HAKHOKHMA Post Post New Entry

Parashat Tzav

Posted by Shavei Mizoram on March 30, 2020 at 7:05 AM

“Bawng note in a nu hnute hnek a duh aia nasa in Bawngpui chuan a note hnute pek a duh zawk”(Pesakhim 112a)

Parashat Tzav 

Harel Kingbawl

Rabbi Yehuda'n damlohna nasa tak atanga damna a chan hnu chuan mi hrang hrangte leh zirlai naupangte chuan Rabbi Yehuda chu a chenna inah chuan an va tlawh a, ti hian an sawi a – "Kan hnena lo pe kir leh tu P-thian chu fakin awm rawh se, vaivut/lei hnenah a pek loh che avangin". Rav Yehuda chuan anni ho chu ti hian a chhang a – "in thusawite avang chuan P-thian hnenah lawmthu sawi ka bat lak at aka fihlim ta e, " tiin. (Berachot 54a).

Khazalte'n min zirtir angin miin thil hlauhawm lak ata – (jail tang chhuak, tuipui leh thlaler a zin hnu a dam taka in a haw kir leh, damlohna lak ata damna lo chang leh) damna/chhanhimna a chang anih chuan Birkhat HaGomel a sawi tur a ni. He lawmthu sawinaah hian kan sawi chu mi a fel leh phu vang ni miah lo va, a chunga P-thian zahngaihna a dawn avanga P-thian hnena lawmthu sawina a ni. Rabbi Yehudah thiltih hi kan en chuan thilmak ang reng tak mai kan hmu thei a. Amah lo kan/tlawh tute thusawi/tawngkam avang ringawt chuan engvangin nge damna alo chan leh hnuah chuan P-thian hnenah lawmthu sawi ka bat chu min rulh sak ta tiin a sawi.

Thil duhawm loh leh manganna lo thlen thinna chhan chu kan (mimal pawhin) nungchang leh awmdan dik tawk loh avangte leh mipuite thiltih sualna avangin harsatna leh hrehawmna kan chungah alo thleng fo thin. Mi jail tang, damlohna emaw thlaler a zin chhuah ngai angte hi a rawn thlen thinna chhan chu miin khawtlang inrelbawlna dan a zawm loh avangin a ni thin a, taksa hriselna hlam chhiahin emaw mipui la kata inlak hran tumna avangin kan chungah harsatna a lo thleng thin.

Amaherawh chu mi tzadik lutuk mai Rabbi Yehudah erawh chu a chunga kan sawi ang khi a ni lo. Rabbi Yehudah chu kum zabi 3-na lai vel a Bavel rama Torah mithiam hote huikhawm tu leh Pumbedita a Torah zirna hmunah hotu ber a ni. Damlohna a tawhna chhan chu ama mimal sualna avang ni lo vin mipui hote awmdan leh khawsak dan dik loh avang zawkin a ni damlohna chu a tawh zawk. A awmna community te chuan chutiang khawp a mi tzadik leh Torah thu a mifing chu zahna leh chawimawina pekna chang an hre lo a ni. Thi ngam hial khawp a Rabbi Yehuda damlohna chu mipuite kaih thawhna hmanrua zawk a ni. Rabbi ropui tak mai boral mai thei dinhmunah an din chiah chuan chu Rabbi chu an tan a hlut zia an lo hrethiam thei ta a ni.

Damna alo chan leh hnu a, an va kan/tlawh avanga lawmthu an sawina chu Rabbi Yehuda atanga chhuak ni lo vin anmahni atang zawk a chhuak a ni. Tawngkam tawite in an lawmna leh hlimna chu an sawi chhuak mai a – amah (Rav Yehudah) kaihruaihna –Torah leh finna leh fuihna thu hmang lo chuan hmalam pan dan tur an hrelo tih a inhre chhuak a ni. Amah tlawh tute chu tawng thianghlim Angil te tawng hman thin Hebrew in an tawng lo va, an tawng hman chu Aramaic a ni. A chhan chu Rabbi Yehuda kaihhruaina tel lo chuan engmah annih loh zia an tarlanna a ni.

Rabbi Yehuda chuan damna alo chan leh tak avang chuan P-thian hnenah chuan lawmthu a sawi ngei ngei angai. Mahse damlohna a tawh avanga result tha tak mai a hmuh hnu – community mipute Torah leh finna ah an tuihal zia a hmu a, a hriat chian hnuah chuan - damlohna a tawhna chhan zawng zawng chu hrethiamin P-thian zahngaihna avang zawkin damlohna chu a nei tih a hrethiam ta a ni. Mi a fel leh phu vang ni miah lo a a chunga P-thian zahngaihna a dawn avangin. Mipuite’n thu an sawi zawh hnuah Amen tiin Rabbi Yehuda’n a chhan zawh hnu chuan chung damlohna leh harsatna a tawh zawng zawngte chu community pumpui tana hawkna leh malsawmna zawk alo ni reng tih chu a hrethiam ta a ni

 

Categories: Judaism, Shabat, Torah

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments