HAKHOKHMA Post Post New Entry

Erev Hitorerut VeTshuva

Posted by hakhokhma on October 1, 2011 at 3:45 PM

    'Erev Hitorerut' chu tluang taka neih ani a, mipui kan thahnem hle a, he inhmuhkhawmna neihna hmun hi Kiriat Arba Matnas Building a ni a, Hall pathum ah hun hi hman a ni a, a tir berah Hall pakhatah 'Haramat Kosit' neiin Wine in hona neih a ni a, tichuan , chumi zawhah he Hall ah hian Rav Gurion Sela hovin Mizo tawnga Shiur (P-thian thu zirna) neih a ni a, tichuan, Rav Yehuda Gin hovin Manipur tawnga Hall dangah Shiur neih a ni bawk a, darkar khat Shiur neih anih hnuah Hall danga luhkhawm a ni leh a, tah chuan Thusawi hrang hrang ngaihthlak a ni a, Kiriat Arba Mayor Mr.Malakhi Levinger thusawi te ngaihthlak aniin, Rav Yehuda hian Mizo tawng leh Manipur tawngin thusawi te hi a let zel bawk a, tichuan, a hun khar nan khawchhak kawl kil tawpa min rawn zawng chhuak tu Benei Menashe te pa tia koh Harav Elyiahu Avichail שליט"א chuan telephone hmanga mipui te hnena a thuchah a film hmangin ngaihthlak ani bawk a, mipui ten nuam kan ti tlang hle..

 


-------------------------------------------------------------------------------------------------------------------------------------

     Hei le, kumthar (Rosh Hashana) kan lo thleng leh ta reng mai a, chutih rualin Yom Kippur kan hma lawka lo thleng tura inbuatsaih nan P-thian thu leh Thlarau lama hma kan sawn nan Shiur mi zawng zawng huapa buatsaih a ni a.

*Ro khawlhna a awm loh chuan HAKHOKHMA_Channel lamah kan rawn LIVE ang.


A hmun - Matnas , Kiriat Arba.

A hun - Yom Khamishi (6/10/2011) , Dar - 7:30pm.


Program;

Dar - 7:30pm. Thingpui ruai 'Hadar Hall' ah.

Dar - 8:00pm. Kuki tawngin - Shiur - Harav Yehuda Gin, 'Eden Hall' ah .

Dar - 8:00pm. Mizo tawngin - Shiur - Harav Gurion Sela, 'Hadar Hall' ah.


Tin, Dar- 9:00pm ah 'Divrei Khizuk' (mipui malsawmna thu) - Maran Harav Dov Lior שליט"א leh, Rosh HaMoatsa Mr.Malakhi Levinger.


Tin, Benei Menashe te thil hlui chi hrang hrang en tura awm bawk dawn a ni. (hei hi Sarat Haklita vealiya hnena lo show tawh a ni.)



Kumthar chibai vek ule.

Yoni Nakhum & nbsp ; Rakaz Benei Menashe Moatsa K.Arba.


Tin, Kharsina khua Mikveh bul leh Caravan bul atangin Bus dar 7:00pm ah a chhuak ang. Hun serh neih zawh hnuah a dah kir leh bawk ang.



Categories: Kehila, Community, Khinukh, Education, News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments