HAKHOKHMA Post Post New Entry

Shabbat hlim taka serh - Parashat Emor

Posted by Shavei Mizoram on May 10, 2020 at 9:45 AM

Parashat Emor

Harel Kingbol

“…Inkhawmpui thianghlima in siam tur ka kut hunbi chu hengte hi a ni.”(Vayikra 23:2) tiin Torah chuan Shabbat leh kutni chungchang a rawn sawi a. Ka kut hunbi/P-thian tan tih hi helai chang a thupui fun tu ber chu a ni.

Hemi atang hian kan hmuh theih chu chung ni thianghlimte chu kan taksa nawmchenna/kan tisa hahdamna tur ringawt a ni lo tih kan hre thei a. Ni e, heng ni thianghlimte hi nuam taka kan awm ni tur chu a ni ngei mai, mahse kan tisa/taksa rngawt ni loin, kan thlarau nawmna chu a bul ber zawk a ni, heng ni thianghlim ah te hian P-thian kan hnaih leh zual chu.

Heng ni thianghlimte hi keini a mite’n thianghlimna kan thlen theihna tur atana a duh dan leh a thupek anga awm tura min tihna ni a nil eh zual bik a ni. Chutianga kan awm loh erawh chuan harsatna, hrehawmna leh mi nuhzat chu kan hlawhchhuah tur a ni mai.

Chumi chu a dik ngei a ni tih a chian theih nan tehkhinna han sawi ta ila. Mi pakhat hian fanau malsawmna duhawm tak dawngin fapa 7 lai mai a nei a. Mahse pakhat te tein chung a fapa te chuan natna khirh tak mai an nei/vei ta hlauh mai. Pa ber chuan a fapate an dam leh theihna tur atan tiin hmanhmawh leh thlaphang tak maiin an chhungkaw doctor chu phone atang chuan a be ta a. Doctor pawh chu rang takin alo thleng nghal a, doctor chuan chung damlo te chu enge an natna tiin uluk taka a a endik hnu chuan an tan damdaw ei tur chu chiang takin pa ber hnenah chuan a hrilh ta a.

Chawlhkar tam pawh ala liam hman lo tih chuan doctor chuan pa ber hnen atang chuan hmanhmawh thlak tak mai a kohna phone atang chuan a dawng leh ta a. Doctor chuan damdawi ei tur ka tih hote kha tha takin I fate chu I ei tir lo em ni tiin a zawt a.

Ei tur I tih ang chiah chiah khan ka fapate chu an vaiin ka pe vek a lawm, mahse hei tunah an natna ngai ang chiah kha an nei leh tawh tlat mai tiin pa ber chuan mang ang tak maiin doctor chu a hrilh a. Anih chuan damdawi kha a hma a pek tur ka tih ang chiah a I pe ang khan I fapate chu pe lawh rawh tiin Doctor chuan a hrilh a. Mahse ka fapate chuan damdawi chu an ei duh tawh tlat si lo alawm tiin pa ber chuan a chhang a.

Chutih anih si chuan engmah tih theih ka nei tawh lo anih chu, I fapate an dam lehna chu I kutah a innghat tawh anih chu tiin doctor chuan pa ber chu a chhang a.

A chunga tehkhinna ang chiah khian keini mimal tinte pawh hian kan nitin khawsak la kata hahdam leh thlamuang taka awm theihna tur damdawi tha tak mai kan nei a, chu chu Shabbat chu a ni. Shabbat ni thianghlim chuan kan rilru hahna zawng zawng a chhawk dam theiin thlarau thianghlmna min pe leh thei a. Mahse chu damdawi chu kan ei duh miau si loh chuan thil dang engmah damna tur kan nei chuang lo. Chu damdawi ei duh loh chuan rilru a hrehawm tihna leh thlarau damlohna chu a nei reng mai dawn a ni.

“Shabbat ni chu thianghlim taka serh tur a ni tih, I hrereng tur a ni.”: Engtinnge Shabbat chu thianghlim takin kan serh theih ang?

Torah leh Mishna zirna hmangte, eitur tui take i na hmang te, thawmhnaw thar leh chawlh hahdamna hmangte in. (Tana d’be Eliyahu 26).


Source : Bulletin Shavei Israel

 

 

Categories: Torah, Shabat, Khumash

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments