HAKHOKHMA Post Post New Entry

Footballer hmingthang

Posted by icolney on December 11, 2010 at 12:40 PM

Passport

First name: Cristiano RonaldoLast namedos Santos Aveiro

Nationality: Portugal

Date of birth: 5 February 1985

Age: 25

Country of birth: Portugal

Place of birth : Funchal, Madeira

Position: Attacker

Height : 186 cm

Weight : 84 kg

Foot : Both

International caps: 79

International goals :25

 

Kum thum mi a nih atangin Football a lo pet tan der tawh a, a ball khawih adanglam thin em vangin Sporting Lisbon Club hian a la tet hle lai khan Football Academy a zir ve turin an la lut  a ni. Kum 16 a tlin meuh chuan a thiam em vangin  Sporting Lisbon First Team ah an telh ve der tawh a ni. UEFA U-17 Championshipah Portugal aiawh in a khel a, a chet that em avangin Portugal ramah chuan a lo lar hmingthang hle hman tawh a ni.

 

Kum 2003 ah Manchester United leh Sir Alex Ferguson mi awh ber te zing a mi Ronaldo:

Manchester United F.C chu Lisbon-ah an rawn zin a, Sporting Lisbon nen Friendly Match khel dun in, Alex a chuan Ronaldo khel lo thlir ngun bik em em in, a mi awh em em a lo ni ta a ni. United Manager hian he naupang hi a duh em avangin lei chhuak ngei turin tan a la a, David Beckham kawr haklai No7 ha turin Spoting Lisbon a tang chuan a pawt chhuak thei ta a ni.

Sporting Lisbon tan hian Portuguese Liga-ah Game 25 khel ve hmanin Goal 3 a khung ve hman a ni. He tih lai hian Ronaldo chu Kum  17 leh a chanve vel chauh a la ni.

Premier League  Season 2003/2004 a rawn tan a, Game 29 khel in Goal li chauh a khung a, mahse a bul tanna a la ni chauhva mipui lawm a hlawh em em tho a ni. Season thar an rawn kai leh a, Goal 4 atangin Goal nga-ah hma a rawn sawn a, Season thar tin mai hian hma a sawn chho zel a, Season 2006/07 ah chuan United tan mi pawimawh ber a lo ni tan der tawh a, Goal pawh 17 lai a thun a ni.2007/08 ah chuan Ronaldo hi khawvel Football milar ber zingah a lo tel der tawh a ni. English Premier League ah Goal 31 a thun a, Manchester United a champion pui,  Hemi kum vek hian Champion league ah Chelsea Penalty a hneh in United hi an Champion a ni.

United tana a Season hnuhnung berah pawh khan Premier League-ah a champion pui a, mahse Champion League Final-ah Barcelona  an ngam ta lo a ni. Hei bakah hian Ronaldo hian F.A Cup leh League Cup ah te Goal tam tak thun in a champion pui ve bawk a ni. United tan hian Season ruk a khel a, a chamchhung hian Alex a mit tlung em em in, Fans te lawm a hlawh em em bawk a ni.

 

United a chamlai chanchin dang te:

Kum 2006 a Ruud van Nistelrooy chhuah chhan kha Ronaldo nen an intih thiam loh vang niin an sawi a, mahse, Sir Ferguson hian Cristiano hi a duh zawk si a,  he thubuai chinfel loh vang hian Nistelrooy chu Real Madrid ah hralh chhuah a nita zawk a ni. Ronaldo  chuan "United hian min tan tlat a, chuvangin kei pawhin ka tan tlat dawn a ni." a ti.

United Fans au hla pakhat " Thers's only one Ronaldo" tih hla hian United a chamchhung a, a nih phung tur a hrilhfiah hle awm e, Brazilian Ronaldo nena khaikhin pawh an duh lo hial a nih kha.

 

United atang in Real Madrid ah:

Ronaldo hian United a chhuahsan hi a mak em em lova, a chhan niawm ber a sawi chu he Vala hian a lo Dream ve ber a nih vang a ni. United Fans ten an ui a, a ni pawh hian rilru nuam takin a chhuahsan bik lo a ni. Ronaldo hi Kum 2009/10 Season ah United hi chhuahsan nghe nghe in Real Madrid a pan ta a ni, Tichuan, Khawvel Khela manto ber a lo ni ta hial bawk a ni.

 

Real Madird ah pawh a duai lo hle:

He Portugal Tlangval hian tun Season Spanish League-ah Goal 17 khung der tawh, Top Scorer nihna a hauh mek a, chumai piah lamah chuan Real Kawr ha in Game 56 a khel tawh a, Goal 53 a khung tawh a ni.

Mahse, Khawvel Khela lar Lionel Messi nen an in hmachhawn reng a ngaih vak hian bukin a awm reng a ni. Ronaldo leh Messi hi tunlai khawvel te beng verh tu ber an ni a, Spanish Football khawvel pawh Khawvel ah a lar zual phah hle bawk a ni.

(Date 11/12/2010)

 

 

Categories: Sport

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments