HAKHOKHMA Post Post New Entry

Parashat Bamidbar

Posted by Shavei Mizoram on May 19, 2020 at 2:40 PM

Hmun thianghlim ber pindan puanzâr chu an hlîp ang a, chu chuan thuthlung bâwm kha an khuh tûr a ni. (Bamidbar 4:5)

- Itzkhak Kawlni

Aron haEdut chu zin kawnga zawn anih lai chuan khuh thin a ni a, chutiang bawkin bungraw thianghlim dang te pawh khuh thin an ni. Khuhbo an nih chhan chu zin kawnga tuman an hmuh loh na turin a ni. Mishkan a, an dah let leh hunah chung thil thianghlim te chu an awm na tur hmun thianghlimah chuan an dah leh thin. Thil thianghlim tawh phawt chu khuh bo tur a ni a, hmuh theih in a awm tur a ni lo.

Tehkhinna thawn thu:

Mi pakhat sum ngah em em mai hian a sum te chu khawdang pakhat hla takah hian a hlanchhawn angai a. Chupa chuan kawng lakah suamhmang ten an rawka a sum zawng zawng an laksak vek chu a hlau ta em em mai a.

Engtin nge ka tih ang aw? tiin ngaihtuahna tam tak a seng nasa hle mai a. Mirethei lutuk thawmhnaw mumal pawh neilo ang maiin a in bel a, a sum te chu thlai leh thei te an dahna bawm basketah chuan a khung ta bawk a. A pawisa chungah chuan thlai man tlawm chi leh thavak lo te chu a dah hnan ta leh zel a ni. Chutiang chuan a zinna kawng tur lam pan chuan a chhuak ta a. Bus in a kal a, Taxi leh Car man to te hmang lovin. Rel in a zin ta a, chutah pawh chuan, mi hnuaihhnung zawk te chuan naah a thu a, mi in an hmuh tlem theih dan tur berin a khawsa zel bawk a.

Chutiang chuan a sum leh pai te chu a thlenna tur hmunah chuan a thlen thei ta a, tuman amah ang rethei khualzin ve mai chu sum tam tak a neih an rin tlat loh avang a ni.

Kan khawvelah hian mi hausa tak tak, Torah, Mitzvot, Midot tha leh thiamna nei hnem tak an awm a. Vanduai thlak takin mi thenkhat er thin an awm a, chung te chu thian sual niin an chung thlarau lamah hausa te chu an va ti chak lovin, sual kawng zawhna lam ah an kalpui ve thin bawk a ni.

Engtiangin nge kan thil hlu tak te chu kan venhim thei ang?

Tzniut (nungchangmawina) leh Anava (inngaihtlawm/inphahhniam na) hman in a ni. Naupang fing leh thiam thei chuan midang te chunga leng a, a thiamzia leh finzia te a sawi kual a tullo va, tin mi a thil zing a piang hrethiam zung zung chuan a thiam zia midang te bulah a lantir vak vak kher a ngai lo. Chutiang a tih vang chuan midang ten an tih tluk emaw an huat let mai pawh a hlauhawm a ni. Mahni thiam te midang te lakah pholang lo mi te chauh te chu an kalkawng kalna zelah an hlawhtling thei thin a, ropui takin a nu leh pa te leh a zirtir tur te bulah a thanglian in hma a sawn zel ang.


Source : Shavei Israel Bulletin

 

Categories: Parshat Yeladim, Torah, Shabat

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments