HAKHOKHMA Post Post New Entry

Mizo te Chu Mizo te Hi Kan Ni

Posted by hakhokhma on June 8, 2012 at 10:35 AM

    Tunlai hian Mizote chu tute nge? tih chungchang kan sawi nasa hle a, chu chu Mizona tihbuai phet tuma min chang reng hovin remchangah la-in, fing taka min tihbuai zual an tum mek thei, I fimkhur em em ang u! Tin, Kan Mizo Kut zinga kan ngaihhlut ber “Chapchar kut ” te hmang velo tu ni mai lova, hman ho dial dial theih a duhawm hle mai. Mizote inpumkhatna tihchhiat tuma 'Menashe kan ni tak tak lovang' emaw 'Mizo kan ni tawh hleinem le' ti a lo au lo au tawk lah bo lo! Kan hun tawngah Mizona hi humhalh a tul ta hle niin a lang a, “Mizo ” tih “kan sakhming ” hrim hrim pawh hian humhalh a mamawh ta! Fimkhur a tul ta!


 

      History hi chhui thui poh leh mi zawng zawng hi thlahtu thuhmun kan nihzia kan hrechhuak deuh deuh. Thlahtu thuhmun, Adam Ha-Rishon a tanga chhuak vek, unau vek ni chungin hetiang hian hnam hrang hrang kan lo ding ta a. Chu’ng zingah chuan hnam ni ve turin “Mizo ” pawh hi a lo piang ve a, “Mizo ” tih chu koh duat nan leh hla thu-a sawi nan “Zo..” tih a ni thin .Chu “Mizo ”-ah chuan “Zo ” inti ho leh “Zo nilo ” in tiho zawng zawng an leng thei.


 

     Mizote chu khawi hmunah pawh an hnam hming chu “Mizo ” a ni zel a, India a ni emaw, Burma a ni emaw, Malaysia a ni emaw, USA a ni emaw, Israel a ni emaw a danglam chuang lo. “Mizo ” an inti thin!! A Special dan hi in hrethiam phak em!! Chu’ngho chu an chhehvel hnam dangte leh khawvel pawhin “Mizo ” an ti bawk. An awmna hmun a danglam avangin “Mizona ” an phatsanin, lehlama awr dum, lehlama awr senin an awm ngai lo. Mizo hi sawifiah tuma buai buai aiin nihfiah zawk mai a tha. Chutianga Mizo nifiahte chu Mizo anni a, khawvel pawhin “Mizo ” a ti thin.


 

     Tuna kan hman mek hi “Mizo tawng ” tih a lo ni a, mithiamte ziak Mizo tawng zirna lehkhabu thahnem fe kan nei.”Mizo tawng ” tiin zirna skulah pawh zir a ni a, kan tu leh fate pawh kan zirtir a pawimawh em em a, a bo mai kan phal tur a ni lo!! Mizote chu “Mizo ”-a lungawi a, Mizo nih zahpui lo zawng zawng, hnam dangte pawh in a “Mizo” tia a hriatte hi kan ni a, khawvel pawhin “Mizo ” min ti thin. Khawvelin min tih aimahin keimahnia “Mizona ” awm hi a pawimawh zawk a. “Mizo kan ni ” tih kan rilru-a awm hi a pawimawh ber. Chu chuan Mizo min nihfiah tirin Mizo Mizona a lo vul zual zel thin. Chu rilru pu lo chu tumahin Mizo anti ngai lova, chu aimaha chiang zawk chu anmahni leh anmahni “Mizo ka ni lo ” an inti. Mahse kei chu Mizo ka ni ka lawm e.


 

     Ngaihtuah zui atan: Engatinge Mizo nihna leh Judaism hi in kalh tlat a kan hriat tlat le!! Arpui nge Upa a tui? Mizo nge Upa Kristian?!


 

     Dawn tisei: Hnam vanga Ramthianghlim kan kal a nih si loh chuan Mizoram a tlaktlum duh vanga Vai Piangthar ang mai kanni ang tih ka hlau, a zahthlak dawn em mai!! Ka hmel te lo Eastern ve sin sen hle mahse Menashe ka ni tih ka hria a, ka lo in chhuang ve em em thin a, nih ka duh leh si loh chuan hetiang a dum zing a a var ang mai a lan sarhna Ram hi ka tan vahvaihna ram mai a va ni thei mai awm ve!! 'Heihi ka Ram a ni' tiin ka hmel a lo uang ve fu tawh a sin le!! Tak tak a na, Judaism Sakhuanna hi kan la na a, kan duh fir a, chuvang mai mai chu niin a lang!! Engpawh nise, Israel Hnam pawh sawm leh Pahnih laiah then hran anni a, mahse a tul hunah chuan Mipakhat ang mai a thinlung puiin, Ngaihdan te an in pawm tawn sak thiam tlat! Chu tak chu an chakna a ni!! Keini Mizo te pawh Hnam hrang hrang kan awm: Ralte, Hnamte, Sailo Kawlni leh a dang te.. Mahse kan Vaiin Mizo 'Menashe' kan ni mai a, Mizo Hnam tin pawh hi an Hnam ngau ngau pawh a la thenhrang zel theih a, entirnan: Ralte Siakeng, Ralte Kawlni tih te. Mahse chung zawng zawng min khaikhawm tu chu Menashe a ni. Tichuan Israel Hnam Sawm leh Hnam hnih awmna Ram ah Hnam pakhat ni turin kan thleng ta a, kan nihna te hi a sang a sin!! Lak sak min tum pawn kan dang tang tang tur a ni zawkin ka hria. Paih phal miah lovang u!! Nahai-a'n min lo char khalh daih palh ang!!


 

 

 Kawng min daltu sihal ver vek,

 Lem ang der thiam Mizo hmelma;

 Do zel na’nge Mizofaten,

 Lungrual takin kan Mizo hnam tan.


Ziak tu: David Bar Sela . Nitsan.


------------------


Mizo chungchanga mi thiam ho ti ti (Video) - click here

Categories: Article, Kehila, Community, History

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments