HAKHOKHMA Post Post New Entry

TORAH ZIRNA TURA KAWNG (CHANNEL) DIK

Posted by Sport on September 3, 2010 at 6:55 AM

  by - Rav Yehuda Gin

 

    Torah zir chungchang hi a phawvuaka sawi chuan kawng hnihin a zir theih a, pakhatnaah chuan mimal hamthatna leh khawvel thil taka zirna (lo lishma) a awm thei a, a pahnihnaah chuan zir tur thupek a nih anga zirna (lishma) a awm leh bawk.

Mimal nun siamthat nana Torah zir tur hian ‘lo lishma’ in a tan theih thova, kan hriat atana pawimawh chu, hetiang zirdan hi bul tan tirte te tan a ni a, a damchhung atan chuan hetiang rilru pu chung hian Torah a zir tur a ni lo.

 

Tin, Torah mithiam (Torah scholar) awh vang emaw anmahni anga awm duh vanga Torah zir hi a tha thawkhat viau a, hei hian mahni a zir keuh keuhna a thlen ang a, tin, midang (a fate emaw) zir turin kawhhmuhna a pe bawk tur a ni.Mahse he awhna hian a thinlung a luah reng chuan, a tan hreawmna mai a ni anga, a mimal insitna chuan Torah finna neitute nem hniam duhna a lo piang thei a, hei hian thil pawi a thlen thei a ni. ‘Chovot halevevot’ tih lehkhabu kamkeunaah chuan, “Kan thurin/sakhuana hrethiam a hmufiah hian chumi zir chu kan mawhphurhna a ni. Chu zirna chu khawvel thil takin kan zir tur a nil ova, phal pawh a ni hek lo..”, “P-thian thu (Scripture) ka zir anga, miin mithiam min ti anga, Mishna ka zir anga, miin Rabbi tiin min ti anga, upa ka ni bawk anga, zirna sângah (Yeshiva) dinhmun tha ka luah dawn a ni, tiin ngaihtuahna hmang suh se. Hmangaihna (P-thian) nen zir sela, tichuan hmingthatna in a zui chauh ang” tiin. Pirkei Avot-ah pawh ti hian a inziak a (6:1), mimal mawhphurhna (lishma) anga Torah zirtu chuan hlawkna tam tak a hmu anga (chu hlawkna chu chhiarsen rual a ni lo), he khawvel pumpui hlutna hi a tan bika siam a ni… Torah chuan P-thian tihna leh inngaihtlawmna in a thuam anga, mifel, midik, mi rinawm leh mi nghetah a siam dawn bawk ang, tin, Torah thuruk chu amahah hailan a ni bawk ang. Torah chuan engkim chungah a dahsang anga, mi ropuiah a siam dawn a ni.

Torah mithiam ni a ngaihte’n thil fello tak tak an tih (middot) fo chuan, chu pa Torah hmachhawn dan chu a fel tawk lo tihna a ni. Chuvangin, Torah zirna hmachhawn tur hian a kawng dik man fuh a ngai a, chumi atan chuan ngaihtuahna I siam sauh sauh ang u. Tichuan, kan reithei emaw rual kan ban lo emaw naupang leh puitling chenin, Torah zir tur hian mawhphurhna hlenchhuah tur kan nei vek a ni (Rambam Hilkhot). Hemi awmzia chu Torah mithiam (talmid khakham) emaw Rabbi ni tur hian mi chungchuang leh thiamthei bik nih kher a ngai lo a ni. Chuvangin, Israel mi (Jews) tawh phawt chuan, P-thian thupek angina Torah a zir tur a ni a, mimal mawina leh hamthatna atan chauh a zir tur a ni hek lo. Mimal mawhphurhna hlenchhuahna tura zir a nih chuan, a chungah P-thian A lawm anga, a mimal tan chauh nilovin midang tan pawh malsawmna a lo ni ang. ‘Kol Israel arevim zeh lazeh’ tia kan hriat angina, Israel mimal tawh phawt chuan a unau lakah mawhphurhna a nei a ni. Hei chauh hi a la tawk lo, Israel hnam pumpui hi khawvel hnam zawng zawngte thatna  tura mawhphurtu an (kan) ni a, hnamte tana eng chhi tura thlante an (kan) ni si a.

 

Source Shavei Bulletin June, 2006/Sivan 5766 - Vol 1 - No. 73

 


 

 


 


Categories: Khinukh, Education, Judaism, Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments