HAKHOKHMA Post Post New Entry

Buaina lak ata

Posted by hakhokhma on February 7, 2011 at 7:30 AM

ZU.

      A hming ringawt paw’n ka ngaihtuahna a ti danglam nghal a,ka phur nghal em em bawk.A ruihdan tur ka ngaituah a,ka han lei a, ti ti a dang nghalin ka phur nghal surh surh hle.Ka za cheng nge ka mur er er a, ka tha a tho em em bawk ṭhin.Eng dang ka ngaihtuah thei lo,nula hmelṭha pawh hmu mah ila ka in hmasak phot loh chuan ngaihtuahna pek ka tum ngai lo.Chutiang khawp chuan min zel aa a,min kuai bet tlat ṭhin.A hmel ka hmuh chuan ka awmdan zawng zawng ka theihnghilh nghal vek ṭhin a,ka phi sek ṭhin a ni ber mai nge ni a, a husual ka nei zawk?

 

A husual ka nei tak tak aniang!

     Vawikhat chu kan ṭhianhoin zu kan thlawr dawn a,mei kan chhem a kan han chhuangkai a,a rawn far ta keuh keuh mai

chu ka phur ngei mai.Mei a alh ṭha em?a alh nasa em?a bel a phui ṭha em? tih ngaihtuahin ka phi/phe sek a,ka za cheng a ni zawk mah ang chu.Kan ṭhianpa pakhat hian min lo en reng chu niin, ka awmdan vel ti hian min hrilh ta a,"Mi chuan sa an kahte hian an lawm em em a,an khur der der a ,an phe sekin a ṭhente phei chuan zun an cheh bawk ṭhin a.Nangchu kha,zu kan chhuanga i phu sekin i che sek a,i awmdan pangngailoin i awm a,chuvang chuan nang chuan zu husual i nei a nih hi,"min ti a.Nia, tun hnua ka ngaihtuah hian zu husual chu ka nei nei a nih ka ring,min zem aa thei em mai.

 

   No-ah ka han thli chhuak a,ka in hma paw’n ka ṭawngtui tawh nak a laia,ka han lem chiah chu thinlung a danglam ṭhin ngei mai!Ṭhiante ka han fak a,ka hmel a hlim a,ka ka ah pawh lo zen se tumah ka seh lovang.Rilrua thil awm sawi chhuah chakin a rawn inhnawh up up a,sawi hmasak ber tur poh ka hre ṭhin lo.Ka titi bawrh bawrh a,a chang leh ka lung a lenga ka zai a,ka nui vur vur bawk ṭhin,ka va han hlim ṭhin

tak em!

 

A pawi ta a ni.

     Hetiang hian awm reng theih ṭhin se ka ti,mahse khatih hunlai chiah khan ngaihtuahna neih a ṭul hle mai.Ka thil phal a,ui ka nei lo.Hmalam hun ka dawn lo a,ka in ka in a,ka lo rui ta hle,a chhia a ṭha ka thliar hrang thei ta lo.Ka haw a,tluk-leh-dingawnin ka kal a,zahna te chu khawilam ah.Ka han mu a tui takin mang bo ṭhak khawpin.Zingah ka han harh a,ni danga ka zingtho nen a in ang ta lo,lu a na fuk fuka, ka ni nghulh bawk a,engtinnge ni ang?Chutiang chu a reh theih nan zu bawk a lo ngai leh ta.Ngaihsamna min pe a,hna ka chawl a,ka lo in leh a,hna lam a lang lo.Chutiang hlira ka lo khawsak takah chuan zu chu ka in ta lo, a man min in let zawk ta a.Thawh chhuah awm bawk silo,nupui fanau nei tan ngat phei chuan a va buaithlak dawn em!Ngaihtuahna ka lo nei lo leh hmalam hun tur ka lo ngaihtuah lo kha a va pawi

tak em!

 

    Bill eng eng emawni a lo kal a,ei tur ni se,sum hmuh chhun lah zu manah hman zel a ngai.Zial zuk tur leina ai,eng ai aiin emawni ka duh zawk si. Zu-ah khan ba ka lo insiam ta reng   mai,eng tiklai paw’n ka thun khah a ngai ta. Min rawn ṭhin letna lah chu a na ropui si,ka thun khah loh chuan ka khura, ka uak pup pup a,ka tha a zawi,lu hai bawk nen. Mut lah a mut ṭhat theih loh,lum ti si loin ka thlan a tla hluam hluam a,vawt ti si loin ka ṭim sung sung a,ka chawn tha lo chat rawl nen,ka in let sek bawk si. mut chhuak diar diarin ka awm a ,ka han chhingsek a mang chhe puipui ka mang a ,ka phu ang zawk zawk bawk a,a va hrehawm tak em!Eng vang kherin nge hetianga min siam tur hi ka lo hmangaih theih le?

Chhungte min zilhnate kha lo awih ila ṭha tur. Mi zingah han awm dawn ila,in/lem leh phawt loh chuan ka

awm ngam si lo.Ka ruihlaia ka awmdan,ka thusawi an hre si,an hmel en poh a nuam lo.Ka ṭi dawk mai a,ka awmdan an sawi ang tih hlau em emin ka awm bawk si.Keimah leh keimahah ser ka insiam a,ka chhung leh khat zawngte tana zahna ka lo siam te kha reh thei tawh tak ang maw? mi en hrik ka ni tawh si,zahna mai lo chu hmuh tur ka nei ta lo. Kha ka hun lo hman zawng zawnga kha thilṭha tih nan leh

keima ṭhat nan lo hmang ta i la,tu nge ka awh bik ang le? Ka hun hloh kha a lo va uihawm tak em! ‘A bul ṭan ṭhat chu a chanve zo ang a ni’ an lo tihte kha a takin ka hmu uaih uaih ta mai chu a nih hi le!

 

Theihnghilh lo hram ang che.

      Aw le,ka hun hlu liamta chu ka siamṭha thei tawh dawn chuang lo.Ka duh vanga ti ka nia,ka chunga thil lo thleng tur chu ka tawrh a ngai dawn miau si,tuman min tawrh sak dawn lo,ka thiltih rah chu keima tel ngei a ngai ta si.Ka thil tih zawng zawnga ka inchhir zia hi ka sawi seng dawn lo a,min lo nuihsawhin emaw,ka nunhlui kalta chu lo sawi mah se, tih theih ka nei toh lo,a nih tur a ni zo tawh e,khami a kir

leh tawh lo tur a ka insiamṭhat a ngai ta.

 

     Zu hi kei ka tan chuan thiltih chi loh ber zing ami a ni,malsawmna ka dawng a, nghei theia ka awm hi ka lawm em em a,hetiang reng hian awm thei ila ka va duh tak em. Chu chu keima tum a ngai,ka hun kal tawh ami kha chu min lo nuihzat rawh u,ka tuar ang,ka duh vanga awm ka ni miau a.Tuna ka hunah hi chuan min pui zawk rawh u,tupawn puihna hi kan mamawh si!Mi rilru tihnual mai lo leh ti phur zawk tura hmang turin ka duh em em a ni,ka lo in tawh loh vang hian chapo thei ka ni lo,ka chak lo,ka la tlu lek lek zawk ṭhin si a.Min pui rawh u,mahni maia din a harsa ṭhin.Fel ta ber ka ni lo tih min lo hriatpui bawk turin ka ngen duh che u a ni.

 

     Zu hi hmuntinah a tam em em a,mahni taksa chak nan leh nun nawm nana inthiam tan chuan a ṭha e.Kei chu ka zu ruihlaia ka phun ka phun tawh chuan,in chhunzawm chi vak a ni tawh lo,chhungte tan a bengchhen duh mai bakah keimahni tan khan a pawi tawh zawk a ni.Kan in hma hian ngaihtuahna hi hmang hmasa thei ṭheuh ila hei hi a pawimawh ber a ni. Enge lo thleng theia pawi a khawih theih, chhungkua, mahni leh nupui fanau tan leh kan hnam tan hian i ngaihtuah hmasa ang u.

 

    Chutiang kan ngaihtuah hmasa thei a nih chuan engvangin nge zu hi kan in loh ang,eng vangin nge kan huatna em em tur?min ti hlimtu leh hriselna atana kan hman thiamte chuan a ṭha alawm.Kan hunpui/kut-ah te pawh hmun pawimawh a chang a lawm le.Mahse, zu-a buaina i nei a nih chuan in lo hram rawh.

 

    I hmangthiam a nih thung chuan i zahawmnan hmang la,a chintawk hria la, chu chu theihnghilh lo hram ang che.

 

***Source - BLAH Vol-76  -  Ziak tu - Jakob Sharon. Kiriat Arba

Categories: Article, Kehila, Community, Khinukh, Education

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

1 Comment

Reply Blahtor
7:46 AM on February 7, 2011 
He thu ziaktupa hian zu a in ve lai chuan ?ti ve tak? a ni tih amah hria chuan kan hre ṭheuh ang. Ngenna avangin insit chung chungin a rawn ziak a,a chungah kan lawmthu hle a ni. ?Zu nghei rawh..? a ti hran lo,mahse,kan nghei ngam lo anih pawhin i in tlem ngam ang u! Bl.)