HAKHOKHMA Post Post New Entry

Rabi rual thukhawm

Posted by hakhokhma on November 16, 2010 at 5:40 PM

   Nizan khan Jerusalem khawpui ah Tsionut Hadati Rabanim rual chu an thukhawm a, hei hi tunlaia Israel PM  Netanyahu chuan Hakpaa dang tha thum chhung tih leh a tum chu thulh tir tum vang ani a, hetah hian hmun hrang hrang atangin Rabanim hrawl tak tak an kal khawm a, chung zingah chuan, Harav Khaim Drukman (Rosh Yeshivat Or Etsion , EX MP) te, Harav Yakov Shapira (Rosh Yeshivat Merkaz Harav) te, Harav Zalman Melamed (Rosh Yeshivat Beit El) te, Harav Yehoshua Shapira (Rosh Yeshivat Ramat Gan) te, Harav Yakov Madan (Rosh Yeshivat Har Etsion) te, Harav Yakov Yosef (Rav Ovadia fapa upa ber ) te, an ni nuk hlawm a, hei hi an tum ber chu tun hnaia hetia Bibi Netanyahu chuan America te nawrna laka a mei khup mai loh nan leh he thil tih tum hi nasa taka thulh tir tura mipui te na kohna ani a, hetianga Hakpaa tih leh zel a nih chuan tun lo pawh hi an la ti chhunzawm zel anga, atawpah Israel te ram thianghlim Lalpa tiam ram ah chuan kan hmelma Arab ho chu ram an la sahthlak dawn a, tichuan, hman kum 6 kalta a Gush Katif an pawhchhuah ang khan Yehuda leh Shomron hmuna cheng Juda mipui tam takte chu an in leh lo ata an la pawt chhuak leh dawn a, chuvang chuan tun hi huntha aniin chet a hun a ni an ti .


    Thusawi tu hmasa ber Harav Yakov Shapira chuan ,'Shas Party te hi Torah (P-thian thu) in kalpuina thuah za ah zain kan thlawp che u a, amaherawhchu, tunah hian Rav Ovadia lakah thutak thup suh ula, in tel lo chuan he tuna Sorkar in Hakpaa a tih tum hi a ti tlang thei dawn lo tih a chian avangin, nangmahnin in pharthla thei a, tuna thil an tih tum hi nangmahni kutah a innghat ani ,' ati.


    Tin, Rabanim te hian hetianga thil thalo a thlen hma tak tak hian mipui ten kan theihna chhuahin Israel rama tlang tin leh hmun tinah chuan awmhmun khuarin kalchhuah a hun ani an ti bawk, tin, Harav Shabtai Sabato pawhin tunah hian Gush Katif pawh chhuah anih atangin kum 6 a lo vei ta a, amaherawhchu, tun thleng hian kum 6 chhung hian Israel ramah ruahtui a tla mang lova, hei hi a chhan chu Lei lamah Hakpaa kan ti a, chuvangin Chunglam pawhin Van Hakpaa an ti a ni tih a sawi ve bawk.

Categories: Politics, News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments