HAKHOKHMA Post Post New Entry

Parashat Behalot'kha

Posted by Shavei Mizoram on June 1, 2020 at 4:55 AM

Parashat Behalot'kha

 

“….midang zawng ai pawh a inngaitlawm tak a ni.” (Bamidbar 12:3)

 

- Itzkhak Kawlni

 

Ramhnuai pakhat-ah hian sakhi pahnih in an in tawng a, an ni pahnih chuan ki mawi nalh danglam tak an nei dun ve ve a. An ni pahnih chuan, ramhnuai thing leh hnim tam tak awmna chu paltlang an duh a, chutiang a paltlang tur chuan an ngaihdan te chu an han thawh dun ta a. Sakhi pakhat zawk chuan, “hetiang ram ngaw paltlang hi a harsa dawn khawp mai engtiang a tih chi nge maw ni le!” a han ti a, a pahnihna zawk chuan, “a harsa dawn a, kan ki mawi tak hi paih then a ngai dawn a ni,” a ti a.

 

Sakhi pakhat na chuan, “Ngawiteh ka paih thla thei lovang, ka mawina zawng zawng a bo dawn, a kal tlang theih hram thovang,” tiin a chhang let a. Sakhi pahnih na chuan a ki mawi tak thenkhat te chu a paih thla ta a, ti chuan ram ngaw chu awlsam takin a pal tlang ta a, sakhi dang pakhat zawk paih thla ve duh lo chu thing tang uai thla khauh tak karah chuan a tal buai ta ngei a, ramngawah chuan a buai tak leh hlau tak chuan a tang ta a. Theih tawp chhuah a, a han tal ta vak vak vaka, reife tih tak zeta tan a chhuah a, a tal vak vak hnu chuan, chu sakhi pawh chuan a ki te chu paihthlak an han tum ta a, pem leh natak tuar chung chuan a ni pawh chu a chhuak ve thei hram ta a ni.

 

He thawnthu a kan hmuh ang hian, Sakhi pahnih na zawk kha chuan a ki mawi tak a paih thla ngal a, awlsam takin a thlenna hmun tur a thleng a, mahse a pakhatna zawk erawh chuan a mawina tih bo a duh lovang in hrehawm tuar chungin a chhuak hram hram a, a hnuah a ki mawi tak pawh chu a paih thla ve tho a ni.

 

Mi chapo tak leh in chhuang tak, midang te kian thei lo, mahni zahawm na dah sang a, midang te ai a, chungchuang hle a in ngai reng mi chu Sakhi a Ki mawitak paihthla mai duh lo ang kha a ni, tiin kan Torah mithiam te chuan hrilhfiahna an pe a. Chutiang mi chuan midang te engtiklai pawhin an thu hnuaiah an dah duh thin a, dah ngei pawh an tum hle thin a ni.

 

Amaherawh chu chutiang a, an tih thin vang chuan, hrehawm tuar hnem ber zawk an ni tho thin a ni. Mi tupawh hian mi chapo te hi an ngaina lo a ni.

Categories: Parshat Yeladim, Shabat, Torah

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments