HAKHOKHMA Post Post New Entry

Parashat Vaetkhanan- Parashat Yeladim

Posted by Shavei Mizoram on July 28, 2020 at 5:55 PM

Parashat Vaetkhanan

- Itzkhak Kawlni

"Khawpui lian tak tak leh mawi tak tak, in din ni hauh lo chu in nei dâwn a ni."(Devarim 6:10)

Mi hausa tak mai pakhat hian fapa pahnih a nei a. Pakhat chu Tzadik leh nun ngil tak mai, vartian atang a, zan lai thleng thleng aTorah zir a, a thinlung leh ngaihtuahna te Hashem rawngbawl duhna a khat a ni a. Pakhat ve thung chu sual tak mai, Torah leh Mitzvot te eng atan mah ngai lova, nungchang duh dah tak mai a khawsa thin a ni ve thung a.

Nikhat chu chu mihausa pa chuan a fapa sual zawk chu a kova, a hnenah "Ka fapa ngaithla teh …he khua-ah hian ram zau tak, hmun remchang, tha danglam bik tak mawi tak ka nei a, ka pawisa zawng zawng hi ka pe che ang a, chung pawisa te chuan chu hmunah chuan in mawi tak sa la, lal in ang a mawi huan mawi tak te nen, sum leh pai ren lovin, hrisel tak in I awm dawn nia" a ti a.

A fapa chuan mak a ti em em a, a pa hnenah chuan thinlung taka lawm in "Ka pa ka lawm lutuk a ni." tiin a chhang a.

Hna chu a tan ta nghal a, in sak lam a mi thiam ber ber te chu chhawr in sak dan tha leh mawi theih dan ang ber a sa tur chuan thu a pe a. Chu mai chu a la nilo, hmanrua te pawh a tha thei ang ber hmang turin a hrilh a, chumi hmun a hmanraw tha ber ber te chu sum ren miah lovin chu in mawi tak sak nan chuan an hmang ta a. Chu in ropui leh mawi tak lal in ang mai a din leh sak chungchang chuan khawpui chu a dengchhuak thuai a, chu khawpui a chengte chuan chu in sak mawi leh dangdai tak chu an thlir chamchi thin an reng a ni. Chu in ropui din leh sak chungchang chu, a unau pa Torah zir mek beng pawh chu a lo thleng ve ta hial a, a hun remchang hmasa berah a pa hnenah chuan kalin, "Ka pa duh tak, engvang a ka unau pa sual kawngzawh mek leh nun khawlo zawk chu kei aia I duhsak zawk theih tak mai le?" tiin a zawt ta tawp mai a. A pa chuan, "Min ring rawh ka fapa, ka thil tih hi ka hrechiang a lawm" tiin a chhang let a. A fapa pawh chuan zawh chhunzawm tawh chuang lo vin, Torah zir tur chuan a let leh ta a.

Mi hausa fapa naupang zawk chu a in ropui leh dangdai tak din leh sak chuan hma a sawn chhoh mek lai chuan, a hriselna a tla hniam sawt ta hle mai a. Hun kal tawh atanga a duh apiang ei leh in a, duh taka nun hmanga, nuam tinreng tawl a hun a lo khawhral thin na te chuan a taksa-ah nghawng nei in, a hriselna a tla hniam ta tial tial a, a tawpah phei chuan a boral phat ta hial a. A in mawi leh ropui din pawh chu peih fel in awm tawh mahse rim taka a thawh leh sak chu luah zo lovin a boral san ta a ni. Chu in mawi leh ropui pawh chu a u, mi hausa fapa upa zawk Torah zir hnenah chuan hlan ta a ni.

Chutiang thil a lo thlen takah chuan a fapa Torah zir zawk chuan a pa thil ruahman dan chu a hrethiam ta a. "Ka pa chuan a thil tih chu a lo hrechiang hle a ni. Tunah chuan thil pahnih ka hlawh chhuak ta zawk anih hi le, ka unaupa in harsa taka a thawh chhuah, hna thawk te enkawl thil awl ai lo tak te, he In mawina tur leh thatna tura a thil ruahman zo zai leh, rim taka a lo thawh zawng zawng te chu ka chan pual a lo ni ta sia. Chu ai pawh a ropui zawk chu, heng buaipui na a tel lova Torah tluang taka ka lo zir thei hi a ni. Hetiang in ropui leh mawi sa hian ka buai ngai ve ta se, Torah thuruk leh ril tak tak te hi ka zirchhuak thei dawn si lova. Tunah chuan thil pahnih khawvel pahnih atan hlawkna ka nei ta a ni e. Torah pawh ka zir thei a, In mawi leh nuam tha danglam tak ka nei ta bawk anih hi" tiin.

L-LPA P-thian chuan he khawvel-ah hian Israel hnam te chu Eretz Israel ah a hruailut a, chu ramah chuan engkim peihsa diam a lo awmsa chu a pe a ni. Ram an va luah chu Ram tha duhawm tak leh chu hmunah nuam taka an khawsak theihna tur chu.

Source : © Bulletin Shavei Israel 

https://www.facebook.com/TorahKhawvel

 

Categories: Parshat Yeladim, Khinukh, Education, Torah

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments