HAKHOKHMA Post Post New Entry

Avelut Shloshim

Posted by hakhokhma on August 17, 2011 at 11:05 AM

Avelut 'Shloshim' (Lusun ni 30 chhung)  אבלות שלושים יום


      Ni 30 chhung Lusunna hi Moshe Rabeinu thu atangin kan zir chhuak a,'Vaivku benei israel et Moshe bearvot Moav shloshim yom,' tih ziak atangin, he ni 30 chhung hi ni 7 chhung aiian a zam deuh zawkin, Lusun kum 1 chhung aiin a khirh deuh zawk a, Torah dawn hma atang rengin kan pute khan an mitthite chu an lo sun thin a, hei hi P-thian hnena zahawmna thil kan pek chi khat ani ve rengin, mihring zinga sun hmasak ber kan hmuh chu Methushelakh aniin Middrash a kan hmuh angin 'amah chu mifel tluantling ani' tih anih angin, Methushelakh chuan a dam laiin aka atanga a thu sawi chhuahte chu P-thian fakna thu hlir a phuhchhuak thin a, a thih hian Vantirhkoh rualte chu tlar 900 lai a intlarin an lo sun a , hei hian a dam laia 'Sidrei Mishna' 900 lai a zir te a entir bawk ani.


1-  Lusun ni 30 chhung hian Lusun te chuan hlimna hmun 'Brit Mila' te, Pidion haben te, inneihna hmunte, Sium Masekhet na hmun a ruaite chu a ei ve thiang lo ani.


2-  Lusun chuan he ni 30 chhung hian mite chaw eiah a sawm tur ani lova, chutiangin midang te pawhin chaw eiah an sawm tur ani lova, chutiangin Purim niah pawh mite chuan 'Mishloakh manot' chu an pe tur ani lova, amaherawh chu amah chuan mi dang pakhat chauh hnenah a pe tur ani.


3-  Ni 30 chhung hian Lusun chuan a sam leh a hmuihmul vel chu a met thiang lova, nu emaw pa emaw sun chuan a ni 31 na hnuah a thian ten an sawi sel sak hunah chauh a met thiang ani. Tin, Minhag Yerushalaim hmangte chuan ni 2-3 vel tal an nghak phawt tur ani.


4-  Ni 30 chhung hian hmanraw hmanga kut leh ke tin hleh thiang ani lova, amaherawh chu a kut emaw a ha emaw chuan a thiang. Chutiangin anu emaw apa emaw sun pawhin ni 30 hnu hi chuan a kut leh ke tinte chu hmanraw hmang pawhin a hlep thei tawh ang. Tin Rimawi tum leh ngaihthlakte pawh a ti tur ani lova, abikin a nu emaw apa emaw sun chuan a ngai pawimawh leh zual tur ani. Tin zu leh Wine pawh a in tur ani lo. Chutiangin Tv neite pawhin a en tur ani lo bawk.


5-  Nu chuan Mikveh a a kal angaih chuan a thian nu hnen atangin hleh sak turin a dil tur ani.


6-  Ni 30 na dawn a Shabat hnai ber chu 'Shabat Pkudat Hakhodesh' tih a ni. He Shabat tlai leh a tuk Shabat zawh tlaite chu an inah Minian siamin an inkhawm thin a, tah chuan Lusun zinga mi chu 'Shaliakh Tsibur' (khazan) ah hman thin a ni. Tin he Shabat ni hian lusun mipa chu 'Maftir' turin Torah chhiara koh thin ani a, anih loh pawn, 'Mashlim'(a 7 na) ah koh thin niin 'Kadish' sawi tir thin a ni.


7-  Shabat Shakharitah chuan Lusun chu 'Musaf' hman tir thin aniin, a mitthi thlarau tan zirna leh 'Hashkava' hman thin sak ani bawk.


8-  Shabat chawhnu lam hian Lusunte inah chuan 'Tehilim' chhiar thin aniin, Shiur te, Hashkava leh Kadish te sawi thin ani bawk.


9-  A ni 29 na zan hian Lusunte inah emaw, a mitthite lawina thin Beit Knesetah emaw chuan Minkha leh Arvit hman thin aniin, Shiur te, Hashkava te neih thin a ni a, tin Mitsvah ruai pawh buatsaih thin ani.


10-  Ani 30 na hi a thih ni atang ni lovin , phum anih atanga chhiar tan tur ani.


11-  A ni 30 ni chuan a thlanah kal a, athlanah Torah thu zirnate leh thil dang tih ngai ang angte tih bakah, thlanmual pawnah Seuda (ruai) neiin Mezonot lamte ei thin a ni a, tin 'Hashkava' te neih bawkin, Bati chhit thin ani bawk.


12-  Ashkenazim ho chuan Sefardimte tih ngai loh angin 'Gilui Matseva' te an nei bawk thin.


13-  A thlan atanga chhuah hian kut sil tur ani a, ahnuah hruk ro loh tur ani.


14-  A ni 7 na a zawh veleh atang khan a thlan siamna tur ngaihtuah nghal tur ani a, ani 30 na a peihfel anih theih nan hmanhmawh taka thlan siamtu Kablanim hote chu biak vat tur a ni. hei hi Israel rama mi tam zawkte tih dan a niin, a kum khatna a peih fel tura siam thin an awm bawk.


* Hilkhot Avelut page a kir lehna - click here

 

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments