HAKHOKHMA Post Post New Entry

Bnei Menashe nge Benei Menashe

Posted by hakhokhma on April 25, 2013 at 11:50 AM

    Ulpan kan kal lai te chuan kan hre ning hlei hlui hlawm tawh ngei ang. Mahse, tun tumah chuan intuaithar leh nan ang reng deuh vin, tlem a zawng kan ennawn lawk ang.



    A bikin mizo tawnga E anga ri 'Shva' (שְֹוָוא;) hi han thlur bing i la, hei hi hawrawp hnuaia chhunhan pahnih a chung leh hnuai a awm a ni a, chi hnih a awm a, chung te chu 'Na' leh 'Nakh' te an ni a, 'Shva Na' hi thumala a awm chuan chawl lova lam tlang pui chi ang a ni, tin, 'Shva Nakh' hi thumala hawrawp hnuaia a awm chuan chawlhpui deuh hlek chi a ni.



    He 'Shva' (םְ;) hi thumal ah hawrawp hmasa bera a awm chuan a ri chhuak tur a ni a, hetiangin; בְּנִי (Beni), 'Bni' ti mai lovin. Tin, Hawrawp hmasa bera E hmanna ah hian 'Segol' (םֶ;) a hnuaia chhunhan 3 awm ang chi hi hawrawp pahnihna a a awm changin emaw, Plural form a hman angaih huah 'Shva' ah emaw, 'Kamats' (A anga ri hawrawp hnuaia T ang deuh awm kha) ah a inlet thin bawk. Hetianga hawrawp pahnihnaa a awm hian a tlangpuiin 'Shva' (E) hi a ri ngai meuh lo thung. Tin, hawrawp pahnihnaa a awm hian a hma chiaha hawrawp awm sign chu a thlak danglam tir thin bawk. Entirnan; Beer Sheva (בְּאֵר שָׁבַע;) tih hi 'Shva' hmanga ziak ani a, a hma ah hian ל emaw ב emaw kan belh dawn chuan 'LeBeer Sheva' emaw, 'LaBeer Sheva' ti tawh lovin, 'Liver Sheva' / 'Biver Sheva' tiin kan hmang thung tawh ang. Chutiangin 'Lirushalaim' / 'Birushalaim', tiin.



    Keini lam kaihhnawih deuh atan, 'Benei Menashe' (בְנֵי מְנַשֶּׁה;) tih hi kan en chhin ve thung ang.


  
    Benei Menashe tih chu Menashe-a fate tihna ani mai a, mahse, eng tianga ri tur nge, eng tianga ziah tur nge? tih kan chhui chhin ang.



    Mi pakhat chauh sawi nan lo hmang ta ila, 'Ben Menashe' (בֶּן מְנַשֶּׁה;) . Hetah hian 'Ben' tih laiah hian 'Segol' hman ani a, buaina awm lovin, 'Ben' tiin kan ziak thei, tuman 'Bn' tiin an ziah hriat ani ngai lem lo.


 
    Anih leh 'Ben' (fapa) tih chu pakhat aia tam sawi nan lo hmang duh ta ila, fapa te tiin lo ziak dawn ta ila, chuti anih chuan 'Benei' (בְנֵי;) tia kan hman a ngai ta a, mahse, tah hian ב hnuaia a hmaa 'Segol' kha 'Shva' ah a lo chang ta a, 'Shva' ah lo chang hrih pawh nita se, hawrawp hmasa bera ala awm chhung chuan a E leia hi kan sawi bo thiang ta lo a ni. Chuti anih chuan eng tin nge kan ziah/sawi tak ang?


    Aw le, a chung lama kan zir tak ang khian hetiang 'Shva' (םֶ;) ho ang hi hawrawp hmasa bera a awm chhung chuan E a ri tel tur tih kan zir tawh ang khian, 'Menashe Fate' tia kan ziak/sawi duh anih chuan 'Bnei Menashe' ti mai lovin 'Benei Menashe' (בְנֵי מְנַשֶּׁה;) kan tih a lo ngai ta tihna anih chu.


    A 'Benei' laia 'Shva' hi kan ti ri dawn lo anih a, 'Bnei' tia kan hmang dawn anih chuan, a thumal pahnihna ah pawh khian 'Menashe' tih lai ah khian מ hnuaiah khian 'Shva' tho hman ani si a, chuti anih chuan khitah pawh khian 'Shva' laia khi tih rik loh tho awm tak, chuti anih chuan 'Benei Menashe' tih aiah, 'Bnei Mnashe' tia ziah tur ni awm tak ani si a, mahse, a ziah dan tur dik tak zawk erawh chu, 'Benei Menashe' a ni.



    Tin, a chung lama kan zir tawh ang bawk hian, 'Shva' awmna lai hawrawp chu hawrawp pahnihnaa a awm hun chuan a E (Shva) laia hi ri chhuak lovin a hawrawp hmasa ber pawh a sign ti danglamin mizo tawnga I in a lo ri chhuak tawh ang a, hetiangin; ל emaw, ב emaw kan belh a ngaih hun chuan, 'LeBenei Menashe' / 'BeBenei Menashe' ti lovin, 'Livnei Menashe' emaw, 'Bivnei Menashe' tiin kan lo ziak dik tawh in kan lo sawi dik tawh dawn a lawm...



    Amaherawhchu, Slang anga kan hmang dawn anih emaw chuan a tu a pawh chuan 'Bnei Mnashe' pawh chu lo ti mahse, a sawi tum chu tun kan hriat thelh sak chu a rin awm loh. Tin, Ivrit (Hebrew) hi a special em em a, a thumal emaw, a hawrawp emaw ang hian ama nihna rau rauvah awm zia leh lam dan thuk tak a nei vek hlawm a, heng ang hi tawng dang hmang hian a ziah chiah chiah theih vek loh va, chuvangin, tu pawn a duh ang ang chuan lo ziak pawh chu nita ang se, Ivrit hawrawp a a ziak anih loh avangin, a ti dik vek tho ve..

Categories: Kehila, Community, Hebrew, Article

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments