HAKHOKHMA Post Post New Entry

PARASHA VAYEKHI by L. Fanai

Posted by Sport on December 17, 2010 at 8:45 AM

   Kan pu Ya’akov chu hahdam leh nuamsa takin Aigupta ramah kum 17 a awm ta a, a damchhung nun kum 130 erawhchu hrehawm takin a hmang thung a ni (Midrash; Baal HaTurim). Ya’kov-a chuan Judah chu a tirin Goshen ram chu a thlithlai hmasak tir a (Gen. 46:2), helai thu hi Midrash chuan, sakhaw zirna hmun din turin a ti a, miin Torah a zir chuan Aigupta pawh nise P-thian a hnaih a, nun hahdamna an chang \hin a ni, tiin Rabbi Schneur Zalman chuan a tupa zawhna a chhang a ni (Hayom Yom). He châng zawmpui chiahah Ya’akoc chuan Aigupta atanga lachhuak (a ruhro) turin a fate thu a tiam tir nghe nghe a. Israel mi chu ram pawnah nuamsa hle mahse rampawn Yosef-a hnenah chuan, “Ngaiteh, i pa a damlo” (Gen 48:1) tiin kan hmu a. Kan pu Avrahama’n khawvelahhian tàrna a thlentir a, Itzkhak-a chuan tawrhna leh hrehawmna a thlen tir a, Ya’akov chuan damlohna a thlentir, tiin sawi \hin a ni. Genesis hi ngun taka kan en chuan tár tih aiin upa tiin kan hmu a, pafa pawh hriat hran harsa khawpa inang leh zahna pek tur zawk pawh hriat a nih \hin loh avangin, upa zawk lantirtu dil hmasa ber tu chu kan pu Avraham-a...(contd/- p 2) hi a ni. Chutiang bawkin Itzkhak-a pawhin mihring hian he khawvel hrehawmna tuar lova mi a thih chuan rorelna fir tak a hmachhawn a ngai a, hrehawmna I tawrh tir hian rorelna fir chu a kiang \hin, tiin P-thian hnenah a dil a, amah ngeiin a dilna chu a paltlang ta a, a mithmuh pawh alo khawlo ta a ni (Gen. 27:1). Tin, kan pu Ya’akov pawhin miin a thih hmaa a fate hnena thuro a chhiah theihna turin a hun hma ni 2/3 tal natna thlen tir tura P-thian a dilna chu amah ngeiin a tuar ta a, chuvangin, Yosef-a hnena kalte pawhin “Ngai teh, i pa a damlo” an tih phah ta a ni (Midrash Rabbah).

 

Source - Shavei Bulletin : December, 2010/ Tevet 5771- Vol. 5 - No. 292

Categories: Judaism, Emuna, Rinna lam

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments