HAKHOKHMA Post Post New Entry

Hrehawm ni chhung a dan zam te (Hilkhot yemei bein hametzarim)

Posted by Shavei Mizoram on July 12, 2020 at 10:55 AM

Hrehawm ni chhung a dan zam te (Hilkhot yemei bein hametzarim)

- Itzkhak Kawlni 

Rimawi ngaihthlak leh tum, Inneihna, thil thar neih lawmthu sawi, inmeh, phiar leh thui, thawmhnaw suk, thil lei, sa ei leh wine in, torah zir leh a dang dang te hi heng hun hrehawm ni dan te hi zira hriat a tul a ni.

(Yilkut Yosef kalphung ang in)

Heng dan te hi Tammuz ni 17 atanga Av ni 9 thleng dan te an ni a, then li a then niin lak urhsun telh telh thin a ni.

Then khatnna : Tammuz ni 17 atanga Rosh Khodesh Av inkar chhung

Then hnihna : Rosh Khodesh Av atanga Tisha be'Av thlen hma kar

Then thumna: Tisha be'Av thlen kar atanga Av ni 9.

Then lina : Tisha be'Av

Bein haMetzarim hun chhung hian thil phallo, Asur thenkhat a awm a, chung te chu Lusun Minhag (custom) vang te an ni a, tin Hrehawm tawrh ni chhung ah pawh a hunbi a zirin a danglam leh a, a hnuaiah hian a hrilhfiahna kan rawn tarlang ang:

(Hriattur pawi mawh: Kum 5775 kum khan Tisha be'Av thlen hma karah khan dan leh dun a awm lova, a chhan chu Tisha be'Av Shabbat ah tla in Yom Rishon a sawn a nih vang a ni.)

Khazal, Torah mithiam ten dan an lo siam ropui tak chu, Minhagei Avelut ngei ngei tura Mitzvah emaw damlo leh mahmawh tul a an lo nemnghet nghal lo hi a ni. Mitzvah emaw damlohna emaw tul mamawh thilah te chuan Minhagei Avelut a awm lo tihna a nih chu, a hnuaiah hian dan (Lusunna dan) chim chiar rawn tarlan a ni ang.

Inneih na:

- Minghag thenkhat ah chuan Tammuz ni 17 atanga Av ni 9 thleng inneih a ni ngai lo.

- Sefardim leh Edot haMizrakh Minhag dan bulthut ah chuan Rosh Khodesh Av thleng inneih theih a ni a, mahse Rosh Av atanga Av ni 9 inkarah erawh inneihna ruahhman a ni ngai lova, Rosh Khodesh Av-ah pawh phal a ni lo.

- Tlangval Peru' urevu Mitzvah la hlen lo tan chuan dan bulthut rin chhan in Bein haMetzarim lai hian nupui a nei thei a,amaherawh chu tih loh htram tum thin a ni a. Mahse Rosh Khodesh Av atanga Tisha be'Av inkarh rawh phal a ni lo.

- Tihdan kal phung zawng zawngah chuan, Nupui pasal inthen inkawp rem tir leh erawh phal a ni reng a, hlimna belhchhah zawnga ngaih a nih kher loh vang in.

- Dal bulthut rin chhan in Motzaei Tisha be'Av ah nupui pasal neih theih a ni.

Birkhat Shehekheyanu:

- Bein hametzarim chhung te hian, thawmhnaw emaw thei tharah Birkhat shehekheyanu sawi a thiang lo va. Birkhat Shehekheyanu sawi a nih loh chhan te chu: Heng nite hi chhiat na rapthlak thlen n ani te leh Am Israel te chunga hun hrehawm thlen ni te an nih vang a ni. Chuvang chuan thei thar ei loh hram tum thin a ni thin a, ei a nih chuan Birkhat Shehekheyanu sawi ngei a ngai dawn si a.

- Chutiang bawkin thawmhnaw thar in bel pawh Bein haMetzarim hunlai in a ni ngai lova, Thawmhnaw thar inbel te chuan Birkhat shehekheyanu an sawi a ngaih vang in.

- Mahse Bein haMetzarim chhunga Shabbat niah erawh Shehekheyanu sawi theih a ni a, mahse Tisha be'Av thlen kar Shabbat-ah erawh lak urhsun a sawi ngei ngai dinhmuna in dah loh hram a tha.

- Mitzvah neihna hmunah erawh chuan Khaz"al ten Lusun Minhag a phalloh na dan an zem lova, chuvang chuan, Brit Mila, Pidyon haben etc angah te chuan Birkhat Shehekheyanu sawi theih a ni.

- Damlohna chungchangah pawh Lusun Minhaga phallohna dan an zem lova, chuvang chuan damlo emaw raipuar te chuan an thil ei chak thei te chu an ei thei a, chutiang bawkin Birkhat shehekheyanu an sawi thei. Tin, naupang Bein hametzarim leh nidang thliar hrang thiam loh an la nih chuan, Birkhat shehekheyanu an sawi thei.

- Miin Bein haMetzarim hun lai a ni tih theih nghilh a, thei thar ei a, Birkhat Shehekheyanu a sawi a nih chuan, brakha a lo thlawn a sawi lohna turin tlem te a ei ang a, Tisha be'Av zawhah a dang chu a ei chhunzawm ang.

- Thei thenkhat Tisha be'Av zawha hmuh tur awm tawh lo a nih chuan, Bein haMetzarim lai hian, ei phal niin, Birkhat shehekheyanu sawi theih a ni a, chutiang dinhmun chu tul leh pawimawh a ngaih a nih vang a ni a, Shabbat a Brakha sawi a, ei chu a tha zawk a ni.

- Thei chuan a tuina a hloh dawn a nih chuan, Shabbat nghak kher lovin, Bein haMetzarim lai chuan a ei thei.

- Tisha be'Av ni 10 thleng a thawmhnaw thar leh thei thar vanga Shehekheyanu sawi lo tur dinhmun a in dah chu thil tih dan dik a ni.

Rimawi ngaihthlak leh tum:

- Bein haMetzarim hun chhung zawng zawngah hian P-thian fakna hla rimawi ngaihthlak loh hram tum tur a ni a, Lengzem leh dang phei chu a ni leh zual a, Radio emaw Disk/mp3 hmang te pawh in. Chutiang bawkin instrument (tingtang, phenglawng, piano etc) hmanga rimawi tum pawh phal a ni lo.

- Mahse kan Khaza"l te chuan Mitzvah awmna hmunah Lusun Minhag hman tur tiin thuthlukna an siam lova, chuvang chuan, Seudot Mitzva awm na: Brit Mila, Pidyon haben, Bar mitzvah, Khatuna, Masekhet zirzawh leh Torah lawmluhnaah te chuan hla thianghlim saka, Rimawi tum phal a ni. (Amaherawh chu Azkenazi Custom-ah chuan lak urhsun leh zual ni in, Music ngaihtlak leh tum te chu Mitzvot awmna hmunah pawh tih a ni ngai lo.)

- Brit Mila neih hma chiah zana Seuda buatsaih thin chu "Brit Itzkhak" ti a koh a ni a, Seudat Mitzvah anga ngaih a ni lova, rimawi tum erawh phal a ni.

- Miin a channa tur a nih chuan Khazal te chuan Minhag Avelut a hmang ngei tur a ni tih dan an zam lova, chuvang chuan mi in a eizawnna a Rimawi tum a nih chuan, Juda ni lo te bulah chuan phal a ni a, Tisha be'Av thlen hma kar thleng phal a ni. Amaherawh chu Yehudim te hmaa Rimawi tum thin a nih chuan, Tammuz ni 17 atang khan Tisha be'Av thleng phal a ni lo.

- Rimawi tum zirtir tu tan chuan channa thil a nih theih dawn chuan, an zirtir chhunzawm thei a, Tisha be'Av thlen hma kar thleng phal a ni a, a chhan chu mawhmawh leh chan thei dinhmun a ding an nih vang in. Engpawh nise, Rosh Khodesh Av atang chuan lak urhsun tur a ni.

- Kaytanat Yeladim, Naupang tana programe siam na hmunah chuan Music tel lova enkawl an harsat vang in Music play theih a ni.

- Rimawi tumna bungrua tel lova zai phal a ni, ni pangai emaw Shabbat pawh nise hlauhthawn tur a awm lo.

In meh:

- A dan bul thut behchhan chuan, Sefardim te tan sam meh leh hmuimul meh te chu Tammuz ni 17 atanga Tisha be'Av thlen hma kar thleng phal a ni a, mahse Tisha be'Av thlen karah atanga Av ni 9 thleng hmuihmul leh sam meh phal a ni lo.

- Hmuihmul in thil ei a tih buai chuan, han tan/che thlak phal a ni a, Tisha be'Av thlen karah pawh a theih.

- Khaza'l te chuan hmeichhe sam meh phalloh dan an zam lova, chuvang chuan hmeichhia te chuan Bein HaMetzarim ni te chuan sam an met thei. (mamawh leh tul thil, mikveh kal hma, sidukh ang chi ah te phei chuan phal a ni tih a chiang leh zual)

- Hmun thenkhat Bein haMetzarim laia hmuihmul leh sam meh lohna hmuna, Minhag Avelut chu chu mi hmun kal dan ang a, an zawm ngei ngei tur thu an lo zam lo bawk a. Chuvang chuan Brit Mila a chanpual nei – Mohel, Sandak, Avi haben te leh, Mo neitu in inneih niah leh sheva brakhaot neih hun chhung niah te, naupang a bar mitzvah niah te chuan Mitzvah a nih vang in inmeh an thei am Mahse Tisha be'Av thlen karah erawh an Rav tee maw an zawt a nih chuan, inmet lo turin an ti ang a, amaherawh chu an inmet duh an nih tho erawh chuan, phal niin tan chhan tur dang an nei.

- Miin Meeting pawimawh khawvel mi ropui nen te lo nei ta na, inmeh fail ova mawi lo thei a nih chuan, Sandak emaw nih tum hram se, a inmeh theih na turin.

- Puitlung ten naupang sam an met thei a, chupawh chu Tisha be'Av thlen kar thleng in.

- Bein haMetzarim nite hian sam khuih phal a ni.

- Bein haMetzarim nite hian kut tin hleh phal a ni.

Lam (disco)

- Bein haMetzarim nite hian lam phal a ni lo.

- Bein haMetzarim nite lam phal loh a nih ang bawk hian, music tel lova lam pawh phal a ni lo.

Thui/phiar

- Thil thui, tan, phiar leh tah a thawmhnaw thar siam te hi Tisha be'Av thlen hma kar atang in phalloh a ni.

- Pawimawh leh tul ang chi entirnan: Mi a thawmhnaw tet thui, kawrkilh tla ang te chu siamthat theih a ni.

- Eizawnna tana thil phiar leh thui mi chuan Tisha be'Av thlen hma kar thleng an tan phal a ni.

- Pheikhawk siam thin chuan, Pheikhawk thar Tisha be'Av thlen hma kar thleng a siam thei a, tin, Pheikhawk siamthat emaw phal reng a ni.

Inbual

- Dan behchhan berah chuan, Tisha be'Av ah chauh insil phal loh a ni na a, khawi hmunah pawh Tisha be'Av thlen karah chuan an inbual tawh lo.

- Tisha be'Av thlen kara Inbual phalloh na dan chu:

Sefardim: Tui lum inbual phal loh, tui dai pangngai erawh phal.

Azkenazim: Tui lum emaw a dai pawh nise phal loh.

- Insil leh inbual phalloh hi Tisha be'Av thlen kar niin, taksa nawmsak zawk na tur a inbual chiah khap a ni a, taksa thlan nasa emaw rim hnim nuam lo chi mamawh leh tul a ngaih niin, insil fai phal a ni.

- Kan Torah Mithiam te chuan Mikveh a kal phalloh dan an lo zem lova, chuvang chuan Mipa te pawh Mitzvah nen a inkungkaih thilah chuan Mikveh an kal thei a, taksa nawmsaknan a inbual anga ngaih a ni lo.

- Dam lo chungchangah pawh inbual phallohna dan kan Khaza'l ten an lo zam lova, chuvang chuan dam lo emaw nu naupai te chu tui lum pawh in an inbual fai thei a ni.

- Hmeichhia te chu Tisha be'Av thlen karah pawh an inbual thei a, Khaza'l ten phalloh na dan an lo zam lo va, mipa ah chauh an zam a ni. Chutiang bawk in Mikveh a inchiah ah buaina tur a awm lo.

- Naupai thla kua na emaw nau nei te chu tui lum in an inbual thei a, nawmsak duh vanga inbual angah ngaih a ni lova, an hrehawm tawrhna tih nep deuh sak zawk ang a ngaih a ni zawk.

- Bein haMetzarim hun chhung te hian insil fai phal a ni.

Insuk leh thawmhnaw suk fai sa hak:

- Khaza'l te chuan Tisha be'Av thlen karah thawmhnaw suk fai sak hak an khap a, a chhan chu thawmhnaw suk fai hak chuan hlimna leh nawmna a thlen ve vang in a ni. Chuvang chuan, Tisha be'Av thlen hma darkar engemaw zat awmah thawmhnaw hak duh zawng zawng te chu reilo te te lo hak lawr thin a ni.

- Naupang thawmnaw te pawh Tisha be'Av thlen karah suk phal a ni lo.

- Thawmhnaw chauh suk phal loh a ni lova, lukhum te, dawhkan khuhna puan te pawh suk phal a ni lo.

- Mut puan phah that pawh Tisha be'Av thlenkarah phal a nilo.

- Court Suit Shabbat ni a hak tur engemaw a kai palh bal a nih chuan a silfai theih a, Mitzvah tana mamawh leh tul ang a ngaih a nih vang in.

- Thawmnaw chhungril ho: Tawnzau, kekawrte, mawza naupang thawmhnaw hak tur dang a awm dawn loh chuan, Tisha be'Av thlen karah a suk theih.

- Thawmhnaw sukna a hna thawk, eizawnnan a hmang an nih chuan, Talmid Khakham bulah engtianga tih tur nge ti a rawn tur a ni.

- Tisha be'Av thlen hma kara thawmhnaw a lo hak lawk zeuh chu Tisha be'Av thlen karah a nawt mam thei.

- Pheikhawk siai hnawih te pawh Tisha be'Av thlen karah a a theih a ni.

Sa ei leh Wine in:

- Rosh Khodesh Av atang in Tisha be'Av thleng sa ei Asur a ni.

- Rosh Khodesh Av a sa ei erawh phal a ni a, mahse Rosh Khodesh a sa ei bang te pawh a tuk a tang in phal a ni tawh lo.

- Dan bul thut angah chuan, Sa ei lovin a tui ringawt chu ei theih a ni a, mahse hetianga ti lova lak urhsun zawk thin a ni a, Arsa tui thleng in.

- Sa siamna belah erawh eitur siam theih a ni.

- Khaza'l ten Bein haMetzarim hunlai in Mitzvot awmna ah pawh Minhag Avelut angai tiin dan an zam lova, chuvang chuan, Seudot Mitzvah: Brit, Pidyon haben, bar mitzvah, khatuna, sheva brakhot, sium masekhet ah te chuan an mi sawm te chuan sa an ei thei a ni.

- Chutiang bawkin Shabbat tana rawng bawl te chuan lo tem zeuh chu Mitzvah tul anga ngaih niin phal a ni.

- Chubakah Brit mila na tura neitu chan chang ho: Mohel, Sandak leh naute pa te chuan, Seudah an neih niah sa an ei thei a, chumi ni chuan an mahni in ah mahni pawn ei thei Mitzvah a nih vang in.

- Miin Masekhet a zir zawhah Seudah a siam thin a nih chuan, Seudah chu sa telin a siam thei a, midang pawh a sawm thei bawk a, a sawm te pawh chuan sa an ei thei a, Mitzvah ang a ngaih a nih vang in.

- Shabbat Khazon emaw Rosh Khodesh Av a sa ei ban te Motzaei Shabbat emaw Rosh Khodesh ralzan a ei a thiang tawh lova, amaherawh chu la zam an awm ve thin bawk a, chutiang a ti te chu khap tur an ni lo. Engpawh nise, Seudat Revi'i ah Mitzvah a tel vang in ei theih tho tiin tan chhan a awm thei.

- Khaza'l te chuan dam loh chungchang ah Bein HaMetzarim lai a sa ei phalloh hrim hrim na dan an zam lova. Chuvang chuan, dam lo hlauhthawn awm lo te, nau nei te, hnute pe lai te, sa an ei loh chuan hnute tui awm lo mai tur ang chi te, rai puar hrehawm tuar te, hnute pelai chau ngawih ngawih te, sa tello va an hrehawm dawn chuan sa ei phal a ni. Engpawh nise din hmuna zir zela Talmid Khakham zawh thin tur a ni.

- Miin tihsual palh vang in Sa telna lo brakha tase, tlem te a ei tur a ni a, Brakha a thlawn a sawi loh nan.

- Naupang te chu Rosh Khodesh Av zawhah pawh Sa an eitir theih a, kum 12 chunglam chu zirtirna pek nan lak strict a tha.

- Tisha be'Av thlen karah Wine in a nih tawh ngai lova, la urhsun leh zual chuan Rosh Khodesh Av atang in. Engpawh nise, Havdala naa Wine erawh in phal a ni a. Zu pangngai erawh Bein haMetzarim lai hian in phal a ni.

- Beit HaMikdash hal mei alh te chu a tuk Av ni 10 thleng a awh vang in, Av ni 10 ah pawh hian, Sa ei leh wine in an la ti ngai lo a ni.

Hlimna (thil lei leh hlima hawi zawng a in sak )

- Engtiklai pawn hlim tur a ni a, mahse Av thla zuan kai chuan tlem a tih tlem tur a ni.

- Rosh Khodesh Av atanga Tisha be'Av thleng chu hlimna tih tlem tur a ni a, hlimna lam hawizawng inremna thil ziah dun te, Inneihna tur bungraw lei te, tlereuh lei te, thawmhnaw thar thui, a bik takin inneihna a mi tur phei chu.

- Chan mai tur leh Mahmawh tul ang chi thilah chuan Khaza'l ten phalloh bur na dan an zam lova, an phalloh chu Inneihna tur hmanrua: tlereuh te, thawmhnaw etc te, Tisha be'Av zawha lei thei tho an nih chuan. Mahse Tisha be'Av zawha an hmuh tawh loh tur ang chi emaw a lo to lawih tur ang chi te, Tisha be'Av zawh veleh a innei tur te chutiang din hmunah te chuan Bein haMetzarim nit e hian phal an ni, a chhan chu chan theih thil leh mamawh tul ang angaih an nih vang in.

- Furniture thil te pawh lei theih an ni a, hlimna hawi zawng a insawi remna thil ang a ngaih a nih loh vang in.

- In cheimawi leh zauh belh te chu phalloh an ni a, mahse hlimna hawi zawng ni lem lo, Contractor in Israel rama in sak belh ang chi emaw in a chep vang a naupang room tur zauh belh te chu tul leh pawimawh ang a ngaih an nih vang in phal a ni.

- Chutiang bawkin Hnathawh nana pawimawh tur a nih chuan Motor lei phal a ni a, Len thawven na tur a tan a lei chu phal a ni lo. Mahse a tlawm hun lai, Tisha be'Av zawh a nghah vanga to chho thei an nih chuan, tul leh mamawh, chan theih ni bawk si ang a ngaih niin lei theih a ni.

- Rosh Khodesh Av atang in in rawng hnawih phal a ni lova, Beit K'neset bang rawng hnawih chu Mitzvah ang a ngaih a nih vang in phal a ni.

- Tlak dal siam phal a ni a, Tisha be'Av niah pawh siam phal ani, Mitzvah a nih vang in.

Categories: Taaniot, Chawnghei, Judaism, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments