Kan Editor leh Jeremy Gimpel (Habait Hayehudi Party tana MP Candidate) te inkawmna:

Moshe Ilan : Kan tan thil thar eng vak lem mah i rawn sawi lova, tunhma lam te pawhin Parliament member tam tak ten min lo kawmin min lo ti ti puiin thil eng eng emaw min lo tiam fo tawh thin a, nangmah ang tho hian Sanction chungchang te, Alyia chungchang leh thil dang dang ah te. Amaherawhchu, a tawpah engmah kan hmu leh ngai chuang lo a ni. Kha tianga min lo tiam tute kha kan en zui reng zel a, ka sawi sual loh chuan in Party ngei ami Tsvi Hendel te leh Party hran hran ami te nen pawh inhmuhkhawmna kan lo nei tawh thin a, mahse, a tawp ah eng mah kan hmu leh ngai lovin, eng mah kan dawng tak tak ngai chuang lo a ni. I thu sawi zingah khan i fimkhur em em a, chuvangin eng mah pawh i tiam duh lova, mahse, thil pakhat i tiam a, chu chu India rama zin a ni.

Jermy Gimpel: A dik.

Moshe Ilan: He India rama i zin hian enge kan tan tanpuina a pek ang a? Tin, eng rah tha nge he i zinna hian i thusawi zinga i thil tum i sawi te ah khan hlawkna leh hmasawn puina nei tura i rin?

Jeremy Gimpel: Eng mah tiam lo turin ka fimkhur em em a, a chhanchu politician ka nih loh vang a ni. Dawheh nih ka duh lova, mahse, ka tum ang tih erawh chu ka tiam thei a ni. Hei hi ka hre lova,Tsvi Hendel-a chu a mimal taka hriatna ka nei lova, mahse, Rosh Hamoatsa (Mayor) pawh nise, tu pawh thlan tlin nih tum apiang chuan Benei Menashe te hnen ah hian an lo kal hmasak thin hi ka chiang a, tichuan, thil eng eng emaw an tiam cheu ang a,mahse, kei chuan kum tam tak Benei Menashe te hi ka lo tanpui tawh cheu a ni.

Moshe Ilan: He thu, tun hma lam tein ka lo tanpui tawh thin cheu i tih ah hian zawh duh che ka nei a, tunhma lam tein nangmahni chungchang thu thehlarna lam ah ka pui cheu i ti a, hetiang kaihhnawih thu hi pakhat mah ka la hmu ngai lo a ni, Internet lamah engtik lai pawhin kan hnam chungchang thu a Article leh thu chhuak awm reng reng hi ka lo chhui zuiin ka lo ngaihven zui ve thin a, mahse, i thusawi ang hi ka la tawng fuh lo tlat mai.

Jeremy Gimpel: Hei hi ram dang Television ah a nia.

Moshe Ilan: Ok, a ni mahna, tin, tunhma lamin kan hnam (Community) tan pawisa i khawn tawh thu te i sawi tel bawk a, chutiang ang pawisa chu i lo khawn hlawhtling anih chuan khawiah nge chu pawisa chu a thlen le?

Jeremy Gimpel: Shavei Israel hnen ah.

Moshe Ilan : Ok, thil dang leh, Kneset ah Benei Menashe tan theihtawp chhuaha sual (fight) i tum thu kha i sawi a, eng thu ah nge tih chiang deuh hlekin min hrilhfiah thei em?

Jeremy Gimpel: Etiopian pa in a dawn ang zawng zawng Menashe pa pawhin a dawng tur a ni. Thil theih ani lova….

Moshe Ilan: Eng te nge chung te chu?

Jeremy Gimpel: Special Housing Loan te an dawng a, chu chu entirna pakhat a ni. Russian ho pawhin a special bika thil zir theihna te an dawng a, Benei Menashe chuan an dawng ve lo a ni. Hatava (ngaihhna thiamna / tihthatbikna) ang hi engmah in dawng ve lo a ni. E nge hei hi a chhan? In tet vangin tuman an rawn hmu lovin an rawn ngaihsak lo cheu a ni. Chuti anih avangin P-thian zarah Power ka lo ngah deuh zawk bawk a, achhanchu, English tawng hmang te zinga mi ka lo ni bawk a, mahse, English tawng hmang te hming chauhvin ka tawng dawn lova, chutiangin, Benei Menashe te hming chauhvin ka tawng dawn lo bawk a, Community te neuh neuh dang an la awm leh a ni.

Moshe Ilan: Eng tiang chiahin nge English tawng hmang te chuan Kneset ah nghawng an nei thei tura i rin le?

Jeremy Gimpel: Israel ah hian English tawng hmang mi 25,000 vel vote thlak thei an awm a, Kneset a chair chang phak thei tur chuan voters 25,000 vel vote tu an awm a ngai a ni.

Moshe Ilan: Anih, chung ho chuan nang hi thlangin an lo vote tling ta che a,eng tiang chiahin nge Knesset a ban phar hunah mi 121 MP zingah i ban pakhat phar chuan kawngro a sut kuak ang le?

Jeremy Gimpel: Tuna Primaries kan neihna turah hian MP dang zawng te aiin vote ka khawn hnem zawk tawh a, Chairman te tih lohvah, MP pangai zing ah rau rau chuan, i duh chuan 'Aruts Sheva' ah I hmu thei ang.

MosheIlan: Mi Sang thum vel i tana campaign ni angin ka hmu a.

Jeremy Gimpel: A dik, khatiang anga MP chanchin dang an ziah kha an awm ve lova, chuti anih avangin, tun dinhmun ah chuan a chak ber te zing ami ka ni…

Moshe Ilan: I thil tuma tha ka tih deuh chu Zionist Sakhawmi Party pahnih 'Habait Hayehudi' leh 'Haikhud Haleumi' te inzawm khawm i duh chungchang thu hi ka rilrempui pui em em che a, hei hi atakin a thleng ngei ang, tih hi kan hmu thei dawn em le?

Jeremy Gimpel: Hemi chung chang thu hi Shmuel Chenkual-a nen pawh kan sawi a, thil pahnih ngen chhuah ngei tura nawr ka nei a, pakhata chu inpumkhatna ani a, Party te reuh te te pahnih chuan power an nei lova, hei hian tumah, nangni leh keini min pui thei dawn lo a ni. Hei hian Zionist Sakhawmi pawh a pui dawn lo a, chutiangin an party pahnih pawh chu an inpumkhat loh chuan a pui dawn bawk lo a ni. Party pakhat lian anih chuan chu chu Power a ni. Kharedim ho ang in, an ni chuan Power an nei a ni.

Moshe Ilan: Mipui ngaihdan an lakna kha ka lo hmu a, hetiang hian Party pahnih te hi an inpumkhat chuan Kneset ah seat 10 lai an chang thei dawn a ni.

Jeremy Gimpel: Seat 10 chuan Power a nei tham reng a ni. Shas Party pawhin seat 11 an nei a, Shas Party ang kan lo ni dawn a ni, a lian hle a ni. Tichuan, ka thil ngen leh nawr pakhat chu, kei chuan Basis chak tak ka neih avangin kan Party hruaitu tur atan chuan ka duh duh mi kha ka ti lal thei mai dawn a ni. Chuti anih avangin ka thu chu an ngaichang hle dawn a ni.

Moshe Ilan: Tunge Party Chairman tur atan i thlawp dawn?

Jeremy Gimpel: Ka thil ngen te min tih hlawhtlin sak thei tu tur. Thil pahnih ka ngen a, tin, Yehuda leh Shomron lam atanga kan mi leh sate pawhin thil ngen an nei ve bawk a, mahse, kei chuan Basis chak ber ka neih tlat avangin ka thu chu a chak ber dawn a, kei Rabbi Jeremy hian thil ngen pahnih ka nei a, pakhata chu inpumkhatna a ni a, a pahnihna chu Olim Khadashim (Pem thar) ho tana Makhlaka (Department) neih ani a. Habait Hayehudi Party hian Olim ho Makhlaka an hawn hi ka duh a ni. Hei hi Olim Khadashim ho puihna tura tan a tih ani dawn a ni. India atanga rawn pem te, America atanga rawn pem te, Peru ho te, heng ho tena tanpui an ngaih huna tanpui tu tur Department fel tak a lo awmsa hi ka duh ani. Heng thil pahnih te hi ka thil ngen leh nawr te chu an ni.

Moshe Ilan: Aruts Sheva a i interview naah khan Party pahnih te hi an inpumkhat theihna tur anih dawn phawt chuan i dinhmun (i Chair) pawh i thap huam thu kha ka lo hmu a.

Jeremy Gimpel: A dik.

Moshe Ilan: He thu zul zui ang hian Kneset ah lo lut leh ta si lo ta ang la, kan hnena i intiamna leh i thil tum i sawi te hi athlawn mai dawn nge? Eng tin emaw kawngro su tura thil tihtheihna ala awm tho ang em le?

Jeremy Gimpel: A chiang hle ang chu… He thil pahnih ka ngen leh nawr te hi Kneset a ka luh leh luh loh pawhin an ni dawn a, Kneset ah hian ka awm kher hi a ngai hran lova, ka ngai pawimawh hran lem lo a ni.Chuvangin alawm Politician ka ni lo ka tih kha, pawn lamah pawh nuam takin ka khawsa thova, ka thil ngiat te hi inpumkhatna leh pem thar te tana Department neih a ni a, hei hi kneset a ka awm leh awm loh pawhin a ni dawn tho a ni. Pemthar te Department hi Benei Menashe te tanpui tu tur chu a ni. Hei hian Kneset a ka awm leh awm lohvin kawngro a sut phah dawn lova, chuti anih avangin, ka chair tur Jeremy-a Kneset a ka chair tur chu ka ngai pawimawh hran lo… A hmasa berah Israel hnam te inpumkhatna chu ka ngai pawimawh a, tin, Pemthar te hamthatna tur ka ngai pawimawh bawk a, chutiang ka tih puitlin hunah chauh chuan Kneseta ka luh leh luh loh chu ka ngai pawimawh ve ang.

Moshe Ilan: Aw le, zawhna tawp ber tur a tan.

Jeremy Gimpel: Nilo, zawhna tha tak tak hlir an ni.

Moshe Ilan: Tunhma lamin a huhova Benei Menashe te chen bitna deuh deuh i tlawh kual tawh leh i inhmuh pui tawh a, i be kual tawh hlawm ni khan i insawi a, khang i kal kualna atang khan enge kan harsatna leh kan tana hmalakna tur atana thil tul nia i hmuh?

Jeremy Gimpel: Zirna lama tanpuina leh Thalai tleirawl te tanpui hi a tul niin ka hmu.

Moshe Ilan: Chung kan harsatna i hmuh chungchang thu ah chuan hmasawnna tura hmalak pui tumna i nei em?

Jeremy Gimpel: Teh reng mai.

Moshe Ilan: I thil tih tum te i sawifiah zau ngai lo hle mai.

Jeremy Gimpel: A chhanchu, hei hi ka mita ka hmuh vang ani a , amaherawhchu, in hnen atanga hriat hi ka tan a pawimawh a, achhanchu, enge ka hmuh? Pawn lam atangin ka ni a, ka thil tih ngai chu Community hrang hrang atangin aiawh tur kan siam ang ang a, chung mite chuan kan community ah chutiang khatiang chu kan mamawh an ti dawn a ni, entirnan ah, Ofra khua ah chuan thalai hlir an ni a, Kiriat Arba ah thung chuan Upa ho tam tak an awm a, an thil mamawh te chu a hran dawn a ni. Chuti anih avangin Community tin te chuan aiawh an nei ang a, chung ho chuan an mahni mamawh theuh chu an rawn theh lut thin dawn a ni. Chutianga tih chu kan mamawh dawn a ni.

       Chuvangin, P-thian tanpuina azarah a lo berah tunah chuan tu hnenah nge chutiang mamawh chu dilna hmun tur i nei ta a ni. Tun thleng hian Kneset ah tu nge biak theih i neih a? Tumahin aiawh tu in nei lo a ni. Tumahin in tana thil tihsak tu cheu in nei lova, Chuvangin, hei hi i hriatthiam a ngai a ni, Politician mi chuan chutiang chu atih sak dawn lo cheu a, chuvangin, hei hi ka sawi duh ani, Kneseta ka luh hmain Pemthar ho tanpui tu tur Department hi ka din phawt dawn a ni. Ka luh leh luh loh chuan pawina a awm dawn reng reng tawh lo a ni, Pemthar ho tan Department awm tur chu a chiang dawn a ni. Benei Menashe te hi Kneset a ka luh pawhin, luh loh pawhin ka ngai pawimawh dawn a ni.

      Chuvangin, in tana Interest hi ka tana Interest aiin ka dah hmasa zawk a. Chu chu Politician mi ani lo a ni, Politician mi chuan amah a inngai pawimawh hmasa a, thlan tlin a nih hnuah a theihnghilh leh dawn cheu a ni. Kei chu chutiang let hlauh chu ka ni a ni. A chhanchu, Politician ka nih loh avang a ni P-thian zar ah.

Moshe Ilan: A zawhna tawp ber tak tak atan, kan hnam chhunga Politics awm chunga leng ka ni dawn a ni kha i ti a.

Jeremy Gimpel: nia.

Moshe Ilan: I insawi dan khan , tunhma lam ah khan, Benei Menashe te tan pawisa ka khawn khawm kha i ti a, a tawpah khan Shavei Israel hnenah i thlen tir leh hlauh si a.

Jeremy Gimpel: A dik.

Moshe Ilan: Chuti anih chuan, kan hnam chhunga thu leng nuaih nuaih ka lo hriat danin, nangmah Rabbi Jeremy-a, Shavei Israel tana MP in candidate pa chuan Benei Menashe mipui te hnen ah vote zawngin a kal kual a, chu chu a tawpa Shavei Israel pawl a tanpui theih nan a ni. An tih hi a dik reng em? Eng tin nge he thu hi i sawifiah dawn le?

Jeremy Gimpel: Kan inzawmna hi tun thleng hian Shavei Israel te nen a ni a, BMC (Benei Menashe Council) te hi an awm ngai hi ka lo hre reng reng lova, thil dang a lo awm anih hi ka la hre ngai hauh lo a ni. Michael (Freund) hi ka thian ani tih ka hria a, English tawng hmang alo ni ve bawk a, amah chu mi tha tak a ni a, tanpuina a dil a, a duh ang chuan ka lo tanpui mai a ni. Ka lo hriat ngai loh kha, tunah chuan ka hriat thar belh zel ta a, an zavaiin kan tanpui tur a lawm. Michael-a leh Shavei Israel tana ding leh thawk, an aiawh ka ni lo a, Michael-a leh Shavei Israel chu ka lo hriat danin ka ngaina hle a, Mahse Organization dang te an lo awm a, an vai chuan kan pui dawn a ni. Mahse, lam tang thlan chu thil thiang anih loh bakah, dan kalh pawh a ni a, thil tih atana awm leh mawi pawh a ni lo. Tu pawh ka tanpui dawn a, an pahnih chuan, Organization tam tak awm mahse, thil tha an tih phawt chuan kan tanpui vek dawn a ni.

Moshe Ilan: Ka zawhna te min chhan sak avangin ka lawmin, i kal zelna turah duhsakna ka hlan a che.

* Hebrew a chhiar na - click here