HAKHOKHMA Post Post New Entry

Parashat Nashim : Matot

Posted by Shavei Mizoram on July 12, 2020 at 10:25 AM

Parashat Nashim : Matot

Harel Kingbol

 

Parashat Matot chuan hmeichhiain atana thil harsa lutuk turah thu a intiam anih chuan chu a intiamna lak ata apa chuan chu thutiam chu a sut/nuai reh sak theih chungchang min zirtir a.

 

“A pain a hriat ni ngeia a phal loh erawh chuan a thutiam emaw a intiamkamna emaw ata chu a fihlim ang a, a pa'in a phal loh avangin L-lpa’n ani chu a ngaidam ang. ”(Bamidbar30:5) Pasal a neih hnuah chuan a pasal chuan a thutiam chu a sut sak thei bawk. “Amaherawhchu a pasalin a hriat nia a thiat emaw, a tih bosak emaw chuan a thutiam leh a intiamkamna chu sut a ni tawh ang.” (Bamidbar 30:12)

 

Mipa in a nupui eaw a fanu emaw thutiam a sut sak theihna dan chungchang hi engtia sawifiah thur nge ni ang? A thutiam tu ngei pawhin a sut theih lo laiin enga ti nge a pasal emaw a pa emaw chuan chu thutiam amah ngeiin in a tiam chu a sut sak theih? Torah hian hmeichhiate hi dinhmun hniam lutukah a dah tihna em ni, mahni leh mahniah pawh mawhphurhna la thei lo leh tlak lo khawpah Torah hian hmeichhia chu a dah tihna em ni?

 

Tunlai khawvel thiamna leh ngaihdan hmangin Torah thupek te hi dodalin hnialh kalh thin pawh ni ila, Torah ropuina leh chungchuanna chuan chung khawvel mite ngaihdan leh duh dan zawng zawng chu a hmakhalh miau si. Torah thupek reng rengte hi hetia mihring finna atanga kan hmuh leh hriatthiam dan mai piah lamah hian awmze ril zawk leh that zawkna tamtak alo nei zel thin. Chu vangin Torah hian hmeichhiate hi engtianga hlu leh pawimawhah nge a dah tih hi mihring taka thlir chuan hriatthiam pawh a har thin reng a ni.

 

Torah thupek danah chuan miin thu a tiam tawh anih chuan awlsam taka sut leh mai theih ani lo. Chuvangin vawiin niah chuan miin a hriat miah loh leh ngaihtuah chiang mang lo a thu alo tiam tawh a tih hlawhtlin tak lo si/theih si loh turte nuai bon a turin Kol Nidrei ah thutiam sutna kan nei thin a. Chumi kal tlang chuah chuanin tum reng vang ni lo leh ngaituah chiang mang hlei lo a kan thutiam kan ti hlawhtlin tak si lo ho lak atang chuan ngaihdamna kan chang thei a ni. “L-lpa’n ani chu a ngaidam ang” tih thu ah hian hmeichhia chu a thutiam sutsak anih tawh tho si chuan enge ngaihdam chu a ngai kher em ni tiin Rashi chuan zawhna siamin ti hian a sawifiah a.

Hmeichhia'in thu a tiam anih chuan Nazarite lo niin chu chu apa in a hriat chuan a fanu hriat miah loh chuan chu thutiam chu alo sut sak a. A fanu hriat miah lo chuan a thutiam chu lo sutsak pawh ni mahse a fanu chuan chu thutiam chu la awm rengah ngaiin a rilruah chuan chu thutiam avang chuan engemaw effect ala awm tho a ni.

 

Chuvangin apa in a thutiam chu a sutsak ani tih a hriat miau loh avang chuan chu thu alo tiam tawh ang tih hlawhtlin tuma theihtawp alo chhuah na avang chuan ngaihdamna chu a mamawh a ni. Mi a thutiam sut leh pawhin ngaihdamna a mamawh anih chuan thutiam sut leh si lo tan phei chuan engtianga nasa nge ngai ang. (Rashi, Bamidbar 30:6)

 

Hmeichhe thutiam sutna chuan hremna te tibo vek tho mahse, chu chuan thu alo tiam tawh lak atang chuan a ti fihlim chuang lo. Ti hian sawi ta ila, hmeichhia chuan sa ei tawh lo vin tuna tang chuan vegetarian ka ni tawh ang tiin thu a tiam ta a. A pasal chuan a nupui thutiam tawh chu a sut sak thei alawm tih avangin a nupui chu sa ei turin a nawr lui thei chuang lo. A pasal mawhphurhna chu a nupuiin a thutiam avanga hremna a dawn lohna turin tihpalh thil thuah a nupuiin sa a ei lohna tura ven zawk chu a ni.

 

Engpawh nise, thutiam zawng zawng chu apa emaw a pasal pawh nise a sut sak thei vek lo a ni. Rabbi S.R. Hirsch chuan pasalin a nupui thutiam a sutsak theihna chu a nupuiin ama tana thil harsa lutuk leh a nat phah theihna tur te emaw an nupa inkar ti thalo theitu hetiang thil hoteah chauh hian a nupui thutiam chu a sut sak thei a ni, tiin a hrilhfiah.Chuvangin hmeichhia thutiam sutska theihna chu hmeichhe venhimna tur atan tih a ni. Rabbi Ezriel Tauber sawi danin lunghlu pawh thil hlu leh manto tak a ni a tha tak leh uluk taka venhim angaiin hmeichhiate pawh an hlut leh pawimawh em avangin uluk takin venhim an ngai a ni.

 

Eng chhuan(generations) ah pawh nise thil engemaw kim lo hi chu a awm zel thin a. Abik takin kan tunlai khawvel harsa tak mipa leh hmeichhia inkar buaina tamtak awmna chhuanah hian. Engpawh nise, mipa leh hmeichiate chu tisa leh rilru ngaihtuahna ah pawh nasa takin kan in ang lo va, he khawvel a kan thiltih hian thlarau khawvelah nghawng engemaw tak anei zel thin bawk. A tlangpui thuah chuan mipate chu awlsam takin thil kan hriatthiam thei laiin hmeichhia te erawh chuan thil engkim chu hmangaihna leh duhna in an ti zel a. Chu mahni hmasialna tel lo leh midang te tana thiltha an duhna vang chuan eng chin nge tihtur tih pawh hre lo vin an mahni zawh tawk piah lam thleng thleng pawh ti turin thu an lo tiam zung zung mai thin. Chung thil a intiamna thenkhat a tih thei bawk silo leh atana thil harsa leh rit lutuk hote chu a pasal chuan a sut sak thin a ni.

 

Ti zawng hian sawi leh ta ila, hmeichhiate chuan venhimna an mamawh kan tih rual rualin mipa te pawh chuan nasa takin venhim an ngai ve tho bawk a. Hmeichhe fel leh tha apiangin an pasalte chu chakna nasa tak pein chumi hmang chuan mipa chuan inhumhimna tur phaw chu nghet leh rinawm takin a siam theih phah thin.

 

John Gray chuan Mipa chu Mars atanga lo kal niin hmeichhia chu Venus atanga lo kal tiin a sawi a. Chumi awmzia chu mipa te chuan an nupui te chu an tan hero ropui tak ni a mawi taka eng chhuak turin an duh vek a ni. Mipa mawhphurhna chu thutlukna siam a ni a, hmeichhe mawhphurhna a pasalin thutlukna tha tak a siam theihna tur atana a pasal lo tih phur leh fuihna lo pek chu a ni.

Source:

https://www.facebook.com/TorahKhawvel

 

Categories: Parshat Nashim, Khumash, Shabat

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments