HAKHOKHMA Post Post New Entry

Champion League round of 16 ah Barcelona leh Arsenal in tum dawn.

Posted by icolney on December 17, 2010 at 6:45 AM

2nd Round Ni  15.2.2011 / 8.3.2011 ah khelh tan a ni ang.

Thunawi sawi neuh neuh a nih hnuah Real Madrid chu Barcelona aiin an vannei zawk ta nge nge a ni. Real hian nikum lam a an hneh loh Lyon an hmachhawn dawn a, tun tum hi chu an tan insiam thatna hun remchang a ni ngei ang le. Real hian Away Game an khelh hmasak zawk dawn vang hian vanneihna in a bawm ang zual khawp mai.


Arsenal Boss leh a hote chuan tu pawh hmachhawn inhuam taka an lo kam chhuah tawh avangin,  an tan eng Surpised mah a awm chuang lohah a ngai theih dawn a ni.  Mahse, Barcelona Team hi vanduai thei zawk an ni thei tho. 1st League hi Emirates Stadium ah an khel hmasa ang a, a 2nd na ah Arsenal hian mikhual ni an harsat viau ang em?

Premier League Team rau rau-ah chuan Arsenal hi Away Game Record nei tha ber an ni a, an tan Home Game khelh hmasak pawh a lungngaih thlak lem lovang. Eng pawh nise English leh Spain intlan siakna a ni tlat mai a, he Game hi Final lo awm tur ai pawh in boruak leh huhang a ngah zawk mai thei a ni. Nasri, Fabregas, Arshavin te hian Arsenal Fans te an ti lungawi zo ang em? Kan lo ngai chang dawn nia u.


Manchester United chuan Quarter Final an thlen hmel a, an khing pui tur Olympique Marseile te hi palzam mai mai chi angin lang kher lo mahse United Team te hi he Team laka tlawm tur chuan rin ngam chi an ni hrih lo tlat  a ni. Away Game Paris lamah an khel dawn a, hei hian United dinhmun a dawmsang leh zual ngei dawn a ni.


Chelsea pawh København  (Denmark) lakah a tlawm a rinawm loh va, chuvang chuan Premier League atang in Team hnih chuan 2nd Round an paltlang turah kan ngai phawt dawn nia.


Liverpool tlak tur Hotspur hi le, Milan leh Ibrahmimovic an hma chhawn dawn, tun din hmunah Tottenham hi an khelh that thin em vang leh a bikin Champion league ah phei chuan an che tha leh zual a, he Italy Team tan hian awlsam taka pal tlang chi an ni dawn hauh lova, chuvang chuan he Game pawh hi Barcelona leh Arsenal ang tluk tho vin a hmuhnawm ang.


Nikum Final kha kan la hrereng ang, Final Review kan lo thlir leh dawn tihna a ni mai ang chu, Bayern München in Inter Milan Finala an hneh lo kha an la tuar mek ngei ang, Eto leh Miloto te tha em em tho thin mahse Liverpool lo pulh pui thak tu Rafael Benitez hian Internazionale pawh an nihna tur ah a khunglut thei tawh lo a ni ber mai, Chuvang chuan Germany zawk hi a dingchang zawk an nih hmel khawp mai, Goal veng Team Mourinho Real Madrid ah  a awm daih tawh vang in.


Shakhtar Donetsk leh Roma hi kan hmel hriat lo ber angam, mahse Ukraine Team an League ah chuan hmahruaitu an ni a, hmahruaitu mai ni lovin kan Club hriat lar   Dynamo Kyiv dawttu pawh in Point 12 laiin an um phalo a ni. Tun kum chu Ukraine Quarter Finalah kan hmuh a rinawm zawk khawp mai.


Ngaihdan chu a sawi zuah zuah theih zel a, Game a lo nih hian Boruak a danglam theih zia pawh kan hria, eng pawh nise beisei loh deuh Team in khel thut tur Barcelona leh Arsenal te Munchen leh Inter ang te hian Football khawvel a ti nuam leh zual a  ni.


Categories: Sport

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments