HAKHOKHMA Post Post New Entry

Parashat Bamidbar Nashim

Posted by Shavei Mizoram on May 19, 2020 at 3:30 PM

Bamidbar

Harel Kingbol

Parashat Bamidbar-ah chuan Israel fate awm hmun chungchang felfai taka engkim siam leh ruahhman vek a ni tih kan hmu thei in mitin te chuan an awmhmun theuh leh an tihtur theuhte chu an hre vek a ni tih kan hmu thei a. "Israel thlahte chuan an chhungkaw chhinchhiahnate tar theuhin an pawl tih dan angin an puan in an zar tur a ni: inbiakna puan in an theuhin a velin an zar tur a ni.”(Bamidbar2:2)

Israel mipuite chu chhiar chhuah vek niin an tihtur leh mawhphurhna te chu pek vek anni a, ti chuan Mishkan (Torah lungphek pahnih awmna) hual velah chuan anmahni nihna mil leh awmdan tur ang theuh chuan an awm ta hlawm a. Chutiang chuan kan pi leh pute thlalerah kum 40 an awm chhung khan awmze nei takin hnam tinte chu Mishkan hual vel chuan awmhmun an khuar reng thin a ni. Chu Mishkan (Torah awmna) chu a lai takah (awmhmun an khuar a, an in thendarh lai pawh chuan chu Mishkan chu a lai takah a awm reng thin a ni) a awm reng thin angin an mit pawh chuan chu hmun laili chu an thlir reng a. Thlarau leh tisa mamawh zawng zawng chu chu Mishkan chenchilh tu P-thian thlarau hmang chuan an dawng ani tih an hrethiam vek a ni.

Israel fate chuan Mishkan hual vel chuan awm hmun an khuar thin ani kan ti a, chuvangin kan sawi tawh angin a hnam ang leh mimal tinte pawh chuan englai pawhin an mit chu chu hmun laili changtu Mishkan chungah chuan an len reng a. Chuvangin chu Mishkan chu Israel fate tan chuan engkim dawnna a ni tih pawhin a sawi theih ang.

Chafetz Chayim chuan Mishkan chu Thinlung nen a tehkhin a. Thinlung chu mihring nunna petu/control tu ber a ni angin, thinlung pawh chu mihring taksa lai takah a awm a. Chu thinlung mihring taksa lai taka awm chuan taksa peng hrang hrangah an mamawh dan theuhin an thil mamawh te chu a sem chhuak thin a. Chutiang chiah chuan Israel fate pawhin Torah chu an tan chuan nunna leh engkim mamawh pe tu a ni tih an hria a ni. Nunna thing pawh huan lai takah to tir anih angin. (Bereshit 2:9) Beit K’nesetah pawh Bimah chu a lai takah dah a ni thin a. Chuvangin engkim kan mamawh leh duh kan dawnna chu P-thian atang vek in a ni tih chu mi pangngai tan chuan pawm mai harsa lo tak chu a ni. A hma takah ka awm emaw, a hnung lamah ka awm bik a ni emaw kan vaiin P-thian chu kan hual vek a ni tih kan hriat angai a.

P-thian'in mipa leh hmeichhia a siam a, chu hmeichhia leh mipa chu nupa-ah an lo insiam avang mai chuan an inkarah (mipa leh hmeichhe inkarah) in elna leh in huatna piang miah lo vin pumkhatah min siak zawk angin, a hnungah ani emaw a hmaah ka awm a ni emaw P-thian chu kan vaiin kan hual vek a ni tih kan hre zawk tur a ni.

“Levi-hote chu P-thian chenna in enkawltu leh a bungrua zawng zawng leh chu mi a thil awm zawng zawng enkawltuah i ruat zawk tur a ni: biakbuk leh a bungrua zawngzawng an zawn thin ang a; an enkawl ang a, biak buk chu a vela an awm chilh thin ang.” (Bamidbar 1:50)

Sefet Emet chuan mi thenkhatte chuan famkimna chang turin Mishkan hnaih takah an awm a ngai a, thenkhat te erawh chuan famkimna chang turin Mishkan an hlat deuh angai thung tiin a sawifiah a, kan hmuh angin, “Kei chuan hmui rah ka siam thin a: 'Remna, remna, hla taka awm hnenah leh hnai taka awm hnenah chuan awm rawh se,' L-LPAN a ti”(Ishayhu 57:19) Israel mipui pangngai te chuan Mishkan chu hniah lutuk lo vin anmahni leh Mishkan inkarah chuan awl an dah deuh thin lain Levi hote erawh chuan tlemin Mishkan chu an hnaih deuh thin a. Levi hote’n chu Mishkan an hnaih bik avang chuan hnam dang hote chuan Levi hnamte chu an thik phah chuang hauh lo. A chunga kan hmuh ang khian a tawngkam hman pawh khi kan en chuan Remna, remna, hla taka awm hnenah hmun hla a awm zawk chu a rawn sawi hmasa zawk a ni.

Tunge mifing chu ni?

A awmna hmun hrechiangtu chu. Israel fate pawhin Mishkan chu an hlat emaw an hnaih emaw midangte nen inngeih leh in lungrual taka an awm chuan P-thian thlarau chuan alo chenchilh dawn a ni tih an hria a, hmun hla a awm leh hnai deuh a awmte pawh P-thian thlarau chuan inang vekin a chenchilh a ni tih chu an hria a ni.

Israel fate awmhmun khuar dan atang pawh hian P-thian chuan min veng in min kaihruai ani tih kan hre thei ta a. Hnam tinte chu anmahni chan tawk leh an awmna hmunah chuan an lungawi theuh va, a chhan chu chu an awmhmun khuarna chua an mahni nihna nen pawh in hmeh leh an chakna an lan tir theih dan tur ber a ni tih an hre chiang a ni. Hnam tinte chuan mahni chanpual theuh chu an hlen chuan chu chuan famkimna chu a thlen dawn a ni tih an hria a.

Chutiang chiah chuan Yehudi hmeichhia te pawh mahni nihna leh mawhphurhnaah lungawi thiam a kan mawhphurhna hlen chhhuah chu tihtur pawimawh tak a ni. Hnam tinte chu an puan zar (flag) atang chuan eng hnam nge annih tih a lang nghal ang main hmeichhiate pawh an mawhphurhna tha taka an hlen na chuan hlimna leh thlamuanna chu a rawn siam mai dawn a ni.

Source: Bulletin Shavei Israel


 

 

Categories: Parshat Nashim, Khumash, Shabat

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments