HAKHOKHMA Post Post New Entry

HARAV Shalom Arus שליט"א

Posted by Moshe Ilan on November 18, 2010 at 8:20 PM

   Harav Shalom Arush hi kum 58 mi ani a, a nupui chu Rabanit Miriam Arush ani a, tunah hian Jerusalem khawpuiah an cheng mek a ni.


Rav hi 'Mosdot Khut Shel Khesed' a Rosh Yeshiva ani a, he Yeshiva hi Tshuva siam (piangthar) te Yeshiva ah chuan a lar ber pawl a ni a, amah hian Lehkhabu 20 chuang a ziak tawh bawk a, tin, lehkhabu lar em em 'Began Haemuna' (Rinna huanah chuan) tih ziak tu hi niin, tawng dang chi 6 a lehlin ani bawk a, he lehkhabu hi 600000 aia tam hralh chhuah tawh a ni. Tin, zan tin deuhthaw in Israel hmun hrang hrangah Shiur a pe kual thin bawk a ni.


    Kum 12 anihin a chhungte nen Morocco atangin Israel ah an lo pem lut a, tichuan a lo len deuh hnuah sipaiah Special Unit 669 (Airforce Guard) ah tangin Khovesh Mutas (Air Medic) ah a tang thin a, tichuan, sipai atanga a ban hnuin Reiyat Kheshbon a zir chho leh a, tichuan, a sipai tan lai kum 24 anih laiin Khermon hmuna an chuanna Helicoper a accident tumin a thiante engemaw zat chu an thi a, hemi tum hian Rav chuan 'ka kut hian mitthi te chu ka chawikang a, chu veleh ngaihtuahna thar neiin, enge ni thihna hi? Heihi mihringte tawpna chu maw lo ni? Tiin ka ngaihtuah ta a, engle khawle, Mathematics Proffesior pawh lo nita ila, tichuan a tawpah ka thi veleh tho anga, enge a sawtna awm ang? Millionaire pawh lo nita ila, ka thih hnuah enge sawtna awm ang ni? Tiin ka inngaihtuah ta chiam a, hemi zan hian ka thinlung chu a puahin a puakkeh chiang kher mai, ahma zawng zawnga mihringte nunna hi ka lo ngaihtuahna thin ang chu tuna ka thil tawn chuan min thlak danglam tir vek a, tichuan, ka ngaihtuah naah chuan Engkim siamtu hi a awm tak tak em mawn dawn le? Tiin, ka inzawt buai ta nasa mai a, ka bul hnaia awm ang maiin ka biain ani pawh chuan min ngaithla niin ka inhria a,' ati a.


    Heta tang hian Rav hi lo piangthar tain Tshuva chu a rawn siam chhova, tumkhat chu a bul hnaia mipakhat hian Rabi Nakhman miBrslev lehkhabu chu a keng a, chu chu a dil a, tichuan, chu lehkhabu hmang chuan P-thian a a rinna chu lo sawh nghet chho tain, a siamtu Lalpa P-thian lamah chuan a lo inlamlet nghet ta a ni.


   Rav hian Juda mipui tam tak, sakhaw mi lote tih piangthar hna hi a thawk ber a, ama zarah hian Juda tam tak ten Lalpa P-thian chu an lo hriat phah tawhin, ama hnuaiah leh a Yeshiva hnuai atang hian hmun hrang hrangah amah zuitu tam takte chuan Juda te tih piangthar hna hi an thawkin nasa takin hmun hrang hrangah hma an la nitin thin a ni.


Categories: People

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments