HAKHOKHMA Post Post New Entry

Inkhawmpui urhsun nei ang che u - Parshat Pinkhas

Posted by Shavei Mizoram on July 7, 2020 at 5:15 PM

Parashat Pinkhas

“ …………inkhâwmpui urhsûn nei ang che u …” (Bamidbar 29:1)

- Itzkhak Kawlni

 

Ram ngawdur tak hmun pakhat-ah hian Lal fapa te chu khualzin in an kal a, chutia lungmuang taka an kal mek lai chuan, hlauthawng tak maiin thawk leh khatah an ding ta thup hlawm mai a. An hma lawkah chuan Suamhmang rual hi an lo ding thuap mai a. Lal fapa te chuan, min rawk ang a, kan thil neih te chu an lak vek bakah nung dam pawn min chhuah dawn lo a ni” tiin an hlauthawng em em mai a ni.

 

Mahse chung Suamhmang te chuan, in duh thlang rawh u, mihring kan in daih lova, kan zingah keimahni ang a, in khawsak a, ruk ruk na a, min puih dawn chuan nungdam in min zawm thei ang a, chutiang a thuthlukna in siam anih chuan kan that lovang che u, an ti a. Lal fapa te chuan duhthlan tur dang an nei si lova, ti chuan chung suamhmang rual zingah chuan an tel ve ta a.

 

Kum a lo vei a, ruk ruk leh mi suam te chu chung mi te tihdan chuan an chhunzawm ve ta zel a, amaherawh chu Lal fapa te chuan chutiang a nun hman reng chu an ning tan ta hle mai a, tlan bo theihna tur hun tur rem chang an dap ru ta hlawm a.

Hun remchang an neih ve leh chuan an tlan bo ta a, hmun khirh tak tak leh hun khirh tak tak an tawn tlang hnu chuan, an pa awm na Lal in chu an va thleng thei ta hram ai. “Ka pa, Ka pa! hei kan rawn kir tawh a nia,” tiin an au ta chiam mai a. Mahse a pa chuan a lo bengkhawn duh hauh lo mai. Lehlam hawisan in a lo ngaihsak duh ta miah lova.

 

Lal fapa te chu an mang ang ta hle mai a, “Engvanga kan pa zahngai thei tak mai hian min ngaihsak duh tlat lo mai nge anih?” ti a in zawt chung chuan an in ngaihtuah nasa hle hlawm a.

Chutia an beidawng tak a, an awm lai chuan Lal fapa zinga pakhat chuan, “Ngawi teh u! Ka pa hma a kan tawng dan leh dil dan hi a dik lo a maw ni le! Suamhmang ho tawngkam kan hmang zawk em ni? Ka pa in a kan tawngkam hman dan kha in la hrechhuak em? tiin a unau te chu a han zawt bawk a.

 

An pa hnenah chuan va kal leh in, an pa in a let a a hnena kir leh a duhna chu a nasat em avang chuan nasa tak a, tap a inchhir a au in an ngen ta a, tawng pawh an tawng chhuak theih tawh lo zawk a ni.

 

Shofar pawh hian thumal tel lovin RI a nei a, mahse chu Ri chu ri chakna nei tak a ni a, chu chu kan AW chu a lo ni a. Zangaihna AW, dilna leh ngenna AW a ni. Chu AW chuan Hashem zangaihna ropui tak chu kan chawk tho thin a ni.

Rosh Hashana pawh kan lo hnaih ta a, Teshuva siam na tur hun lo hnai ta reng mai. Kum tluan mai khan, thil tam tak kan lo tisual tawh in Hashem hnenah engtianga inchhir a ngaihdam dil tur nge tih kan theihnghilh daih tawh pawh a lo ni thei a. Shofar ham hi kan hnena thurawn niin, Hashem hma a kan din huna min lo ngaihthlak theih na turin a ni.

 

Rosh Hashana ah chuan Shofar kan ham laia kan hriatreng tur chu, chu hun te chu kan thil tihsual te inchhir a, chutiang ti tawh lo tura sim a, Mitzvot tam zawk kan zawm na tur in.

Chu hun vek chu, Thinlung leh tih takzet a, Hashem hnena dil a, amah kan hnaih a, kan P-thian min Siamtu chu kan pawh hnaih zawk theihna tura ngen ngawih ngawih na hun a ni bawk a ni.

Source:

Shavei Israel Bulletin : Torah Khawvel

https://www.facebook.com/TorahKhawvel/posts/167761238085963?__tn__=K-R

 

 

Categories: Parshat Yeladim, Torah, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments