HAKHOKHMA Post Post New Entry

Yom Kipur War Protocol

Posted by Moshe Ilan on October 6, 2010 at 7:50 PM

   Tunlai hian Yom Kipur War intan dawn ni a , Prime Minister Golda Meir ina ram hruai tute Committee na thu ziahna Protocol chu  haichhuak lehin an thil tih dik lohte an hmuhchhuah thar saka, chu chu hei hi a ni, khatih lai khan Hmar lamah Syria nen indo boruak chu a sosang nasa em em a, chutih rualin Chhim lamah Egypt lah an lo bang bik lova, amaherawhchu , Egypt chuan indo a ngam chu an ring lo bawk a, tichuan, ni 6.Oct.1973 Yom Kipur ni zing dar 8:00 chuan Prime Minister Golda Meir inah chuan Ram hrauitu thenkhatte leh Sipai lam hotute chu a rukin inhmuhkhawmna an nei a, hetah hian , khatih hunlai a Ramatkal (Chief of Army Staff) Dado chuan ram pum sipai bang tawhte chu Miluim tura kohkir a duh a, amaherawhchu, chutih laiin khatih hunlai a Rosh Aman Eli Zeira chuan indo boruak chu sosang hle mahse, chuti maiin indo hi a intan lovang , tin, Chhim lamah phei chuan Sadaat-a chuan keimahni min do hi a ngam tawh lova, chuvangin Syria chuan amah maiin min do lo tawp ang ati a, chuvangin Miluim koh pawh chu a hnial a, tin, Prime Minister lahin a ram sum leh pai hekna a ngaihtuah avangin a nawlpuia Miluim koh chu a hnial bawk a, tin, Defence Minister Moshe Dayan pawh chuan a nawlpuia koh a nih loh tal pawhin Air Force zawng zawng leh Ugda khat Chhim lama mi tur leh Ugda khat dang Hmar lama mi turin koh nital rawh se ati a, hei tal hi tihhlawhtlina a awm loh chuan banna a thehluh mai turzia pawh a sawi tel bawk a, tin, Eli Zeira leh Moshe Dayan te hian Miluim (siapai bang tawhte) hi a nawl puia koh a nih chuan hmelma ram ten indo turin mi an ngaih theih dawn avangin an duhlo ani.


    Tichuan, Miluim chu a nawlpui lo chuan Ramatkal duh loh dan chuan an ko na a, hetia Miluim an koh hi inpeihfel nan darkar 24 tal a duh a, amaherawhchu, hemi ni la la hian indo chu a lo chhuak ta siin , an rin loh tak mai leh Rosh Aman Zeira rinloh dan let der chuan Egypt ho pawh chuan an rawn do ve bawk si a, Sipai ho lah Yom Kipur ni chaw ngheia an chauh lai tak ani bawk si nen, tlem a tlemah Israel hruai tute duhloh zawng angin thil a thleng tep hman a, heti ema an rin sualna leh, a hun taka Miluim an koh lohna avang vel hian, tunlai hian Moshe Dayan leh Eli Zeira te hming chu a chhe hle a, tin Eli Zeira hi dan lam hremi ten a chungthu hi Court ah an putluh sak dawn bawk ani.


Categories: News, History

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments