HAKHOKHMA Post Post New Entry

Bekhukotai

Posted by Shavei Mizoram on May 14, 2020 at 1:45 PM

Bekhukotai

Harel Kingbol

“In rinpui ber chhang ka tihchahsak che u hunah chuan hmeichhe sawmin, a awmna pakhatah an awm ang a, in chhang chu buk chiah zelin an pe leh ang che u; in ei ang a, in kham huang lo vang.” (Vayikra26:26).

Rashi chuan hmeichhe sawmin chhang awmna/urna (Oven) pakhat an intawmna chhan (tur) chu chu chhang urna tur thing (mei chhem tur) in daih lohna avang a ni a ti a. Chhang a buk chiah zel a pek lehna chhan pawh chu chung an chhangphut te chu an ur lai chuan a pum a awm lo vin a urna chhungah chuan a kehsawm zel a, chumi kehsawm zela chu chhungkaw member a zir zelin fair takin an insem thei dawn a ni.

Rabbi S.R. Hirsch ve thung chuan chu chhang urnaah chuan chhungkaw tin te mamawh khawp chhang urna tur hmun awl awm tho mahse la, a chhangphut a zawk chu a tlem miau avangin hmeichhe sawm (chhungkaw sawm) te chuan chhang urna pakhat chu an in hman tawm a ngai a ni. Tichuan chu chhang chu chhungkaw tinte chuan anmahni mamawh tawk chiah zelin an chang thei dawn a ni.

Zel dinna mitthla in en ta ila, dinhmun harsa tak maiah kan awm a. Holocaust hunlai daih te thlir kir ta ila. Ei leh in kham khawp hmuh chu sawi loh, ei leh in hrim hrim hmu tur pawhin khawlai bawlhhlawh paihna velah chuan nu ber te chuan alu velna kawr ringawt pawh nasa taka zawngin a hmu anih chuan, chu alu velna kawr chu thei ang ang a, silfai in a herdip/chhu dip a, chumi hnuah an chhungkaw ei atan tiin matzah/ engtin tin amaw chhang chu a siam ve thei hram thin. Chutia nu berin inchhungkhur tana thahnem ngai taka, a thawhna chu a fanau leh a chhungkaw tan chuan thil tha leh hmangaihna ropui tak ni mahse, a lehlam pang zawng a kan thlir ve thung erawh chuan amah ang tho va dinhmun chhe ve te tan chuan thil huatthla la awm tak a ni ve leh thung si… a chhan chu anni pawhin chu thil chu an zawn ve tho avangin. Tichuan mitinte chuan mahni dam khaw chhuah theihna tur ngaihtuah in mahni pumpui chauh ngaihtuah chuan hma an la tan ta a, chu chuan in nghirnghona leh in ngeih lohna chu alo siam chhuak ta thin a ni.

Mindy Schwartz chuan a lehkhabu Strands of fire-ah chuan Holocaust hunlai a, a thil tawn chungchang ti hian a ziak a. Amah hi concentration camp-ah khan ei leh in sem tu tura an ruat a ni a, chulai a a thawh laia a thiltawn hote chu hetiang hian a ziak a.

Nazi hote chuan chhang per pakhat hlui tawh tak mai hi min pe a, chumi chu tang ho hnenah chuan a inzat theuhin sem tur in min ti a.. chu chu ka hnathawh thin chu a ni. Chulai a chhang sem tura ka kal luh chiah chuan a rang thei ang berin chhang chu sem zawh thuai thuai ka duh thin, a chhan chu ka unaute ho riltam leh ei tur rawp ngawih ngawih a, awmte chu ei tur pek thuai thuai chu ka duh thin a ni. Chutia chhang ka sem lai chuan vawi khat chu kan hawi kual vel a, keimah ang tho a tang hote chhang sem tu tura an ruat ve midang hote chuan tang hote chu engmah pe lo vin anmahni chuan an ei zel mai hi ka hmu a, chu ka thil hmuh chuan ka rilru a tina in hrehawm ka ti em em mai a. Ti hian ka ngaihtuah a… riltamna hi sual thlemna thian tha tak alo ni ngei a nih hi tiin. Mahse chutianga khawsa hote ang chuan ka awm ve lohna turin ka rilru in ka infuih sauh sauh a, P-thian hnenah rilru a tawngtaina nen ka hmaa thlemna awm hi do hneh ngei turin chakna min pe rawh tiin. (Mindy Schwartz, Starnds of fire).

Mindyi’n a thiltawn a ziah chhuah atang hian en ta ila… hrehawmna leh riltam taka kan awm lai pawhin nise chu hrehawmna atang chuan inpumkhatna leh inlungrualna tha tak kan ei thei tho a ni tih hi. Vayikra26:26 a kan hmuh ang khian tam tlak leh riltam taka awmlai pawhin Juda nuhote chuan an thil neih te chu lo keng khawmin hmun khatah an siam tlang dial dial a, chumai pawh nilo vin an siam zawh hunah pawh mahni chanpual tur theuh bak aia tam a chuang liam engmah la lo vin in zat thlapin an insem leh dial dial thei a ni.

Chuvangin mahni pumpui leh mahni tana tha tur ringawt ngaihtuah lo vin ka unau pui ka Juda pui, ka thenawm khawvengte nen in ngeih tlang leh inhmangaih taka awm ho dial dial thei tur chuan kan thil nei in puih/hrilh tawn a, tanpui ngai te intanpui tawn dial dialna hi a bul tanna tur chu a ni.


Source: Shavei Israel Bulletin

 

Categories: Parshat Nashim

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments