HAKHOKHMA Post Post New Entry

PESAK ANNUAL SPORT AFULA AH HMAN ANI DAWN

Posted by hakhokhma on April 1, 2012 at 5:40 PM

טורניר  פסח  בעפולה

    Kum danga kan lo tih thin tawh ang'n Afula Welfare Committee chuan Pesak khol Ha-moed hian Afula mipui te tan in tih hlimna neih leh nise tiin arela,Ahun atan Thawhlehni 10.4.2012 tlailam Dar 4.00 pm khi ruat ani a, ahmun atan Migras Kadur Regel Givat Hamore Afula chu ruat ani bawk a ni.Amaherawh chu kum hmasa a kan tih dan anglo deuh'n Foot Ball mai bakah Volley Ball leh Individual item chi hrang hrang telh belh tum a ni a,Tin kan in khai rual zawk theih nan athiam leh thiamlo deuh te in pawt tawn'n Group 4 Abrahama Group,Itzkhaka Group.Yacova Group.Yosepha Group tih tea then a ni a,Group tin atang'n Group Leader ruat nghal a ni bawk a ni,mahni telna Group chu List kan rawn siam ang hian lo ngaihven mai tur ani.Tin neih nei lova thil titur kan nih avang'n Group tin'n Budged Shekel 150 theuh thawh khawm nise,chumi tling khawm hmang chuan lawmman leh thil tul danga te lei nise tih a ni,Tin Group Leader theuh'n mahni Group Budged khawn khawm a Semtov Pachuau hnenah theh luh nghal bawk tur a ni,Tin Group inelna tur anih dawn avang'n item tin tehian point an keng tel vek dawna,atawpa belhkhawma point hmusang ber Group chu champion an nidawn a,chumi awmzia chu foot ball ah chauh emaw volley ball ah chauh emaw champion ringawt Group kha item danga tih chhiat viau chuan apumpuiah champion an ni chuang kher lo thei tihna ani,Tin,individuala tel tur tehi major Game a khel tur te tho kan nih dawn avang'n aruala tih aremchang dawn lova chuvang'n Individual item tih hmasak nise azawhah foot ball chu khelh chauh nise tih ani bawk a ni,.heng ahnuai ami tehi ahmasak dan tur in dawta khelh hmasak tur te chu a ni.


IN ELNA TUR TE

1.VOLLEY BALL: Best of three a khelh tur ani anga,inkhelh kual vek tur ani dawn a,vawikhat Game'n point 3 zel akeng tel anga,mahse Group khat zawk in Game an lak zawn chuan Game 3 khelh kher angai lovang,hun ren deuh angaih dawn avang'n Game puitling pangngai ang'n khelh tluan theih ani dawn lova,Point chhiara 15 hmu hmasa zawk zawk'n Game an la dawn a ni,


2.IN TLANSIAK: Group tin aiawh'n 3 zel tlan tur ani dawn a,Tin pakhatna'n point thum, pahnihna'n point 2.pathumna'n point khat an hmu dawn a,field dung goal ban leh goal ban in kar tlantur ani anga,chumi awmzia chu goal ban zawn lehlam atang'n an tlan tan anga goal ban leh lam an thlenah an chhuahna ngaiah bawk an rawn tlan thleng leh ang.


3.THIRFIANA MARBLE CHAWIA INTLANSIAK : Group tin aiawh'n mi 4 zel teltur ani anga,achak ber'n point 3.adawt'n point hnih.pathumna'n point khat an hmu ang.


4.LUNGDEN : Group tin ai awh'n pathum zel chhuah tur ani anga,adeng thui ber'n point 3,pahnihna'n point 2.pathumna'n point 1 an hmu ang.


5.MUSICAL CHAIR: heipawhhi Group tin aiawh'n mi pathum zel chhuah tur ani ang a,adam rei ber'n point 3.adawttu'n point2.pathumna'n point 1.


6.IN SUKNAWR : Group tin aiawh'n pakhat zel chhuah tur ani anga, achak ber'n point 3,adawt'n point 2. pathumna'n point 1 an hmu anga in draw an awm chuan point khat ve ve pek an ni ang.


7. INHRUIPAWH : Heihi chu zat leh zata in pawh tur ani anga,atam lamah chuan tiam chin aawm lovanga, mahse,zat leh zat ani tur ani ang.Tin Best of three a khelh tur ani anga, nockout systema khelh tur ani anga,ain tum tur te chu apawha pawh tur ani ang,Tin point pek dan chu chak apiang'n point thum zel ani anga mahse apakhat zawk an chak zawn chuan avawi thumna chu khelh angai tawh lovang.


8.FOOT BALL : Leauge systema khelhtur ani anga, chak'n point 3 in draw'n point 1 pek an nia ang.chumi awmzia chu hnehlo nei lova chak vek chuan point 9 an hmu thei dawn tihna ani. khelh thum theuh khelh tur anih dawn avang'n ahun chhung chu sawmpanga sawmpanga ani bawk ang.

        Awle heng tehi kan in kaih hruaina tura tana kan han ruahman chu ania,in fiamna tluangtlam leh felfai tak aawm theih nan mitin ten heng kan dan han zam ve ang ang tehi ngai pawimawh hram tur'n kan han in ngen nghal bawk a,abuai nuaih chuan anuam lo ti tur chu kei mahni tho kan ni,Tin programe duan lawk tehi atul dan azirh'n tih danglam theih ani ang,Tin nakina kan buai nuaih lohnan mahni awmna theuh Group te ahma a kan hriat lawk theih nan List siam ania,lo ngaihven tur'n kan han in ngen nghal bawk a ni,neih nei lo kan nih avang'n lawmman hlu tak in hlan tur chu a awm dawn lova, mahse, Judate hlimna thla Nissan thlaa keini Afula B'nei Menashe te inpawh taka kan in tihhlima,felfai taka hun kan khar anih chuan chu chu lawmman hlu berah Afula Welfare Committe chuan angai tlat dawn a ni.Khak Sameak...



(S/d Eitan Ralte)                                                             (S/d Naftali Ralte)

Secretary Afula Welfare Committee.                       Leader Afula Welfare Committee.

Categories: Sport, Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments