HAKHOKHMA Post Post New Entry

Parasha chungchang tlem (BERESHIT)

Posted by hakhokhma on September 30, 2010 at 9:25 PM

    Kum tina Shabat tina Torah Parshiot hrang hrang kan chhiar chu a bu kan lo let leh ta a, Torah hi chi hnih kan nei a, Torah Shebeal pe leh, Torah Shebikhtav an ni a, Torah Shebikhtav chu ב (Bet) hawrawpin a intan a, tin, Torah Shebeal pe chu מ (Mem) hawrawpin a intan thung a, chu chuan בם (Bam) thumal a lo siam chhuak a, chu thumal chu 'Dvarim 6;7' na a 'Ve dibarta Bam…' (in sawi thin tur ani…;) tih lai nen khan kan Khakhamim te chuan hmehbelin Torah chu a chi hnih hian a sawi a sawi bawrh bawrh tur ani an lo ti a ni. Tin, Torah bu intanna chu ב aniin, a tawp kharna hawrawp chu ל (Lamed) ani thung a, chu chuan לב (Lev=thinlung) thumal alo siam leh a, hei hian a entir leh chu, Torah chu thinlunga neih tur niin ho lam taka neih tur anih loh zia a entir leh a, tin, Dvarim 6;5 (in thinlung zawng zawngin….) ti a inziak lai nen hmehbel a ni leh a, chu chuan Torah hmang hian a nei tupa Lalpa P-thian chu kan thinlung zawng zawngin kan hmangaih tur anih zia a lo entir lehta a, לב tih thumal chu number 32 nen alo inzat leh bawk a, chuchuan kan hnungzang ruh zat a entir leh a, hei vang hian Lalpa hming kan lam hunin he לב thumal nen a inhmehtir theih nan kan kun thin ta a ni. Engpawh nise tun Parasha atang hian Torah lamah thinlung tharin hawh u hma i han la thar teh ang u khai. 

Categories: Torah