HAKHOKHMA Post Post New Entry

Ger Tsedek kan nih kan chiang em?

Posted by Moshe Ilan on August 27, 2010 at 12:05 AM

    Tum khat chu Rabi pakhat mipui vantlang tana thil tha tam tak titu Sakhaw mi lote pawh ti piangthara 'Tshuva' a kir tirtu hi a awm a, nupui a neih dawn hian Beit Din ten an chhungkua an han chhui chian sak chuan, ani chu Juda a chhiar a lo ni hauh lo mai a, anu chu hnam dang mi ani a, a pasal neih dawn chuan Juda dana inneih an duhsi avang chuan Juda dan chu a zir ve a, tichuan, Beit Din-ah kalin a inGiur ve ta a, a inGiur zawh chuan an innei ta reng a, amaherawhchu, a pasal (Rav Pa) chu 'Khiloni' (Sakhaw lo mi) ani a, an inneih zawh chuan 'Khiloni' nun chuan an nung zui ta a, kha thu kha Beit Din chuan an hriat khan , e.. he nu hian min bum ani , chuvangin, a inGiur pawh khan a thlarau (Neshama) a ingiur ve loh avangin Juda ala ni lo, an tita a, chuvangin, Juda dan chuan nute Juda an nih loh chuan an fate chu Jentel an ni tihna ani a, tichuan, Rav pawh chu a in Giur tha leh ta a ni.

 

     Keini pawh hi hnam nihnaah hian engmah chianna tak show tur kan nei lova, chuvangin 'Ger-Tsedek lekhumra' nihnain kan in Giur a, a lehlamah chuan kan Juda chian phah hle lawi a, amaherawhchu, kan inGiur lai khan Beit Din hmaah khan kan Thlarau kan Giur ve em? nge, ka peih lai lai chauh ka zawm ang kan ti zawk? Chutia 'Kavana' kan nei anih vaih chuan, a zia lo ngawt ang. Kan inchhungah hnam dang Pathian thu bu, hnam dang pathian hla bu leh disc kawl te kan awm em? Rorel ni hma ngei hian harhchhuakin kan inchhungte i Kosher thar ang u hmiang. Kan nihna Juda-ah hian nge kan chian a, kan bona hnam nihnaah khan kan la chiang zawk?

 

    

Categories: Kehila, Community, Judaism, Khinukh, Education

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

7 Comments

Reply Moshe Ilan
10:43 AM on September 12, 2010 
ka checkchhina chutiang Rav Avichail an a ziah ka hmu lo, a bung leh chang, a phek number, eng tawng berin nge a ziah, tih i sawi theih chuan , a lawm awm ngawt ang, i thil ziah hi Rav Avichail'an a ziah si loh chuan, thil tha lo tak a chungah i ti niin ka hria...
Reply rosaline
6:08 AM on September 7, 2010 
soi dik khop mai,100%
Reply benjos
1:16 PM on September 6, 2010 
Rav Avichail lehkhabu ziah 'Juda-te nun" tih ah khan "miin a rinna tih chakna tur a nih chuan sakhaw dang lehkhabu pawh a chhiar thei"tih lampang kha a awm tlatin ka hria, kha kha enge i ngaihdan le?
Reply Moshe Ilan
7:30 PM on August 30, 2010 
Sawi dan hrang hrang a awm ka hre lo, Judaism chuan a kal dan tur dan ziahna bu a awm a, chu chu 'SHULKHAN ARUKH' ani a, chutah chuan hnam dangte Pthian thu bu zir a khap tlat, ,, amah erawh chu , enge maw Rabi emaw, niin hman laia Europe ramah te Juda te leh Kristiante an debate thin na angah kha chuan lo tel ve dawn nita la chuan Rabi lian (Posek Halakha) hnenah phalna lain i zir thei, amaherawhchu, kan Benei Menashe chungchangah chuan,, heti laia piangte tan emaw lo chuan abikin Kristian te Pthian thu bu zir leh chuang a ngai em mawn dawn le? an kal dan phung leh an rin dan kawng chu kan hriat hnu vek a nih kha, tin,, Judaism leh Kristianity i khaikhin a, enge a dik zawk tih i zir duh chuan Pu Gedion Rei-a lehkhabu leh kha a tha khop mai,,,, evidence engkim awmsa ziahna ani a, lei sak ve ngei rawh khai...
Tin, i Rav i tih chu hetah lo hian ka e.mail ah tunge tih min lo hrilh theih chuan ka lawm ngawt ang,, ka biak a ngai,, khawngaihin min pe la, ka lawm ngawt ang,, tin, Judaism a ngaihdan hrang awm chungchang itih hi,, Judaism kal dan hrang entirnan; Reform, Conservetivim etc... te i sawina anih chuan,, khang ho kha chu, kan va sawi phak an ni lova, an ni chu Sakhaw thar liau liau an ni a, Judaism kaihlek tum ho an ni a, tin. chutiang nilo,, Juda pangaite zinga kaldan phung inang lo ,, entirnan; Sefardim, Ashkenazim te i sawina anih chuan, heng hi chu sawidan hrang hrang a awm vang ani lova, i lo hriat mai mai tur chu heng lo chhuahna chhan chu, Juda, kan pi leh pute kha hnam dang ten ram pawnah an hnawtchhuak a, tih duhdahna tinreng an tuar tir a, chuta an thlenna chin chinah chuan chhuan lo kal zelah tawngtaina ah te thu belh hrang hrang an lo neih vang chauh zawk ani a, an awmna hmun leh ram inang lovah tawngtai dan leh tihdan te tlem tlemin an awmna hmun milin a thluk te pawh an ti danglam chhota zawk ani.
Heng Juda hnawhdarh ka sawite khi keini anga bo tawh an ni ve hran lova, an ni chu an kalna hmun apiangah Juda dan leh dun engkim hmaih lovin an kalpui ani.
Reply virus_pac
12:27 PM on August 30, 2010 
a nih chuan, hnamdang te sakhua zirna hi judaism hian akhap tih na em ni? ka Rav chuan a soi leh danah chuan an lehkhabu thianghlim poh i chhiar thei a,izir thiang ani, a ti leh tlat mai, nih chuan soi dan hrang hrang avang hian em ni le? judaism ah poh ngaihdan hrang , tawngtai dan hrang deuh a om le???? min hrilh theih chuan ka lom viau ang :D
Reply Moshe Ilan
1:40 PM on August 28, 2010 
Thian pa, mi tam takte ngaihdan an sawi ngam si loh i sawi chhuak ngam a, a tha e, lawmthu ka hrilh a che, amaherawhchu, hei hi Judaism thu kan zir tlem vang ani a... heta Rav pakhat sawi i tih pawh hi, Rav chuan hetianga thu a sawi chhuah hi ka ring lova, achhan chu, Juda te dan bu HALAKHA buah chiang tak takin a inziak keu kuau hlom a, ani tak reng a, thil kan sawi hma hian kan thu sawiah hian mawh kan phur ngam em tih hi chian hmasak atha, a reng rengah Chutiang zawnga Rav thu lo sawi an awm chuan,, khawngaihin a hming min hrilh la,ka lawm ngawt ang, a thusawi avanga mipui an tluk dawn ai chuan, siam that vat a tha,,,
Engpawh nise,, hei hi i lo en tir dawn nia,, HALAKHA bu Shulkhan Arukh Hashalem - (Gansfried) ah chuan heti hian a inziak a, Bung (Siman) 167;1 ah , Avoda Zara (hnam dangte pathian biakna) thil reng reng chuan kan inti bawlhhlawh tur ani lova, kan dahpawlh tur ani hek lo, chutiang thil chu 1 lek pawh lo awm se, zhumi hmunah chuan thil dang Mitsvah thil 1000 dang pawh awm mahse, chu hnamdang te pathian biakna thil 1 lek chuan a vai chuan a hmun chawp chuan a ti Kosher lo ani, hetiangin;- a awmna inchhung te, rimawi leh zai puina chi reng reng thil te tihin a inziak tlats mai... chuvangin, , I Rav chuan ala hmu lo poh a ni mai thei a, mipuite a hruai sual hmain ,, hei hi lo en ve mai mai rawh se... iti lawm awm e...

Tin, Judaism chu , heta milem pathian betu Mahat Magandi i tehkhin ang mai mai hi a ni ve lova,,,, haha ani chuan a duh duh lo chhiar se,, lo kawl se, atan thiang lo a ni ve tlat lo, mahse Juda mi P-thian Lal fa tan chuan,, heng ang thil tenawm ah hian kan inti bawlhhlawh ve thiang tlat lo mai,,, kei ni chu hnam thianghlim kan ni a, chuvangin , P-thian pawhin an mahni anga kan intihbawlhhlawh ve loh na turin min tihrangin min thlang bik ta reng anih kha,, P-thian hnam thlan afa Judate dam reng rawh se..
Reply virus_pac
9:17 AM on August 27, 2010 
Kan inchhungah hnam dang Pathian thu bu, hnam dang pathian hla bu leh disc kawl te kan awm em? Rorel ni hma ngei hian harhchhuakin kan inchhungte i Kosher thar ang u hmiang. Kan nihna Juda-ah hian nge kan chian a, kan bona hnam nihnaah khan kan la chiang zawk?
======== hnamdang te pathian thu bu leh hla chhiar a ngaihthlak hi juda te tan phalloh em ni??? ka lo hriat dan chuan phalloh anihna ka hrelo rav pakhat ponti hian min chhang aphalloh chu anilo a, mahse kristian hla i ngaihthlak a vanga i kristian dawn ai chuan phalloh ltkkk ani, ti in min chhang a, Mahatma Gandhi poh khan bible chu a chhiar nasa ngang mai a a kristian phah chuanglo a,bible poh kawl ila koran poh kawl ila, ka in chhung a kosher loh na ka hmu tlatlo mai, mi dang te sakhua zir a, hriat chian na hi kan juda nihna a chhiat phah loh chuan a sur anih na k ahmu tlatlo an hla ngaihthlak poh asur anihna ka hre tlatlo Rav pakhat soi kha ka pom khop mai,,, nge in ngeih ve dan le??????