HAKHOKHMA Post Post New Entry

Parashat Nashim : Massei

Posted by Shavei Mizoram on July 12, 2020 at 10:35 AM

Parashat Nashim : Massei

- Harel Kingbol

 

Kan tunlai khawvel ah Israel ram duhna leh ngainat na mite rilruah lo lian zelin chung zingah chuan a bik takin hmeichhiate anni leh zual. Buaina leh hrehawmna tamtak a ramah a awm thin na chung pawhin Israel ram hmangaihna leh duhna chu rilruah nghet taka intuh zelin chumi avang chuan kan nu Rakhel phumna hmun Beit-lekhem te chuan rilruah hmun pawimawh lo chang chho zelin min thlah tute lu phumna hmun Khevron pawh chu harsa tak leh buaina nasa tak hnuaiah pawh Israel fate chuan kan la chhuahsan duh miah loh anih hi.

 

Heng rinna chak leh huaisen tak hi engtin nge hmeichiate chuan an neih theih? Pa (leh nu) thiltih chuan fateah nghawng a nei. (Ramban, Bereshit 12:6) Keini hote chu min thlah tute thlarau chhunzawm zeltu kan ni a. Min thlah tu hmasa te thlarau chu keini ho chuan kan chhunzawm zel a ni.

 

Chutiang bawkin he ram kan ngainat na leh duh em em na chhan chu Tzelafkhad fanute thiltih rah kal zel ani bawk. Mipui nawlpui tam zawk te’n Israel ram an ngainat na alo reh lai pawhin heng Tzelafkhad fanu pangate chuan Israel ram an duh zia leh an ngainat zia nasa taka lantir rengin Israel ram chhungah ngei chuan chanvo an la dil zawk a. Chu thlarau dinhmun sang tak an neihna chuan he ram thianghlim ngainat na hi tun thlengin kan la neih phah zel a ni.

 

Thil chiang lo alo awm ta, Tzelafkhad fanu pangate chuan mipa an duh zawng hnam dang mi chu pasal atan an nei thei nge anmahni hnam mi ngei chauh chu pasal atan an ei tur: “Tzelafkhad fanute chungchang thua L-LPAN thu a pek chu heti hian a ni, 'tha an tih apiang nei sela, amaherawh chu an pate hnampui zinga mi ngei an nei tur a ni,' tiin. Chutichuan Israela thlahte ram chu hnam dang dang hnenah sawn sawn a ni lovang. Israela thlahte chuan an pi leh pute hnam ram chu an chang reng tur a ni.”(Bamidbar36:6-7)

 

Shmuel chuan ti hian a sawi a, Tzelafkhad fanute chuan an duh zawng mi chu hnam dang pawh nise pasal atan an nei thei, ziak anih angin: “Tha an tih apiang nei sela”. Anih chuan engtin nge he thu, “…amaherawhchu an pate hnampui zinga mi ngei an nei tur a ni tih hi kan hriatthiam theih ang”? An duh apiang zawng nei thei tho mah nise an tana tha ber tur in Torah/Bible chuan anmahni milpui chauh chu nei thei turin thurawn a pe a ni.( Baba Batra 120a)

Tzelafkhad fanute chu anmahni hnam ni kher lo pawh pasal atan an nei thei a. Amaherawh chu an ram chanpual chu a bo/hloh lohna turin anmahni hnampui ngei chu pasal atan nei turin thurawm pek anni.

 

Anmahni milpui, an pasal tur atan anmahni hnam ami ngei an nghah theih avang chuan Tzelafkhad fanute chu Talmud lamah chuan nasa takin fak leh chawimawi anni a. “Anmahni milpui tur ngei pasal atan an neih theih avang chuan anni ho chu mifel leh tha tak anni. Rabbi Eliezer Ben Ya’acov chuan ti hian zirtirna a pe a, an zinga a naupang ber pawh chuan ama milpui tur a nghah avangin kum 40 thleng a nghak a ni….”(ibid 119b).

 

Mi thenkhatte chu dilna leh ngenna kan neih reng reng hian mahni tana hlawkna tur awm miah lo vah chuan kan inrawlh buai peih lo thin a. Chutiang mi chuan atana hlawkna tur leh tangkaina awm lo vah chuan engmah a ti duh thin lo. Tzelafkhad fanute chuan an thil ngen chu anmahni tan ni lo vin an pa hming a daih lohna atan tiin ngenna an siam a. An duh ber chuan pa hming chuan he khawvelah hian thil engemaw hnutchhiah ve ngei chu a ni. Hnam dang mi pasalah lo nei ni tase chu an pa pual a an chanvo dil ve chu kumkhua atan chan thei leh hloh thei pawh anni. Chuvang chuan ti hian ngenna an siam ta reng a, “Fapa a neih loh avang maiin engah nge kan pa hming chu a thlahe zing ata a bo vang?”

(Bamidbar27:4).. anih chuan an thil ngen dan atang hian anmahni hming liau liau chuan ram/chanpual chu an dil hauh lo mai. An duh ber an pa hminga an chanpual neih ve a bo lohna tur chuan anmahni milpui tur pasal nghak chuan fa an nei thei tawh lo mai anga tih thleng pawhin rinawm takin an pa hming bo loh nan chuan an nghak thei a ni a, chuvangin an dil leh ngenna chu anmahni tan ni lo vin midang tan a tha leh tangkai zawk ngei a ni tih chiang takin kan hmu thei a ni.

 

Tzelafkhad fanute chuan ram chu a chi/hnam a zir zelin in luah ang tih thu an han hriat ve chuan ti hian thu an sawi ve ta a. P-thian zahngaihna leh khawngaihna chu mihringte zahngaihna leh khawngaihna ang a ni ve lo. Mihringte chuan mipa zawh-ah hmeichhia emaw hmeichhia zawh ah mipa emaw in zahngaihna leh khawngaihna an lantir thin a, mahse P-thian erawh chuan mipa leh hmeichia inang chiah in zahngaihna leh khawngaihna in a en thin. Mi zawng zwng chungah zahngaihna anei a ni, kan hmuh angin, “L-LPA chu engkim chungah pawh a tha a ni; A lainatnate chu a thil siam zawng zawng chungah a awm a.” (Sifri, Pinchas 2 quoting Tehillim 145:9).

 

Sarah Yehudit Schneider chuan ti hian a sawi a, Tzelafkhad fanute chungchang chuan Israel fate thlalera an vahvaihna chungchang tawp a rawn khar a hei hian min zirtir chu tlanna famkim lo thlen theihna tur chuan Tzelafkhad fanute ang hian hmeichhiate hian inpumpekna leh tih tak meuh va Israel ram tana kan inpumpekna hi chu tlanna famkim lo thlen theihna tur chu a ni, tiin.

Source: https://www.facebook.com/TorahKhawvel

 

Categories: Parshat Nashim, Khumash, Shabat

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments