HAKHOKHMA Post Post New Entry

Tawngkam mawi zawk

Posted by Sport on January 3, 2011 at 4:55 AM

Tawngkam mawi zawk 


   Jerry Frund chu Ni 13 Jan 1967 ah Harwood khuaah a lo pianga, a nu Kessy pum chhunga a awm laiin a nu leh pa te tawngkam mawilo tak tak hmangin an in hnial thin a, Kessy thinrim tih ngaihna hre lo chuan zial-zuk leh zu-inah tlak in, chung thla 9 chhung chu hreawm takin hun a hmang thin a ni. Frund a lo pian chuan rual a ban lo ta ngei a, at chhe na a nei ta tlat mai a, chutianga mi-a ang a en a nih tak avang chuan Sikul pawh a kal tha thei ta lova, a thian ten fiamthu thawh nan an hmang a, chumai piah lamah chuan tawngkam thalo tam tak hmangin hming mak tak tak te pawh an phuahsak thin a ni. Harsatna tam tak an hmachhawn a ngaih tak a vang chuan a nu leh pa te chu an mangang ta hle a, Jerry pa chuan a nupui hauh a sim chuang lova. Frund anu chuan tihngaihna dang a hriat tak loh avang chuan apasal chu thenin Hermington lamah a chhungkhat laina te pan in a chhuahsan ta a ni. Kessy chuan hnathawh chhunzawm in Frund chu a pi leh pu Herny leh Jeorgy bulah a awm ta a, Jerry chu kum 7 mi lek a ni a, a pi leh pute chuan nitin tawngkam tha tak tak leh duat takin an be thin a, theihtawp chhuahin an zirtir bawk thin a ni. Frund kum 25 mi a lo nih chuan Engineer a ni der tawh a ni. Frund chuan a pa zawng chhuak leh ngatin anu nen a inkawprem tir leh a ni. Frund in a sawidan chuan, Harsatna tam tak lo thleng thin te hi kan sualvang nikher lovin harsatn sukiang thei zawk a hria ate pan nachang kan hriatloh hi a ni. a ti. Chutiang bawkin Tawngkam tha a bul I tan a nih phawt chuan a tawp a chhe ngailo a ni bawk.

 

    Kan thlatu te thufing pakhat "Tawngkam tha in sial aman" ka tih hi thuro chhiah zingah chhiartel tlak a nih ve nge ka ring. Tawngkam tha kan tih hian eng ang thumal te hi nge chu Tawngkam thaah chuan kan thun tel theih ang. Hnamdangin an neih ve awm reng pawh kan hriatloh Mizo upate in kohna, hming hmaa kan lam rik thin "U" tih hi zahna entirna anih piah lamah hian Hawihawmna na a entira, chumai bakah a lam ritu Inngaihtlawma pawh a hmuh tlang ve theih bawk thin a ni.

Hmandeuhah te kha chuan naupang zawk chuan a aia upa chu a U ngeitur a ni ti in kan inzirtir thin a, hei hian chhan thui zawk a neih vang a ni tih chu lang lem si lovin a ril hle bawk si a ni. Chutiang bawkin Hmel landan, kan U rual, Pu rual te, thliarhran thiamna Siamtu in min pe ve reng bawk a ni. He Thufing leh Inzirtirna atang hian, Siamtu in a siam ve tho a te chungnunna, hi zir chhuah a nih thei takin tarlan kan tum ve chhin teh ang:

 

   I hmeltha, I duhawm, I titha, I zahawm kan tih hian a dawngtu tan chuan lawmawm em em ni kher lo dawn mahse I chawikanna in duhsakna a nih vangin mi a tih thatho a ni. Mahse, I hmelchhia, I mak lutuk, I thing tih thumal te erawh chuan thinrimna achawhtho mai bakah I dahhniamna lam a kawk ve daih bawk. Hetianga tawngkam khat maiin mi a tih danglam theih chuan tawngkam chhe tam tak chuan mitam tak nun a ti chhe thei a, in dawmkanna tawngkam te chuan mi tam tak harsatna atangin a chhanchhuak ngei dawn a ni tih a hriat theih a ni.

 

   Entirna dang leh chu Piansualna ah. Tawngfiahlo a chu Duhawma lo nita se, Duhawma tih aia Tawngfiahlo-a kan tih ang chi te, Thanchhinga chu Chhawih deuh nita se, Chhawih-a tih kan hman duh zawk ang chite hi a thalo a ni. Mi I koh dan khan I nungchang zia a pholang a ni. Kan Torah mithiam te pawn mi hming phuah belh sak hi an phal hlawl lo a ni.

Chuvang chuan, Mi hawlo turin I thinlung hnehtum thin la, I tlinlohnaah te midang mawpuh lo ang che, tu pawh rawn be tu a piang che chu tawngkam tha in thlahtum la, mi chanchin I ngaihthlak a piangin an thatna leh a chakna lai ngaihtuah thin ang che.

 


Categories: Article, Khinukh, Education

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments