HAKHOKHMA Post Post New Entry

Remna thilhlan chu P-thian hnêna lâwmthu sawina atân miin a rawn hlan chuan

Posted by Shavei Mizoram on March 30, 2020 at 7:15 AM

"Remna thilhlan chu P-thian hnêna lâwmthu sawina atân miin a rawn hlan chuan…." (Vayikra 7:12) Parashat Tzav

- Itzkhak Kawlni

Shuki chu naupang te a nih laiin, a nu leh a pa’n an boral san a. Reuven-a, Yehudi ngilneihna ngah tak chuan a In ah hruai in a enkawl sei lian ta a. Shuki pawh chuan Reuven-a in chu ama in ang maia ngaiin, chu hmunah chuan thanglian ta a ni.

 

Kum tam a vei hnu pawh chuan Shuki chuan Lawmthu sawina chang reng reng a hre ta hauh lo mai a. Ni khat chu kutdawh pakhat hian Reuvena te inah chuan tanpuina a rawn dil a, Reuven-a te nupa ngilneihna ngah tak chuan tanpuina chu an lo pe a, chu kutdawh pa lawm lutuk chuan theih tawp a lawmthu a hrilh hnuah pawh Reuvena te nupa chungah kut nghat in Malsawmna te a pe hial nghe nghe a ni.

 

Chu kutdawh rethei kal tak hnu chuan Reuvena nupui chuan a pasal hnenah chuan, "kha mirethei kha tum khat chauh kan tanpui a, khatiang khawp khan lawmthu a sawi nasa a, Shuki erawh chu kum engemaw zat kan chawm hnuah pawh Lawmthu vawikhat mah a la sawi lo reng reng." Tiin a pasal hnenah chuan a hrilh ta hlawl mai a. Reuvena chuan, “Lawmthu sawi turin I duh em ni?” tiin a zawt a, an nu chuan. "aw duh e" tiin a chhang let a. Reuven-a chuan Shuki chu a ko ta a, "Shuki lo ngaithla teh, kum engemaw zat kan hnenah I cheng tawh a, kan chawm che a, hei tunah chuan I lo thanglian tawhin mahni in ngaihtuah thei I lo ni ve tawh bawk a, mahni a khawsak zir tawh ta che," tiin a hrilh ta a. Shuki chuan a pu thusawi ang chuan mahni a khawsak chu a han tum tan ta a. Mahni a khawsakna tur ngaihtuah chuan a vak vel a, thawhtur mumal tak a hmu zo lova, a sum neihsa te hmangral in khawlaiah chuan lungngai tak in a vak kual tan ta a.

 

Tum khat chu a pu Reuven-a chuan khawlai-ah a hmu hlawl mai a, "Nangmah in i in chawm thei lo a ni maw!" tiin a in-ah bawk chuan a hruai hawng leh ta a. Chung thil thlen hnua atang chuan Shuki chuan a pi leh pu te hlut zia hria in an hnenah Lawmthu a sawi ta zat zat mai a ni. An hmangaihna leh khawngaihna zozai te avang a lawmna chang a hriat tak avangin. In leh lo tel lova khawsak a harsat zia a hriat hnu phei chuan a petu hnenah lawmthu sawi na chang a rawn hre chho ta hial a ni.

 

He thawnthu chungchang hi Ben Ish khai chuan, hetiang hian hrilfiah:

‘L-LPA P-thian thianghlim chuan, mi tu chunga ngilneihna a lantir thin a’, tiin. Kan mit kan men a, hmuh thiam kan tum chuan P-thian'in engtik lai pawh a thil tha min tihsak hi kan hmu thei dawn a ni. Thil buaithlak ber chu mihring-in chu thil tha chu a hmuh thiam theih loh thin na hi a ni.

 

Hrehawm a tawrh a, harsatna te’n a tlakbuak a thil neih zawng zawng leh a hausakna zawng zawng a chan vek hnuah chauh, a hun kal tawha hausakna leh nuamtak a khawsak thinna chu neih let leh a besei ngawih ngawih thin.

 

Kan hriat atan a pawimawh em em chu, L-LPA P-thianin kan chunga thil tha tam tak min tih sak avang hian Lawm tur kan ni a, kan nitin mamawh min pek avang leh chhungkaw thatak min din sak avang ringawt pawh hian engtiklai mahin P-thian hnena Lawmthu sawi kan theihnghilh tur a ni lo.


Categories: Torah, Judaism, Shabat

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments