'Truma Gedola' leh 'Trumat Maaser'  Kohen (puithiam) te hnena pek a ni a, tin, 'Maasrot' (sawma pakhat) te chu ṭhen hnih bawkin emaw, ṭhen thumin emaw ṭhen leh niin, chungte chu, 'Maaser Rishon' Levi te hnena pek leh,  'Maaser Sheni' mahnin Yerushalaim a kena ei tur leh,   'Maaser Ani' mirethei te hnena pek ṭhin te chu a ni.

  

3.  A pek dan te hi Lo neitu chuan a hmasa berin  'Truma Gedola' (Kohen hnena pek) q pe ang a, chumi zawh ah , 'Maaser Rishon' (Levi te hnena pek) a pe leh a nga, chutah, a tawp berah 'Maaser Sheni' (mahni pual) emaw, 'Maaser Ani' (rethei pual) chu a la chhuak ve leh chauh tur a ni.


           Hetiang a pek indawt dan hi 'Shmot' (Exodus) 22;28 "I thlai thar hmasa ber leh i wine tui tla hmasa ber chu mi pe tur a ni",  tih in ziak kan hmuh angin, a pek indawt dan hi kan ti danglam tur a ni lova, kan tih danglam palh emaw chuan kan thil tih  chuan awmzia a nei lo tihna a ni a, a Kasher lo a ni.

 

4.  Bamidbar (Number) 18;12 "Hriak ṭha ber te, Grep ṭha ber te, Buh ṭha ber te,  Rah hmasa ber L-lpa tan a an pek chu ka pe a che",  tih inziak kan hmuh te, Kohen hnenah pek tur ani a, Bamidbar (Number) 18;4-5 "An ni chuan an kawp ang chia, Puan in lam hna zawng zawng  ah inbiakna puan in hna chu an chang ang a , hnam dang chuan an rawn hnaih tur  che a ni lo , tin nangin hmun thianghlim hna leh maicham hna chu   i chang ang,   Israela thlahte chunga  thinurna   a awm tawh loh nan" , tih ziak aṭangin  Levi hnena pek tur tih kan zir thei bawk a ni.


5.  Truma Gedola  :-  Torah chuan lak tur a tih zat a sawi lova,  chuvangin engemaw zat, tlema zawng pawh a lak mai theih a, amaherawhchu, 'Khakhamim' (Rabi te) te chuan a lak zat tur min lo ruat sak a, chi thuma ṭhen theih niin;-


(1) 'Ain tova' (aṭha ber / thil phal ber) chu chu hmun sawm li a thena hmun khat [1/40] a ni .

(2) 'Ain beinonit' (a laihawl) chu chu hmun sawm nga a thena hmun khat [1/50] a ni.

(3) 'Ain raa' (a ṭha lo ber / uikawm ber) chu chu hmun sawm ruk a thena hmun khat [1/60]  a ni a,

        Lo neitu emaw , a la hrang tu (maaser petu) emaw chuan  Kohen (puithiam) hnen ah ape ang a, Kohen chuan amah chauhvin 'Tahor' (thiang hlim) chungin, hmun thianghlim (Yerushalaim) ah a ei tur a ni.

 (Beit Shamai -  1/30)

 

6.  Maaser Rishon :- Bamidbar (Number) 18;21 "Tin, Levi-a thlah te chu ngai teh, rawngbawl hnaa an rawngbawl hna, Puan in rawngbawl hnaa an rawngbawl man ah Israel rama sawma pakhat zawng zawng hi ka pe a ni",  tih ziak kan hmuh angin, ala hrangtu emaw Lo neitu  emaw chuan a la bang aṭang chuan  'Sawma pakhat' (maaser) {1/10} la ve lehin Levi te hnenah a pe tur a ni a, tin, Levi chuan a duhna hmun hmun ah leh, a duh apiangte pe ve thei in ,hmun thianghlim ah kher a ei a ngai ve lo a ni.

 

7.  Trumat Maaser :-  Levi chuan ,Bamidbar (Numbers) 18;26 "Chung thu lo ah pawh chaun  Levi ho chu bia la, an hnenah in  Ro chan atana Israel-a thlahte sawma pakhat ka pek cheu an lak ata  in dawn hun chuan, chumi sawma pakhat ata sawma pakhat chu L-lpa hnenah 'Then thil hlan' ah in hlan tur a ni", tih ziak angin, Levi-te chuan Lo neitu hnen aṭanga sawma pakhat a dawn aṭang chuan Sawma Pakhat la chhawng ve leh in Kohen hnenah a pe tur ani a,  Kohen chuan 'Tahor' (Thiang hlim)  chungin hmun thianghlim ah a ei tur a ni.

 

8.  Maaser Sheni  :-     Lo neitu chuan 'Shmita' (Ram chawlh kum) chhiara a kum 1,2,4,5 ah te hian ama tan, ala bang aṭangin sawma pakhat  la hrang ve lehin hemi kum te hian Yerushalaim ah kengin Thianghlim (tahor) chungin  Yerushalaim chhungah a ei tur a ni.


          Amaherawhchu , a awmna a hlat vang emaw (Yerushalaim thleng ni khat kal aia hla), a keng thei lo a nih chuan a thlai thar te chu 'Sum' (pawisa) ah a chantir (tlan) ang a , 'Knas' (chawi) chu chu 'khomesh' (1/5 = 20%) ang hu chawi telin, chumi a tlanna  Sum chu a 'Kadosh' (thianghlim) a, Yerushalaim ah a keng ang a, chu chuan eitur a hmun ah a lei anga thianghlim (tahor) chungin a ei tur a ni.

  

9.   Maaser Ani  :-  'Devarim' (Deut) 14;28-29 "Kum thum a vei kum apiangin, chumi kuma in thil hawng zawng zawng a sawma pakhat chu in la khawm vek ang a, in awmnaah in dah tur a ni, tin, in awmnaa awm Levi hnam pawh, in zinga chanvo rochan pawh nei ve lote leh ramdang mite leh pa neilote leh hmeithaite chuan an ei ang a, an lo khawsa ve thei ang," tih ziak kan hmuh ang in,  'Shmita' kum chhiara a kum 3 na leh,kum 6 na ah Yerushalaim a kal lovin, ala bang aṭang chuan 'Maser Sheni'  ai ah, Sawma Pakhat ala hrang ve leh ang a,  Miretheite hnenah a pe tur a ni,  Miretheite chuan khawi hmunah pawh an ei thei a, tin, engah pawh an chantir thei a ni, Thianghlim khera an ei ve a ngai chuang lo a ni.

 

10.   Thlai leh Thei Truma leh Maaser la  pek loh chu 'Tevel Vadai' tih a ni a,  amaherawhchu, pek tawh anih leh nih loh hriat chian loh chu 'Safek Tevel' tih a ni a, tin, Thei leh Thlai 'Am haarets' (Torah pawh zir lo, mi pangai tawp) ho thar chhuah chu 'Damai' tih a ni bawk a, a awmzia chu, a tlangpuiin 'Am Haarets' ho hian pek nachang pawh an hre ṭhin lova, chuvangin chutiang Thei hriat chian loh chu 'Damai' tih a ni.


        'Tevel' hi Brakha (malsawmna) nen pek tur a ni a, tin,'Safek Tevel' leh  'Damai' erawh chu Brakha tel lovin a 'Nusakh' (pek paha Brakha nilo, a awmzia chham tel ṭhin) nen chauhva pek tur a ni thung a ni, Brakha kan sawi tel loh nachhan chu 'Brakha levatala' (a loh thlawna Brakha) kan sawi palh loh nan tih vang ni.

 


*Sikum - Khaikhawmna;


* Truma Gedola   --   Lo neitu in Kohen hnena a pek.  ( 1/40 , 1/50, 1/60 ).

* Maaser Rishon  --   Lo neitu in Levi hnena a pek. ( 1/10 ).

* Trumat Maaser --   Levi in a dawn aṭangin Kohen hnena a pek. (1/10).

* Maaser Sheni  --  Lo neitu in ama tan Yerushalaim a a kal  huna a ei tur alak. (1/10), (kum 1,2,4,5).

* Maaser Ani     --  Lo neitu in Rethei hnena a pek (1/10), (kum 3,6 ).

--------------------------------------------------------------------------------------------------------------------------


*Bung - 3 na - TUNLAI AH CHUAN

 

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments