HAKHOKHMA Post Post New Entry

Engtia ziah tur nge ?

Posted by hakhokhma on May 24, 2011 at 5:40 PM

      Kei chu han ti teh duai i la...tihian ka lo ngaihtuah ve mai2 a...ivrit hi mizo lamdan a kan hmang/dah /ziak a nih dawn chuan TZ/TS hi TSADIK/TZADIK tiin kan dah mai thin a..hei hi keimahni lamdan a ni lo a,kan lamdan in CHADIK tiin hmang ta ila ka lo tia..hei hi entirna pakhat chauh a nia ..a dang2 ah poh thildang chu a tama...kan lam dan a ka ziak a nih rau2 chuan te ka ti vel mai2 a..kei ai a mithiam in tama han ngaihtuah ve chhin teh u... tiin HAKHOKHMA Facebook ah Kiriat Arba tlangval Yakov-a hian a rawn ziak a. Hei hi mipuite lawm zawng tak ani a, chuvangin, Comment tu pawh angah nangiang mai. Kol Hakavod.

 

     Ani tak renga, he thu hi hman lai atanga (kal hmasa ten) Ulpan a Hebrew zir laiin zirtirtu te an lo zawh fo tawh thin ani a, צ = Tsade / Chade), he hawrawp te reuh hi Mizo hawrawpa ziah chhawn dawn hian CH nge TS nge TZ kan hmang dawn tih hi , chuti alo nih chuan, an zirtirtu te chuan a lamrik dan tur ang takin an han lam rik sak ta lauh lauh mai a, he hawrawp צ rik dan taka hi, mizo hawrawpa CH sin deuh ang ani a, chu chu kan u te kal hmasa, mi thiam tak tak, kan Community ah pawh kan chhuah vawr ho , Israel ramah pawh kal hmasain kawng lo zuk sial se kan tih ho, Mizorama an awm lai pawh a High School ah te pawh zirtirtu ni a Mizo Grammer Subject lo la ve thin hote chuan, CH hawrawp hi chu a rik dan hi a chang mah mah a, chuvangin, mizo hawrawp a tel tho T leh S te hian an lam chhuak ber anih hi an lo ti ta a, chuta hnuah chuan hetianga Hebrew hawrawp , mizo hawrawp hmanga an lo ziah tak reng rengah chuan TS chu an lo hmang thin ta a, hetiangin; ציפור=Tsipor , צבא=Tsava .... (hei hi achhan pakhat pawh, Hebrew hawrawp a awm ח( khet) hi , english hawrawpa ziah dawn hian CH an hmang thin a, hei hi achhanchu, hebrew ah tho כ= (Khaf) a awm a, chu chu English hawrawpa ziah hunah hriat hran theih nana tih a ni a, (KH ve ve a ziah anih loh nan) , chuvangin, nakinah kan la buai palh lohna turin an ti a, tuna צ = ( Tsade /Chade) chu CH a kan hman chuan nakinah miin KH angin an lo chhiar palh an hlau ani, ).

 

 

   Tichuan, a Hebrew lamah lo thlek veleh ta ila, mizo hawrawpa CH ang hi Hebrew a an ziah dawn chuan, a hawrawp rik dan tlukpui chiah hi a awm loh avang chuan a hebrew hawrawp zawh chiah chung lamah hian ' ( Coma te reuh te) hi an belh ta mai thin a, hetiangin; CHARLIE = צ'רלי .

 

 

    Hetah tak hian abuaithlak reng ani, Sidur buah te Mizorama kan awm laiin 'Aron Hakodesh' chunga vantirhkoh lem pahnih awm an ziah ah te leh Bible ah te chuan KH hmanna turah CH an lo hmang ta a, hetiangin; כרובים=CHERUBIM tiin , hei hi a rik dan anga mizo hawrawpa kan ziah dawn chuan a teuh thei dan ang ber tur chu KHERUVIM ani a, hei pawh hian ala lam chhuak chiah lo, achhan chu a KH laia hi dang atanga khak chhak tur ang maia lam chhuah tur a ni a, hetianga an ziah avang hian hun rei tak Israel a awm tawh ho pawhin tun thlengin CHERUBIM (a rik dan TSERUBIM) tiin an la sawi nulh nulh thin.

 

 

    Chuvangin , mizo tawngah CH hawrawp a awm a, kan hmang ngei tur a ni tih vanga a dik lo deuh talh pawh a hmang lui tum kan ang hlein a lang, Mizo hawrawp lo siam tute khan hawrawp kan hman lem tak chuang loh an lo siam tel nual mai a, hetiangin; J te G te , hmang lui tal duh ho chuan hnam hmingah te JONGTE ti ten an hmang lui thin a etc'.., hei hi Mizorama kan awm laia English kan zirna pa Uncle Jimmy (L) an nui chunga fiamthu a thawh paha a lam chhuah dan tur dik tak a a sawi thin J hi chu lei tikhauh deuh chung leh lei a ha hmai hawlh chunga lam tur a ni a, tiin, ZAWNGTE hnam chu JONGTE ti a an ziah te chu a lam tulh tulh kha min ti hrechhuak vawng vawng thin.

 

 

   A enga pawh chu nise, hei hi chu Hebrew hawrawp ani miauva, mizo hawrawpa kan ziak chhawng duh anih chuan , a ni bera kan rin ang hmanga kan ziah chu an chhiar thiam chuan a tha vek mai ka ti. Amaherawhchu, mi thenkhatin TS a ziak anih chuan Upa leh Hebrew hmelhriat loh ten an chhiar ri chhuak thiam lo tur anga an ngaih hi chu tlem chuan a awih awm lem loh ka ti a, TZ emaw Z ringawt emaw a ziak hmun tam takah (mizo ho ziah chhawn kher ni lovah) hmuh tur a awm a hetiangin; צבי=Zvi / TZVI tiin, hei hi chu זבי=Zvi ang vel ani a, hei kher hi chuan a teuh lo ropui ka ti thin, mahse le, hmun tam takah kawng sira khaw hming inziahna ah te thleng thlenga hmuh tur atam avangin kan hrethiam zel tho chu a nih hi.

 

 

   Tin, tuna a hawrawp צ=Tsade bik hi kan thlur bing ani mai a, hawrawp tam tak khel tham zet zet a awm nual a, hetiangin; Hebrew a ziak a AW a ri si mahse, mizo hawrawp a kan ziah hunah mizo hawrawp AW anga ziah chungchang ngaipawimawh leh miah chuang si lovin, CH a hi kan vei chawk bawk si a, a ropui ve ang reng re re.

 

 

    Tin, Hebrew a צ=Tsade chu CH ni lovin TS a kan ziah dawn chuan , engvangin nge mizo tawngah 'Chaw i ei tawh em? tih aiah 'Tsaw i ei tawh em?' ti a kan ziah leh chuan si loh ti ten kan ngai ani mai thei, mahse sawi tawh angin, Mizo hawrawp a mizo tawng kan ziah dawn chuan a kalhmang, a ziahdan tur a awm a, chutiangin tawng dang mizo tawnga kan ziah chhawn dawn pawhin a kalhmang a awm ve tihna ani mai, enge in ngaih ve dan hlawm le.....

Categories: Hebrew, Article, Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments