HAKHOKHMA Post Post New Entry

India rama Menashe thlah te hriat tanna chu

Posted by hakhokhma on June 4, 2012 at 6:55 PM

ראשית המידע על שבט מנשה בהודו     -  by Harav Elyiahu Avichail  שליט"א


     Kum 1973-4 (תשל"ג-תשל"ד ) Hebrew University a Rav hna ka thawh laiin Menashe fate ho nen inzawmna leh inhriat pawh tanna hmasa hi neih  ani a.

 

    Chutih laia ka hna thawhna chu Givat Raam hmun ah a ni a, chutah chuan Library lian ‘Sifria leumit’ chu a awm a,  chutih lai kum  chuan  Pu Shimshon Shimshon-a India lam chhuak mi  chu Library ah chuan Menahel a ni a,  chu pa nen chuan kan in hmelhriat tha em em a. Hnam sawm bote hruai kir leh na chungchang hna ka thawh thu te ka hrilh a.  Ka fapa Dael-a pawh chu Library ah chuan hna thawkin, ka thawh ve tawh loh hnu thleng pawh chuan an inhmelhriat tha hle a.

 

      A hnu kum enge maw chen hnu kum 1978 vel lai kha nita in ka hria, Pu Shimshon-a chuan India ram ah a hna thawh leh a hming te an lo hriat na atangin Lehkha thawn a dawng a, chu Lehkha chu Benei Menashe ho rawn thawn niin, amaherawhchu, an ni chuan India hmar chhak Juda te an inti a,  chu lehkha ah chuan  tanpuina an rawn dilna ani a, Pu Shimshon-a leh a thianpa Moris-a  chuan  ‘Misrad haDatot’ ah thlenin, ‘Talit’ te leh ‘Tashmishei Kedusha’(Sakhaw thil) hrang hrang te an lo pe a, chuti chuan, chu lehkha lo thawnna Address Manipur hmun lam pan chuan zin an lo titlu ta a, amaherawh chu, a hmun ah hnam dang tana luh theih  anih loh avangin Lehkha lo thawn tute nen chuan an inhmu thei ta lova, amaherawhchu, Bombay a Ort a zirlai Benei menashe thalai te nen chuan inhmu theiin  an hnen ah chuan chung Sakhaw thil hrang hrangte an dawn chu hlan a ni ta a ni.

 

         Heng thu zawng zawng hi tunah chauh hriattir ka ni a, achhanchu, kum tam tak hma lama kan in hmuhna a ka la hriat reng chu, chu lehkha thawn chungchang thu chu min hrilh a, ani chuan ,”chhan let leh chawtak khuka khuk pui chi a ni lo” tih min hrilh a ni.   Amaherawhchu, an ni ho chu ka be pawp tan ta a, tin, Israel hnam nena an inlaichin theihna te leh  Hnam sawm bote nena an inkungkaihna te chu ka chhui tan ta a,  chutia kan inbiak pawha lehkha te kan in thawn tawn vel tak atanga kum hnih zet hnu ah chuan Menashe hnam nena in zawmna an neih thu chu ka dawng ta a ni.

 

    Kum 1975 ah chuan Agudat ‘Amishav’ chu ka zirtirtu leh ka Rabi Harav Tsvi Yehuda Kook זצ"ל nawrna leh rawnna ang chuan din a lo ni ta a,  he pawl din natur atan hian kum khat vel chhung lak a ni a, tichuan, kum 1979 ah chuan  thil chi hnih ti tur in India  rama zin chu kan lo tithlu ta a, a pakhatna chu, Kashmir a kal a ni a, ‘Maariv’ chanchinbu a Article pakhata an chhuah chungchang thu atang chuan  Kashmir hote chu hnam sawm bote nena enge maw inzawmna tak awm anga an ziah avang chuan, chhui tura kal chu a ni a, tin, a pahnihna chu, Benei Mensahe te hnen a kal chu a ni, amaherawhchu,  an awmna hmun chu hnam dang tana luh theih loh a nih avang chuan va lut tur chuan tihngaihna ka hre lo hle mai a, hetia a luh theih loh thu hi Kashmir ah chauh chuan kan hre bawk si a ni.


    Chuti a nih avang chuan,  Kashmir a kan awm laia kan thu hriat thar pakhat, hnam chi khat ‘Knanaim’ ho South India lam ah an awm thu kan hria a, chung ho va tlawh chu kan tum leh ta thut zawk a, chuta kan va zin chu kan hlawk pui hle a ni. Tichuan, engemaw chen hnu ah chuan, tun hma kum 60 hma lam vela  Benei Menashe te hnena thil thleng te chu  kimchang takin ka hriat belh a.

 

      Mizorama an Hotu pa pakhat a hming ‘Chala’ an tih chuan engemaw zawl neihna nei mi ni ah ngaiin, chu chuan an rama haw kir leh tawh chu a hun ta e a ti a, chu an ram chu Israel ram  a ni tih an hria a, (hman laia an ram hmasa a ni tiin an lo hre thin a ni).


   An tana hun thar lo in her chhuak tura chu nghakin an hna thawh lai te chu an chawlh san ta a, (Pu Chala lo sawi ang chuan), hetia hna thawk lova an awm hi thla enge mawti chhung alo tling tak avangin, an ram Sorkar te chuan hna thawk leh tawh turin an nawr ta a, tichuan, an hna te chu an thawk leh ta hlawm a, chutiang teh hrep anih tak avang chuan, Israel rama kir leh chu Judaism tluantling nihna tak taka kir leh phawt a nih loh chuan a theih loh thu an lo hre ta a ni. Chuvangin, India rama Judaism Center a Yehadut zir tur leh eng eng emaw bungrua Lehkhabu te, Sidur bute, Khumashim te leh sakhaw thil hrang hrang te fawmkhawm tur chuan Palaite  an thawn ta a,  hetiang vel thu ah hian a ni Israel rama Pu Shimshon Shimshon a hnena lehkha lo thleng a tanpuina an dil thu vel chu. 


    Pu Shimshon Shimshon-a leh a thianpa chuan in hnen rawn thlen tum chuan an lo bei nasa tawh ani awm a, chutiang chuan tun hnaiah chauh kei pawn ka hria a, amherawh chu  an hlawhchham erawh a,  achhanchu, India ram Sorkar chuan chutianga hnam dang tana luh chu an phal lo a ni.  Chutiang ka thu hriat loh ang  lai hun hnu vel ah chuan,  Amishav in 'Mishlakhat' zin chhuahna hmasa ber tur atana India rama a kal hun chuan chutianga lo zin  tawhna ang deuh chuan tih ve chu ka rilruk ta a.  chutih lai hun chu  kum 1980  lai  ani a,  Kashmir ho hnam zir chian leh hmelhriat tum chuan kan zin ta a, an chanchin tlemte ka hriatna atang chuan hnam sawm te nen khan in kungkaihna an nei deuh em maw ni chu aw ka ti a,  chutiang ang chuan thingtlang khaw un tak tak leh hlui tak tak te a awm thu te pawh kan hria a, Pathan ho Afganistan-Pakistan ami te,  chutih hun lai chuan, Shevet Menashe ho lam pan tuma kal kan lo tum lai tak chuan Manipur leh Mizoram ah chuan Luh theih dan a awm loh thu chu kan dawng  leh a.  Tihian thu kan titlu ta zawk a, New Delhi a  thu kan dawn angin, Suria atanga India rama thleng ho Kristian mi leh sa hmasa ho te an awm thu kan hria a.

   

              Kum 1000 aia tam mah hma lama an tawngtaina  chu  Aramit Surit (Pshita) a ni a, chu tawng chu kei pawn tlem ka lo zir sil ve tawh a, chung ho zing amite chuan Yehadut(Judaism) a kir leh te pawh an duh a,  chutiang ang teh hrep hnu ah chuan, an zinga mi pahnihte chu kan zarin Israel ramah an in Giur ta a, Benei Menashe te Bombay Ort Sikul a zir mipa ho leh hmeichhe ho te nena inhmuh theih phah nan hun te chu kan hmang tangkai ta zaih bawk a,  tin, chumi hmun vela "Benei Israel" chengte ho nen pawh chuan kan inhmu hlawm a, Kerela a  zinna kan neih chu  atir atanga tum sa in 'Knanaim' ho hnam Hotu pakhat  a chhung leh kua te  Israel  hmangaihna thu te leh Yehadut lam zirtir thin pa awm chu va hmuh tum kan ni a, chu pa hming chu Pu Thomas-a ז"ל  a ni. Heng Knanaim ho hnam chungchang thu hriat belh leh hre chak chuan ka lehkhabu ziah pakhat 'Aseret Hashvatim' tih  ah khan in hmu thei ang…..   A awmna khawpui Triondrom ah chuan mawi tak leh tha takin min lo lawm a,  kan tawngtaiin Torah thute kan sawi ho vel a, tin, an mahni hote nen chuan Shabbat hla te kan sa ho vel bawk a, a chhungte chu kan tlawhin thil te kan zirtir bawk a, hetia kan inhmuh chhung hi ni thum chhung  ani a, he kan inhmuhna hi chhinchhiah tlaka mawi kan ti a ni, …

 

   Pirkei DeRabi Eliezer  bung 17 na ami leh,  Tehilim 60 na chungchang thu Midrash atanga lak bawkin, leh,   Yelkut Yosef 379 ah a lang bawk a, hetiangin;

 

     "Shaul-a leh a fapa te chu thah an lo nih tak ah chuan (Plishtim ho kut atangin) Gilad Yavesh hmun ami te chuan tihian an sawi a (Shevet Menashe hnam chanve te, Yarden rala cheng te an ni)  - " Amon-a fa ten min tih retheihna hnuai ata min chhanchhuaktu  chu (Lal Shaula chu), a chungah ngilneihna kan lan tir ve dawn lawm ni? " tiin.

 

     An mihuaisen zawng zawng te chu an tho va, zan khuain Beit Shean kulh bang lam ah chuan an kal a, (Shean, Plishtim ho ten ruang te chu an khai kanna hmun  a ni) , heta a sawi ang hian (Shmuel 1, bung 31) " Mi huaisen zawng zawngte chu an tho va, zankhua in an kal a, Shaul-a ruang te leh, a fapa te ruang chu Beit Shean kulh bang ata chu an la a tin,  Yavesh ah chuan an kal ta a". etc… - P-thian chuan heti hian a hrilh a,  " Hun lola kal tur ah chuan in lawmman chu ka la pe dawn che u a ni,  hun lo la kal tura Israel te chu khawvel lei kil li ata ka hruai khawm hunah chuan, a hmasa ber ah Menashe hnam chanve te chu hruai khawm an ni ang. Hetia sawi ang hian; (Tehilim 60) "Gilad ram chu kata ani a, Menashe ram pawh kata a ni,"  chumi hnu ah Efraim hnam chu hruai kir leh an ni ang a,  Hetia sawi ang hian; (Shivtei Israel phek 23) 'Ve Efraim Maoz (kulh) Rashi…'

 

      'Agudat Amishav'  ten Hnam sawm te chungchang thua an tih tur chu hetiang hian hetah hian i lo sawi zau ila  (Middrash Yelkut Shimoni  ב' 29  ah ) : "Af Arashnu Raanana" – Heng te hi Sambation Lui hma lama  hnam sawm hnawhdarh te chu an ni, Hun lola kal tura Yehuda leh Binyamin hnawdarhna chu (chungte chu Yehudim te niin,  Amishav pawl ang in, an mahni ang chuan – " hnam rawn harhchhuah tirh na ah chuan" , '(Shivtei Israel' phek 49 na en rawh)  , an mahni hnena va kal te, va hruai te, an mahni te nena  Mashiakh Lalram te chu hmang  turin (mak an la ti dawn a ni), tin, chatuan khawvel lola awm tur te nen, heta inziak ang hian; (Irmia 3;18) 'chung ni ah te chuan  Yehuda chhungte chu (a huhovin Binyamin hnam tam tak ten rawn zawm ve bawk in, hun kal ta ah) Israel chhungte nen an awm hovang, (hnam sawm  bo tate hmar lam ram ami te entirnan; India hmar lam a mite, China, Japan te chu hmar chhak lam niin) Israel ram ah.  An chanchin chu Ishaia 43 ah sawi niin, "I thlahte chu khawchhak lam atangin ka rawn hruai ang a," Hmar lam atang chuan a huhovin Israel ram lam ah chuan an rawn kal ang  in Pute ka lo pek tawh ramah chuan, tiin.

 

         Amishav in a tih tura chu, Maktaduai hruai hi a ni lova, hnam sawm te chhandamna hun tur lo thin harh chhuah tir na chu a ni, hnambo kan hriat chhuah tawh te Menashe(manasia) hnam ang te a Group ang a  hruai te, Efraim (Efradi), Reuven (Rabadi), Gad(Gadon), Dan (Ethiopian), Asher (Asheri) , Naftali (Daftani), leh ala chambang te, tuna la awm ve lo te.


 

    Maktaduai tam, kan unau hnam sawm te leh Yehudim te hruai haw na  nawlpui erawh chu  Mashiakh lokal thuai tur atana kan duha chuan a rawn tih tur a ni.  (hei hi en rawh, Ishaia bung 11 – Shivtei Israel (Rav Avichaila ziak) phek 14 na).


 

    Tin, Hnam Sawm bo tate chu an hnam lama hruai hawn an nih leh hun ah chuan Giur na hmanga hruai an ni ang, tiin (hei hi en rawh – Yerushalmi ,Sanhedrin bung 10 ,Halakha 6).


Categories: Article, Kehila, Community, History

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments