HAKHOKHMA Post Post New Entry

Ka Mamawh nge ni a Ka Duh?

Posted by Sport on January 3, 2011 at 4:45 AM

Ka Mamawh nge ni a Ka Duh? 


 

Duh zawng – Kan mit la zawng : Duh zawng te rang lamtakin a inthlak danglam thin. Kan mit la zawng a ni duh tlangpui a, kan mamawh te zingah an telve lo fo. Naupang te hi atlangpuiin an duhzawng chiahah an cheng tlangpui a ni. Hunreilote chhung duh an nei a, a hnu reilo teah an duh a chu an hnawl leh mai thin a ni.


Puitling tawh ten an duhzawng chiah an ngaihtuah chuan: An nun chu a hahthlak ngei dawn a, a chhan chu an duhzawng hlawhchhuahna turin theihtawp an chhuah zel dawn a ni. Duh zawng an neih reng chu an sim dawn lova, chuvang chuan an nunah an thil awh te chuan an ngaihtuahnaah hmun a luah tlat vangin an duh zawng an neih hma chu an lungawi tak tak thin ta lo a ni.


Duhzawng te hi thil suak angah ngaih theih a ni: Chu kan duhah chu kan rawn nei tangei a, mahse kha kan duh emaw kan tih a kha, a lo nichiah thin lova, duh ngei zawk a kha kan lo la neilo thin fo, chuvang chuan kan duh ngei a chu thataka enfiah hmasak a tha thin a ni. Kan duh zawng chu kan it zawng mai niin kan Neshama (thlarau) lam in a it a ni kher thin lo. Chuvang chuan kan nuna thil suak rawn inlan an rawn ni thei a, thil chuangliam mai rawn ni zawk in, kan hringnun hmanlai mek a rawn ti buai zawk thei a ni. Chu kan duh kan it a kan em chhung laia kan hun leh tha kan hmanzawh zozai a te khan, a takram kan thlen hnua thil ho mai an rawn chantir leh thin avang khan harsatna leh lungngaihna tenau emaw a lian pawh nithei a rawn thlen fo thin zawk a ni.


Mamawh (kan mahmawh diktak zawk): Mamawh zawngte hi engtik laipawhin asuak an ni ngai lo. Mamawh zawng te erawh kan thlarau lam atanga lo chhuak a nive daih thung a, tin kan nihna atang te pawhin a ni. Mamawha te chuan kan hringnun min chhawm dawla, a tel lovin kan awm thei lo, chung Mamawh hlawhchhuahna tur chuan theihtawp chhuah in kan thawh a, chhel taka kan sualchhuah ngai thung a ni. Chung Mamawh hlawhchhuak thei dinhmun a kan din erawh chuan thlarau taka hlimna leh hlawttlinna thin lung phur tak min neih tir thin a ni. Tin, khawsak pangngai tak min pe bawk.

Kan Mamawh zawng te pawh hi kan duh zawng nen hian a in ang lo hle: Mihring chu a dam chhunga Pawisa um in a awm thei a, achhan chu Pawisa chuan Hausaknaa a hruailuh a rin vang pawh a ni thei a ni. Mahse a mamawh zawk a chu Pawisa a lo nihlawl thin lova, Thlarau mi nihna zawk emaw, Rinna lam emaw a nih lo pawhin Midangte nen a khawsak ho thiam a lo ni zawk fo thin.


Hriattur a pawimawh ta em em chu, "Kan mahmawh te hi kan dinhmun (nihna) atanga lakchhuahtur" tih hi a ni. Chuvang chuan, Mihring kan danglam leh kan Khawvel adanglam zel ang hian kan Mamawh te pawh adanglam ve zel thei a ni.


A tlangpuiah chuan, Kan duh zawng kan neih hnuin pawh hian lungawina tak tak kan hmu zolo fo thin a, thawklehkhatah lungawilo ni nghal lo mah ilang a hnuah kan lungawilo tho thin. Amaerawh chu, kan mamawh zawng tak kan han dawng/lei a nih chuan kan rilru pawh a hlim zawk a, hlawhtinna thuruk pakhat min rawn zirtir reng bawk a ni.


 

Torah Mthiamte pawhin ti hian min rawn zirte ve mek bawk a, " Shabath tana Sum hman chu a thlawn lo" tiin. Chuti a nih chuan Zirtawpni a Bazar vakchu Mitzvah a ni em? tih leh Shabath tana kan Sum hmanral zawng zawng chu kan Mamawh an ni vek em? tih zawhna hi in zawh fo a tha hle awm e.

Mitzvah kan tih hi kan duh vanga kan tih tur ni tho mahse, chu duhna chu Mamawhna atanga lo chhuak a nih zia hriat a tha hle a ni. Shabath tana kan kan Sum hmanral te pawh chu kan Mamawh an ni ngei tur a ni. Entirnan: Wine – Kiddush nan( Ruihnan ni lovin), Chhang- Kiddush nan (Paih tur ni lovin), Sa leh Sangha (Oneg Shabath), Eitur dang neuh neuh – Brakha sawi hnem nan, Thei thar lam- Shehekheyanu Sawinan, etc. Heng Mamawh I neih a te hi I leina tur a Sum I sen hmain Mitzva hlenchhuahna tur a ni ngei a ni tih vawng tlat ang che. A chhan chu Torah Mithiam ten an sawi, Shabath tana Sum hman chu a thlawnlo an tih kha.


Vawn ve mai mai atan a tha hle chu, Khawvel a Mi hlawhtling kan hriat tam zawk te hi Mamawh leh Duhzawng thliar hrang thiam an nifo a, Chhungkaw hlawhtlinna pawh Nu ah a innghat a, Nu in Mamawh leh Duh zawng thliar hran a thiam chuan, Pa pawh an bang chuang lo a nia, Israel ramah chuan Chhungkua Tangrual kan ni tih hi thupui pawimawh tak a ni.

Tin, ti hian a sawi leh theih bawk. Yatzer Hara hi, duh zawng, Yatzer hatov hi, mamawh zawng tiin. Yatzer Hara pawh a thalama hman dan a awm ang hian Duhzawng te pawh hi a tha lamah a hman theih tho a ni tih hriat tur a ni.

 


Categories: Article, Khinukh, Education

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments