HAKHOKHMA Post Post New Entry

Parashat Naso

Posted by Shavei Mizoram on May 25, 2020 at 11:35 PM

Parashat Naso

Kohen chuan thil hlan a lo dawn rêng rêng a nei zêl tûr a ni,” (Bamidbar 5:10)

Lal pakhat hian Minister Yehudi fing em em mai leh hlawhtling tak mai a nei a, tin a thil tih a piang mai chu thatak a puitlin zel mi a ni a, mi hausa tak a ni bawk. Minister dang te chuan, chu Yehudi chu an thik rilru ta em em mai a. Chu thik na avang chuan a dinhmun atang a paih thlak dan an ngaihtuah in an, in hawrkhawm a, hekna na chi hrang hrang tur an ngaihtuah a, phuahchawp leh dawt hulhual hmang chuan Lal hnenah thu an thlen ta a ni.

Lal chuan an hekna chu a lo pawm duh lo va, a chhan chu Yehudi Minister chu mi dik a ni tih a hriat chian em avang a ni. Lal chuan, an hnenah “in thik vang mai a sawisel in ni..” tiin a chhang let in, minister Goyim ho te chu a hnawt haw ta zawk a ni. Chung Minister te chuan beidawng duh hauh lo vin Lal hnenah chuan an thusawi ngaithla turin an va ngen leh chiam a, “He Yehudi hian kan sorkar sum a eiru a ni.” tiin. A tawpah chuan, Lal chuan an ngenna chu a ngaihthlak sak ta a.

Lal chuan a minister Yehudi chu a kova, “Sum leh pai engzat chiah nge I neih?” tiin a han zawt ta phawng mai a, chu Yehudi chuan Lal hnenah chuan, “Million khat (chumi hmuna an pawisa hman thin) ka nei" tiin a chhang a, amaherawh chu a dik tak chuan a sawi zat let sawm chuang a nei a ni.

Lal chuan a thusawi chu a ring lova, thinrim tak mai chuan a sum neih zawng zawng chu rawn la turin a thu a pe ta a, a sum neihzat an han chhiar chuan a sawi zat let sawm chu a lo nei reng ta si a. Lal chuan Tan inah a khung ta a, Court a chung thu rel ni tur chu an ruatsak ta a ni.

Rorelna ni a rawn thlen chuan Lal chuan, sum i neihzat i sawi ai a tam let sawm i nei si a, dawt a sawi ngei anih thu sawi a, in puang turin a ti bawk a. Mahse, Yehudi chuan, “dawt ka sawilo” tiin a chhang a.

Lal chuan “a nih leh dawt I sawi lo anih chuan, thudik tak chu han sawi teh”? tiin thu a pe ta a. Yehudi chuan “he ka lehkhate (pinkas) a ka pawisa neih zat ka ziah hi ka neih zat dik tak a ni a, chu chu ka Tzedaka pek zat zel ka ziah na a ni. He ka pawisa neih hi chu tu man min laksak thei lo bawk a ni.” a ti a.

A nih leh dang i neih te hi? ti a, a han zawh leh chuan, Yehudi chuan, “Heng pawisa dang te hi chu ka ta an ni reng dawn em? tih pawh ka chiang lo, tunah ngei pawh in hmuh ang hian hei Lal in min laksak anih hi. Engzat nge ka la neih? Ti a min zawt anih chuan ka Pinkas a ka ziah ho zawng Tzedaka a ka pek te hi a ni. Heng ka Tzedaka pek te hi Vanah venhim an ni a, chatuan daih an ni.” tiin a chhang let ta zawk a.

Lal chuan a thil ziahna Pinkas chu a han en a, a rilru chu a khawih ta em em mai a, a pawisa an laksak zawng zawng te chu pekir turin thu a pe a, tin Lal vek chuan nihna pawimawh zawk pe in rorel khawl pawimawh takah a dah ta zawk a ni.

Rabi Zalman Sorotzkin chuan hetiang hian a sawifiah a, Mi chuan a pawisa chu hetiang hian a ti tur a ni. Tzedaka a kan pek te chauh hi chatuan a kan neih tur zawk chu a ni. Sum dang kan neih te erawh hi chu a chiang lova kan ta an ni reng ang em? tih pawh a hriat lo a ni.

“Kohen chuan thil hlan a lo dawn rêng rêng a nei zêl tûr a ni,” Kohen hnena thil pek Mitzvah chu a ta a ni ang, Hebrew thumal (lo yihie לו יהיה) ti a ziak ang in, a thil pek a chu a ta a ni kumkhua tawh dawn a, tuman an laksak thei tawh dawn lo a ni.

Kha Minister Yehudi pawh khan, a sum kawl a hausakna te kha a thil neihah a chhiar lova, a tzedakot pek ho chauh kha a thil neihah a chhiar a, chung a tzedakot pek erawh chu tuman an lak sak thei tawh lova, amaherawh chu khawvel sum a neih ho zawng zawng te erawh engtiklai pawh a chhuh sak, ruk sak emaw thil dang kan hriat miah lohvanga ral/bot hei vek te an ni.


Itzkhak Kawlni

Source: Bulletin Shavei Israel

 

Categories: Parshat Yeladim, Torah, Shabat

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments