HAKHOKHMA Post Post New Entry

'HAKHOKHMA' Man of the Year 2010 chanchin

Posted by hakhokhma on January 24, 2011 at 6:40 PM

 Name : Gershon Chongloi + 1.

Parent Name : Avidan & Milka.

Sister's Name : Khagit- Yehoshua Menashe nen an innei a, tunah Ofra khuaah an cheng mek, tin fapa pahnih an nei bawk. Nau awmna (Maon) ah an khuaah hna a thawk a , tin, a pasal hi an khaw Security ah 'Sgan Ravshats' a ni bawk.

Mikhal – ani hi ala nula a, ka nu leh pa te nen Nitsan ah an khawsa mek.

Ka nupui hming – Rut Chongloi.

Ka fanu hming- Oria Chongloi.

 

Ka chanchin;

    Tunah hian Nitsan khuaah ka cheng a, ('Hitnatkut' avang khan Gush Katif bial a Neve Dekalim khua atangin kum 2005 khan pawh chhuah zinga mi kan ni bawk ani.). Tunah hian kum 26 mi ka ni a, nupui leh fanu pakhat ka nei mek bawk a, kum 1995 khan kum 10.5 mi ka nih laiin India hmar chhak 'Assam' ram atangin kan chhungin Israel ah kan pem a, a hma chuan Nagaland ah kan khawsa thin a, Israel kan thlen hian Gush Katif hmuna Neve Dkalim khuaah kan cheng a. Neve Dekalim ah hian 'Naot Katif' school ah zir thinin, chutah chuan hlawhtling takin he zirna inah hian ka lo zir chhuak tawh a, pawl 6 ka nih lai chuan Bar Mitsva (kum-13) ka lo tling ta a, tun hnuah chauh hian ramthianghlima Menashe fate zinga Bar Mitsvah ti hmasa ber ka nih thu ka hre hnuhnawh a. Primary school ka zir zawh hnu hian, Yeshivat Tikhonit 'Dimona' (Sakhawmi High school) ah ka zir chhunzawm a, chutah chuan High school (pawl 12) ka zir chhuah thleng chuan ka zir ta a ni.

 

    Pawl 11 leh 12 ka nih chhung , kum hnih chhung hian Neve Dkalim khuaah chuan 'Snif Ariel' ah Instructor (Madrikh) ka ni thin a. P-thian puihna a zarah , High School ka kai lai hian Bagrut pumpui chu zovin Bagrut certificate chu ka lo dawng tawh bawk a . Tichuan High School ka zir zawh hnu hian, 'Hesder' (Sipai kal pah a Yeshiva a zirna hmun) 'Yeshivat Hakotel' ah chuan ka zir tan ve nghal a, he Yeshiva hi Jerusalem Old City a awm a ni. Hetia Hesder a ka kal chhung hian Israel Sipaiah kum 2006 March thla khan ka kal bawk a, ka sipai kalna chu 'Handasa Kravit' (combat engineering) a ni a, chutah chuan kum hnih vel chhung indo mi leh Comander (Mefaked) ah ka lo tang thin bawk a ni. (P-thian zarah hetah pawh hian Menashe fate zinga Commander Rank han kai hmasa ber ka ni bawk a ni).

 

    Ka sipai tan zawh hnu chuan, kum 2008 khan nupui neiin, Yeshiva ka zir zawh na kum tawp ber chu 'Yeshivat Neve Dekalim' ah ka zir chhunzawm bawk a, (he Yeshiva pawh hi Gush Katif pawh chhuah anih khan pawh chhuah ve bawk a ni) he Yeshiva hi tunah chuan Ashdot khua ah a awm mek bawk.

Tichuan, Hesder zir hunchhung chu ka zir zawh hnuin, 'Asis Mashtelot' (Pangpar huan) Ashkelon khuaah chuan hna thawkin , a hotu ber (Akhraii) niin, a tuipekna chungchang leh a to thatna chungchang vela incharge ka ni bawk a . Hetah hian tun thlengin ka la thawk mek bawk a ni.

 

    Hetiang kum chhung zawng zawng hian kan community tana thatna tur thil hi ka mitin a thlir reng thin a, kan Community hi hmasawn zel in sang chho zual deuh deuh se tih hi ka thil duh ber ani fo thin a ni. hemi kawnga hlawhtlinna tur hian kan naupangte hnenah ka kal a, kan naupangte hnenah hian thil tihtheihna lian tak inphum ru a awm ani tih ka hmu a, chuti chuan, P-thian puihna azarin, kawng tam takin kan Community zawng zawng leh abikin kan naupangte tana hmasawn nan hian thiltih ka lo tum ta a .

 

Hetiangin;

*A khat tawk a Shabat ni leh kan inhmunkhawm ni a Shiur (P-thian thu zirtirna) pek. Shiur ahte hian naupangte hnenah chuan tuna kan thil neihah hian i duhtawk mai lo ila, hei aia hmun hla zawk thleng tura duhna leh hipna nei turin ka hrilhfiah thin a ni.

 

* Naupangte chu amal malin Bar Mitsvah an lo tlin dawnin thutpui thinin, Hilkhot Tefilin te zirtirin, P-thian thute an nu leh pate bulah ka zirtir thin bawk a.

 

* Hebrew tawngin kartin chanchinbu te ka tichhuak reng bawk a, he chanchinbu hmang hian naupangte chu an hriatzauna kawng hrang hranga puihna turin thiltih ka tum reng bawk a, tin, Torah leh Tsadikim (mi felte) thawnthu te atanga thil zir theih awm ang reng reng te chu ka dap pui thin bawk a ni.

 

     A tawp hmain, kan Community tana ka thil duh leh ka lo mang thin fo chu, 'Ka chhingmit ka han chhin chuan, he kan chenna ram Israel ah hian kan community mipuite hian kawng engkimah rual kan lo pawl vein, Hi-Tech lamah te, Sipai lamah te (commander te, officer te, brigate commander te etc') , Medical lamah te leh a dang dangah te dinhmun kan lo chelh ve tuk thin ani.

 

    A tawp nan, mi zawng zawngte chungah thil te reuh te ngen ka duh a, khawngaih takin, in zan mutthilh hmain, eng vangin nge Lalpa P-thian hian he hmun kher , ka awmna hmun khua leh he chhungkua ah kher hian min lo dah tih hi in zawt nawn fovin, an tan hian enge ka pekin ka thawh ve theih ang, tiin. mahni tan chauhva tha tur ni lovin, kan za vai atana thil tha tur hi ngaihtuah i tum theuh ila, chutianga, kan za a kan ngaihtuah chuan, kan Community hi hmun dikah hma kan sawn tir thei ngei ang.

 

    A tawp berah Tawngtainain khar tum ila, "Aw.. Lalpa P-thian , khawngaih takin, I hnamte hnenah hian hriselna tluantling rawn thlen tir la, tin, keimahni ah hian chhia leh tha, dawt leh thutak thliar hran thiamna chu phun nghet bawk la, chutiangin, kan thiltih zawng zawng hi a tha zawng lo ni rawh se, chutiangchu, I duh zawng lo ni rawh se."

 

 

Bivrakha (Malsawmin)

Gershon Chongloi .

"Hakatan Shebashvatim".

20.01.2011 ט"ו בשבט התשע"א

Categories: Khinukh, Education, Article, Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments