HAKHOKHMA Post Post New Entry

Shabbat chu L-LPA P-thian pual a n

Posted by Shavei Mizoram on May 10, 2020 at 10:10 AM

Parashat Emor

Shabbat chu L-LPA P-thian pual a ni…..(Vayikra 23;3)

- Itzkhak Kawlni

Zamir (Nightingale) duhawm tak pakhat hi lal in kawngkhar-ah bulah hian, a khawina bawmah an khung a ni a. Chu khawina bawm chu rangkachak a siam a ni a, tin, mawi tak takin, tlai thim dawnah te chuan a hram thin a, sava hrang hrang te chu rawn kal a, an thik ru em em thin a. Chung savate chuan, "I van han vannei bik tak em! I awmna te pawh rangkachak a siam a ni a, lal chaw tui hnai tak tak te I ei bawk a, hlim takin i awm a, tin, I zai ri mawi te pawh hi I inhmeh bik khawp mai, engtikah mah vawt leh khur in I awm lovang maw! Riltam tui hal pawh I hreve ngai hek lovang, I puar in I tlai reng thei si a. Keini zawng, chaw zawng in harsa takin kan thawk a, nipui laiin ni a sa thei hle a, thlasikah lah a vawt em em bawk si, theihtawp chhuah a kan beih fan fan chauh in kan eitur kan thawk chhuak thei hram a ni…" an ti a.

Mahse chu Zamir chu a hlim tawp lova. Lungchhe tak chuan a chhanglet ta a, "Min thik duh suh u! helai bawm atang hian han chhuak thei zawk ila, nangmahni ang a, zalen taka awm a, harsa taka chaw zawn ka chak zawk daih a ni." tiin a chhak let a.

Sava te chuan an han ngaihtuah chian chuan, a dik zawng awm e aw!! an ti ta a, An khawngaih leh ta zawk a ni. Engtiklai pawh in bawmah an khung a, zalen takin a thlawk ve thei lo a ni tih an hriat chian tak hnuah chuan.

"Khawngaihin thil tha min tih sak teh u" tiin a ngen ta a, "unau nu fingtak mai ka nei a, ramhnuai pakhat Yaar ha'lavan an tihah a awm a, ka chunga thil thleng hi va hrilh teh u khai! a ni chuan helai hmun atanga min lakchhuah dan hi a hre mahna," tiin a ngen ta a.

An zinga sava pakhat chuan a lainat ta em em mai a, ti chuan Yaar ha'lavan lamah chuan a thlawk ta vang vang a, a unau nu hlim taka a lozai lai a hmuh chuan, a unaupa chunga thil thleng chu a hrilh ta a, a unaupa chunga thil thleng a hriat chiah chuan a lungchhe ta em em mai a, a lungchhe lutuk chu a thih phah ta der mai zawk a ni.

Sava chu a thlawk let ta vang vang a, chu Zamir bul ava thlen leh chuan, chanchin hrechak chuan a ni chuan a lo nghakhlel em em a, mahse chu sava chuan lungchhe tak chung chuan a unau nu lo dawnsawn dan leh a thih tak mai thu chu a hrilh ta mai a.

Chu Zamir chu hrehawm leh lungngai chuan a awm ta reng a, chaw pawh ei thei ta lova, tui pawh a in duh lova, a chauh tak em avang chuan a zai thei ta bawk lo a ni. Lal chhiahlawh pakhat chu chutia Zamir lo tlu reng mai chu a thi ta emaw tiin a bawm atang chuan a lachhuak ta a, chu veleh Zamir chuan a thla vaiin a thlawk ta vang vang a, a tlan bo ta daih a.

Yaar halavan lamah thlawk in a va thlen chuan a unau nu chu ava hmu ta a. A unau nu hnenah chuan, "I thu rawn min pek kha ka tangkai pui khawp mai, ka hriatthiam theih turin thi ang in I awm ta a." a ti a. "Ti chuan chuan ka hrethiam ta a, I tih dan ang a ka tih ve a ngai a ni tih chu, ti chuan hei bawm atang chuan ka rawn chhuak ta a, ka hlim tawh khawp mai." a ti ta a.

Keini hringfa te pawh hi, kar tluan mai hian bawma khung ang maiin, kan mamawh eitur te lakhawm nan theihpatawp in kan thawk thin. He lungin tanna atang a han chhuah zeuh a, zalenna dik tak han tem zeuh te kan duh chuan, heng kan hnathawh te atang hian thi ang maiin kan bo daih angai.

Kar tluan a kan tih thin, te kha theihnghilh vek a, kan hnatawh te pawh thawk ngailo ang mai a chawlh hmak a, sum kan umna te pawh tlanbo san rih te, thil ho mai mai a kan hun hmanral atang te pawh a tlan bo vek a, Shabbat ni chu ti thianghlim in, thlarau thil a in tih khah zawk a, in chawisawn zel zawk tur a ni. Chutiang kam tih chuan kan nihna diktak chatuan daih chu min neihtir zawk dawn a ni.

Source : Bulletin Shavei Israel

 

Categories: Parshat Yeladim, Shabat, Torah

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments