HAKHOKHMA Post Post New Entry

Israel te him tur thu : Parashat Behar

Posted by Shavei Mizoram on May 10, 2020 at 9:55 AM

Israel te him tur thu : Parashat Behar

- Itzkhak Kawlni

"……. chu englaipawh in an lei kîr leh thei ang." (Vayikra 25:32)

Tum khat chu Russia rama Minister pakhat hian zawhna pakhat a zawt a. Engtianga Yehudim ho hian an Mashiakh rawn kal huna hnam zawng zawng chung a ro an rel tur ang a, an ngaihruat theih ni? Goyim ho chuan sipai chak tak tak te an neih bakah, an tam in Yehudim tlem te te chuan engtiang in nge an hneh theih ang? tiin.

He zawhna hi Rabi Khayim Mibris'k chuan tehkhina thu in chhanna a pe ta a:

Tum khat chu Arte pakhat in Ar khawina (lul) ah hian Ar lian leh chaktak tak zawk te awmnaah chuan an khung ve a. Chu Ar te chuan ar dang lian tak tak ten an chuk rawn ang tih a hlauh vang chuan a sirah inkiltawih a awm ta reng mai a, a chet pawh a che ngam mang lo a ni.

Ar lian dangte chuan chu arte khawngaihthlak tak mai chu chaw a tan an duh ta ngei mai a, ti chuan chung ar lian ho te chuan chu ar te in chuh in, an in huphurh ta hlawm.

Chu ar khawina hmun chu thinrim leh bengchheng in a khat ta a, ar lian te chu an insual ta hlawm a, a chak ber nih tum chuan theihtawp an han chhuah ta hlawm a. Ar insual thenkhat te chu an thi in, a dam te pawh chu na tak in, pem hrang hrang an nei hlawm ta bawk a ni.

Arte, a sir a mi chauh chu dam leh hrisel a awm chhun a ni ta der mai a, a in sa seng nan engmah ti lo mahse. Chutiang a thlamuang taka, a awmna tur chuan ar lian dang te chu insual vak vak in, a mah chu a leh him phah zawk ta a ni.

He tekhinna thawn thu ang deuh hian, Mashiakh hun rawn thlen hunah chuan Goyim ho chu, an indo tawn ang, an ni ho chu nasa takin ralthuam nen an in bei ang. Hnam lian te chu nasa taka indo vin, Israel fate erawh engahmah an inrawlh ve lo thung ang. Tichuan, Israel hnam te chu chatuan in an awm reng zawk dawn a ni.

Source Bulletin Shavei Israel

 

Categories: Shabat, Parshat Yeladim, Khumash

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments