HAKHOKHMA Post Post New Entry

Rav Shimona thilmak tawn chungchang

Posted by Moshe Ilan on June 17, 2012 at 9:50 AM

    Shabat Parshat 'Shlakh' (16/6/2012) khan Pu Yosi Thomte te in Ramat Mamre khuaah Benei Menashe Rabbi hmasa ber Rabbi Shimon Gangte hovin Shiur neih a ni a, he shiur ah hian Zawlnei te ziak chungchang zir a ni a, mipuiten ngaihthlak nuam an ti hle a, tichuan, Shiur zawh lampang hian tunhnaia a thil tawn mak atih deuh mai chu a sawi bawk a ni, he a thil tawn hi a mak em avangin midang te hriat ve turin kan han pholang hram ang e.


    Kar thum vel hmalam khan a nupui Rabanit Rivka Gangte leh a nu chu India ramah zin turin Ben Gurion Airport Tel Aviv lam panin a hruai a, hetah hian amah Rav leh a fapa leh a nupuia nau Binyamin leh a nupui leh a a nupuia nu te chu a motor ah hian an chuang za a.



    An in reporting time hun tur hi chawhnu dar 2:00pm ah a ni a, tichuan an thlawhchhuah hun tur chu tlailam dar 5:00pm ah tur a ni a, mahse, an hna lamah an buai deuh avangin reporting time ah hian theng thei lovin, tlai lamah chuan Airport lam pan chuan an tlan chhuak ta a, tichuan kawng laka an tlan lai chuan an motor ke chu Puncture in buaina an tawk taa, mahse High Way ani si a, kawng sira dinna mai tur an hmuh rih loh avang chuan Km3 vel lai chu kawng sira din theihna tur melh chung chuan an tlan lui taa, hetih hunlai hi tlailam dar 4:00pm vel ani tawh a, tichuan, kawngsira din theihna tur hmun an hmuh veleh chuan an ding taa, tichuan, motor atang chuan chhuk thlain an han enfiah nak chuan, an motor ke chu a lo chhe nasa tawh khawp mai a, mahse an nu Rabanit Rivka chuan "Shimon, i motor site hi a sir tawk lo, chuvangin a hlauhawm, khawi chahbi kha min lo pe teh, kan site tha ang e," tiin, Rav chuan chahbi chu a pe a, tichuan, Rabanit chuan a sir deuh zawkah chuan a site tha taa, Rav Shiomon'a chuan a sana chu ahan en a, motor ke thlakna tur Spare an neih chu a hre thova, mahse, an thlak hun chhung nen eng ti kawng mahin dar 5:00pm hma chuan Airport chu an thleng hman dawn lo tih chu a hriaa, an Ticket lah chu last minute a an lei anih avangin, Cancell mahse, a man an hmuh let leh theih tawh loh thu an hre bawk si. Pawi ti leh tihngaihna hrelo tak chung chuan Rav chu maimitchhingin a tawngtai ta tawp mai a.


    Rav chu tawngtaiin, "Hakadosh Barukh hu (Aw Lalpa) min han pui teh khai khawngaih takin" tiin. Chutia a tawngtai zawh hma hma chuan, a nupuia nau Binyamin-a chuan "Rav Shimon, hei mi pakhat alo kal, han be teh" tiin a rawn au va, Rav chuan a mit chu mengin chupa lam chu a han en a, chupa chu a motor atanga lo chhuk thlain, "Puih in ngai em? hei Airport lam panin ka kal dawn a, ka motor hi a lian thova, keimah chauhin ka ni a, in lo tel ve duh em?" tiin, a rawn zawt a, Rav chuan mak ti tak hian, "Aw.. ava lawmawm tak em, hei ka nupui te hi dar 5:00pm ah an thlawhchhuah a ngai a, min lo va hruai sak mai ta che," tiin, a chhang a, tichuan, chupa ho chuan, Rabanit Rivka leh a nu chu an kal ta a, a hmunah chuan Rav leh a fapa naupang te leh Binyamin-a chu an awm ta a ni.


    Tichuan, an motor ke chu an han thlak taa, an thlak zawh chuan, kal tumin motor ah chuan an lut khawm taa, mahse, motor chahbi chu an hmu zo lehta tlat lo mai a, Rav chuan a nupui chu a han phone a, a nupui chuan a hand bag ah motor chahbi chu a lo dah daih chu niin, mahse, Beit El khua atanga rawn thlah tu midang te pawh Airport ah chuan an awm thu hrilh in, lo nghak ula ka rawn thawn mai ang, tiin, a hrilh taa.


    Tichuan, Rav te ho chuan lo nghakin, Tel Aviv khaw lum em em ni ni bawk si, an motor ah chuan engmah eitur leh tui tak ngial pawh an lo nei si lova, tichuan, motor sirah chuan an pathum chuan an ding tawp mai a, a hnu deuhvah chuan afapa chuan apa hnenah chuan tui intur a ngen taa, a pa chuan tui an neih loh thu chu hrilhfiahin a hnem a, tichuan, hetia nisaa awm ringawt chu thil dik ani lo tih hriain, daihlim lam an zawng taa, tichuan, an motor hnung lam zawn meter 50 vela hlaah chuan thingbuk te reuhte hi an hmua, chumi lam chu panin chumi thing hnuaiah chuan an thu ta a, a hnu leh deuhvah chuan afapa chuan "Apa, ka tui in a hal" ati leh a, Rav tihngaihna hrelo chuan, Binyamin-a hnenah chuan "Binyamin, P-thian hian tui min lo pe thut mai se tiraw..." ati ringawt a, chutia a sawi zawh veleh chuan, an motor piah deuhvah chuan car pakhat hi a rawn breack ri hrawih mai a, an ni tihngaihna hrelo chuan an hawi phei hu mai a.


   Car atang chuan putar (Sakhawmi) pakhat hi a rawn chhuak a, a motor hnung (Baggage) chu a hawng rawk rawk a, tui um hnih hi a rawn khai chhuak a, Rav Shimon-a motor dinglai chungah chuan a rawn hung tawp mai a, mak an ti lutuk be phak si lo chuan, ral khat atang chuan kut zaizirin a man ka pe ang che, tiin, Rav chuan a han ti a, mahse, chu putar chuan, zaizir vek chuan, a ngai lo tiin, a motor ah chuan lutin a tlan leh nal nal mai a, tichuan, chu khawlum hnuaiah chuan tui vawt intur neiin thlapang lovin tha takin an chahbi chu an lo nghah theih phah ta a ni.


    He thu hi a mak khawp mai a, P-thian hian mitin chungah hian rorelin kan harsatna te a hnen lamah tihtakzeta kan thlen thin chuan, amah chuan min rawn pui thin a ni. Hei hi Hebrew chuan "Hashgakha Pratit" an ti a, P-thian hian mitin te hi thil mak tak tak hmang hian min enkawl fo thin a ni.

Categories: Kehila, Community, Judaism, Article

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

1 Comment

Reply ezrachhakchhuak@yahoo.com
10:35 AM on June 17, 2012 
Tichuan, Menashe chate chu kan ni tak tak a ni.. Tih Van .. Chuan a hriattirta che .. Ka mumangah ka lo hmu a sin!!!!!