HAKHOKHMA Post Post New Entry

Parashat D'varim - Parashat Nashim

Posted by Shavei Mizoram on July 20, 2020 at 5:00 PM

D'varim

- Harel Kingbol

Thil dang zawng zawng aiin nupuite chu dah pawimawh hmasak ber a pawimawh zia chungchang sawi thawina kan Parasha-ah chuan kan hmu thei a: “L-LPA in P-thian'in he ram hi in pualah a pe che u a ni……. Amaherawhchu, in nupuite leh in fanaute tete leh in ramte chu in khua ka pek tak che u ah hian lo awm sela.” (Devarim 3:18-19) Hei hi Reuven leh Gad hnamte’n Jordan ral lehlamah ram chanpual an dil laia Moshe Rabeinu’in an hnena a sawi chu a ni. “….Hetah hian kan ran tan beram huangte leh kan fanaute tan khuate kan siam ang a.” (Bamidbar32:16) Tichuan Moshe chuan chu an tawngkam chu lo her danglam sakin ti hian an hnenah chuan a sawi ta a: “In fanaute tan khuate siam ula, in beramte tan pawh huangte siam ula.” (Bamidbar 32:24)

Rashi ngaihdan angin, Reuven leh Gad hnamte chuan an fanaute chungchang aiin an ranrualte chungchang an sawi lang hmasa zawk a, chumi atang chuan an fanaute ai chuan chung an thil neihteah chuan an rilru an pe zawk tihna a ni. Chuvangin Moshe chuan enge dah pawimawh hmasak zawk tur chu a hrilh ta hlawm a. In fanaute tan khua siam phawt ula, chumi hnuah chuan in rante tan huang chu inseam dawn nia tiin. Anni ho pawh chuan Moshe thurawn chu pawmin an thiltih dik loh chu an siam tha ta nghal a: “Kan fanaute, kan nupuite, kan beram rual te, kan ran rual zawng zawngte chu Gilead ram khuaahte hian an lo awm ang.” (Bamidbar32:26)

He tah pawh hian thil siam that ngai ala awm ta cheu mai, a chhan chu an nupuite aia an fanaute an dah hmasak zawk avangin. Chuvangin Moshe chuan in nupuite chu a hmasa berah in dah tur a ni, tiin mahni kawppui te chu eng thil ah pawh nise dah hmasak ber tur anni tih in a hrilh ta hlawm a.

Ni e, kan fanaute pawh chu an hlu em em a, kan thlah kal zel tur chhunzawmna tur anni bawk, mahse nupui pasal inkara inkungkaihna aia thuk leh pawimawh chu a awm chuang lo a ni. “Chuvangin mipain a nu leh pa a kalsan ang a, a nupui a vuan ang: tichuan tisa pum khat an lo ni tawh ang.” (Bereshit 2:24) Nupui leh pasal inkungkaihna a tir atanga siamtu duan anih tlat avangin: “Mipa leh hmeichhiaah an siam a ni.” (Bereshit1:27)

Mipa leh hmeichhia awm dunna ni lo thil reng reng chu thil tak tak ni lo vek anni… engkim siamtu P-thian pawh mipa leh hmeichhia awmdunna ah lo chuan a awm ngai lo a ni. Malsawmna chu mipa leh hmeichhia an awm dunna hmunah chauh a ni a awm thin ni, ziak a kan hmuh angin: “Mal a sawm an hmingah chuan mihring tiin a vuah a.” (Bereshit5:2) Mal a sawm a, a hmingah chuan mihring a vuah ta a tiin a inziak lo a, mipa leh hmeichhia an lo pumkhat hunah chiah chuan mihring tiin koh anni.(Zohar 1:55b)

P-thian chuan mipa leh hmeichhia nupa a an lo insiam chiah chuan fanau tam tak an lo neih theihna turin thiltih theihna nasa tak a nei a. Hmeichhia chu nau paia chu mi niah ngei chuan nau pawh hring nghal theih turin thiltih theihna a nei bawk a ni. Mahse chu chu P-thian thil duh ber ni lo vin nupa te chuan fanau te tih buaina engmah tel lo vin hun hlimawm tak an hman ve phawt chu P-thian duh dan zawk a ni. Chuvangin nupa an inneih chuan a lo berah thla kua (9) chhung chu nupa chuan fa an nei thei rih lo phawt a (hmeichhia chu an inneih thlaah rai nghal pawh nise, thlakua chhung nau a pai angai tho). Chumi hnuah chuan fanaute lo neiin an lo thang lian chho ve zel a, anmahni ngei pawh chuan nupui pasalte neiin fanaute an lo nei ve leh a chhungkaw thar chu an din/siam ve leh thin a ni. Chu thil kalkual chho zel dank an en chan nupate chuan fate neiin an lo thanlen a an lo puitlin hnuah chuan an fanaute chuan in hrangte lo changing a tawpah chuan nupui leh pasal chauh chu an awmdun leh tho thin a ni. Chuvangin Moshe chuan chiang taka sawiin mipa tan mahni career ai mahin fate an pawimawh zawk ang hialin chu aia la pawimawh leh zawkah chuan thil dang zawng zawng aiaa pawimawh ber chu nupui te hi an ni.

Source : Bulletin Shavei Israel

 

Categories: Parshat Nashim, Khumash, Khinukh, Education

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments